ذات عيون الريم🍷مكتملة🍷

🍷الجزء 33🍷

الجزء 33❤🍷🤍💕🔥

خدات من عندوا السوارت وخنزرات فيه حلات باب الطونوبيل ونزلات كتقاد فحالتها خبطات الباب مامسوقاش ليه هي الاخرى لاحت شعرها بدلال ورا ضهرها ومع كضور عينيها وهي تلمح طنوبيلتها تبسمات جنب بغرور وتكبر ونطقات بهمس
بلقيس:على الاقل درتي شي حاجة زوينة هاد النهار

(تمشات لطنوبيلتها بنخوة راسها رافعاه للسما وإبتسامة مستفزة مرسومة على شفايفها ركبات فطونوبيلتها قادات السمطة وكسيرات دايزة من حداه ومخلية غير العجاجة وراها عارفة مزيان غيكون تبع ليها العين داكشي باش بقات كتبوزا قوص حواجبوا متبع العين لطنوبيلتها حتى غابت على أنظاروا وهو يزفر بغضب مسح على وجهوا ونطق
عز العرب:خاصني غا الزواج وبيمن بهادي
(جبد سيجار من جيبوا وشعلوا وبدا يكمي ويبخ الدخان وشلا بلانات كيضربوا ليه فدماغوا بقوة ماعجباتوا هاد النهار بقوة ماكرهها فهاد اللحظة كره الزواج والعلاقة لي غتجمعهم قبل حتى يتجمعوا فدار وحدة عارف هاد الإعجاب مغيبقاش بخ الدخان بعيد ونطق بتوعد)

عز العرب:غنخليك تكرهي الزواج ومايجي منوا نشوفوا هاد التكبر فين غيوصلنا بجوج
وبلاما يحس بدا يفكر فطلاقهم قبل حتى يتزوجوا حالف وداير فدماغوا غير دير شي بلان ماهواش يعطيها علاش كضور لا الأولى كان داير ليها الخاطر وحنين معاها مدارتش ليه إعتبار هادي غديروا ليه بلهلا يكزيه ليها مكرهش كون ميتزوجش كااااااع ولاكن واليديه لي مزيرينوا..... باغي يجيب ولدوا حداه واخا مكيقدش يشوفوا فديك الحالة ولاكن ولدوا محتاج ليه محتاج يكون حداه وقريب منوا

وفجهة أخرى كانت سايقة طنوبيلتها والحضاش مرسومة على جبينها خوفها من هاد الزواج تزاد كتر وكتر خصوصا من اخر تصرف دار معاها من ديما كانت كتقول أنا باغا شي واحد يكون زوين وكاريزما ....غافلة على بزااااف دالحوايج معارفاش بيلا ماشي ديما لي كيكون زوين كيكون تعاملوا زوين معارفاش بيلا ديك الكاريزما لي كتبان ليها فهاد السيد ممكن تكون سبابها فعدابها من بعد

حلات عويناتها بالشوية حتا كيجيوا عليه نيشان رمشات بالزربة ونطقات بعدم تصديق وهي شادة فراسها
مهى:زين؟؟؟؟؟
(تبسم جنب ونطق بطنز):المرة الفايتة خارجة ليا فالطونوبيل هاد المرة خرجتي ليا فباب الدار المرة الجاية نلقاك وسط بيت النعاس

مهى(خنزرات فيه وبدات كتحاول تقاد الجلسة ربعات يديها ونطقات):إوا اش داك تبني دارك هنا الشريف ديك الساعات بنيها فشي خلا ونوض نايض مالنا فهاد الصداع كامل
(خرج فيها عينوا باش تسكت والسيدة والوا هي وبلقيس مسكين بمغرفة وحدة وئام لي قليلة فيها الهضرة أما هوما بجات لا حول ولا قوة إلا بالله العلي العظيم لي جلسوا معاه كيقلبوا ليه مخوا بالهضرة.....راسوا بدا يضور جاب ليه راسوا بحالا كاين فشي سوق وهي لي كتبيع الدوا ديال الدبان مجهدة صوتها بحالا كتهضر فشي بوق والمشكلة الهضرة لي كتقول كاملة لا أساس لها من الصحة )
زين:وحدة وحدة واش سارطة كاسيطة الشريفة
مهى:بزااااف عليك
زين:وااا جبهة هاديك عندك قصح من كمارتي
مهى:شوف متخلينيش ندير فيك.راسي يرحم باك راني معصبة
زين:اش غديري كاااع باب الدار راك هرستيه مازال شي حاجة اخرى
مهى:ياك جات غا فباب الدار اوا حمد الله هاد المرة غتجيك فقنت اخر

(نزلات راسها لوسط رجيله بحركة عفوية وبالزربة جمع رجليه قدامها حتا بداوا حنوكها يتزنكوا مكانتش قاصدة أبدا داكشي لي جاه فدماغوا معرفاتش علاش عينيها مشاوا لداك القنت ضورات عينيها فالبيت ونطقات دافعة جبهتها عليه)
مهى:علاش جايبني لبيتك؟؟؟

زين(كان يحساب ليه غتقول ليه شكرا مي السيدة بدات تبان ليه بحالا هاربة من شي سبيطار دالحماق تكلم بصدمة):واش متأكدة راك بيخير؟؟؟؟؟ياكما طلعات ليك السخانة ؟؟؟(يالاه بغات تهضر وهو يسكتها بسؤال اخر):أولا ياكمة هربتي من برشيد راه الفيزيبلات ديال دماغك ماهوماش
مهى:ياكما شفتيني كنلوح حوايجي (حطات يديها على الغوب لي لابسة بغات تحلها وهو يضور بالزربة عاطيها بالضهر وكيستغفر الله فنفسوا)
زين:اش كديري الموصيبة؟؟؟؟
مهى:بغيت نأكد ليك داكشي لي قلتي راه هربت ليهم غا اليوم
زين:نوضي نوصلك لدار باك قبل مانصدق أنا لي غادي لبرشيد نوضي