الجزء 74🔥❤❤👇❤👄✨✨✨❤🔥👄
عيسى : ماشي انا هي لي باغا طلاق اصلا هاد زواج كان غالط من الاساس ديالو واحسن قرار هو هادا... مهى انا عارف راسي درت مع وئام لافوت ولاكن راه بصح كنبغيها وباغيها لزواج هاد المرة ومتأكد غتبغي تزوج بيا غير نتي متوقفيش الوسط
مهى بللات شفايفها بريقها كيفاش غتشرحها ليه دب : وئام تزوجات
عيسى ( ما ستوعبش اش سمع ): شنوو قلتي؟
مهى : شوف هي دب تزوجات نساااها عليك هي(قاطعها بصوت مرتافع )
عيسى : تزوجاات ؟
مهى تلجمات كتشوف فيه كيف اللون تبدل فملامحو حدر عينيه الارض وعاود هزهم فيها ولاو حمرين دغيا ونطق بحرقة : واناا؟...من امتا هادشي...بيمن..اكيييد بززو عليها ميمكنش تكون تزوجات هي كتبغيني انا..اناا غلطت ااه ولاكن عمري بغيت غيرها..انا جيت نصلح الغلط ديالي دب و ... وهي تزوجااات
كان كيسكت ويدوي بحال شي حمق جاتو هستيرية مهى كانت تتشوف فيه تفكرات فاش وئام كانت تتبكي عليه وهو معقلش عليها وزيد وزيد خلاتو تا سكت عاد ردات عليه بحدة
مهى : علاااش انا لي قلت ليها باقي ملقيتش بنت الناس (سكتات تانية وكملات ) لااا يمكن انا لي نضت مشيت قصرت مع وحدة برانية وجبتها بكرش (عودات سكتات وتبسمات بإستهزاء ) يااك اولد مي وبا انا لي جبت المرة وخليتها معلقة
غوتات : وباااز انا حشمت بلاصتك حق الرب درية سكتات ليك كنتي مرة تلمح ليها مرة تخبطها مع الارض نضتي تزوجتي وبغيتيها تبقا تسنا يااك ؟ حلف بالله تا داوي بصح ؟
عيسى هضرت مهى ضرباتو ديال بصح عينيه ولاو حمريين كيف جغمة الدم وناض هز فاز كان فوق الكوافوز وخبطو مع الارض تا تشتت وبدا كيغوت : سكتييي مشغلكش سكتيي (مشا تال عندها وشنق عليها عينيه تعماو ليه ) درت لي درت ونتي مالكي هااا كندخل ليك انا فحياااتك هاا
مهى جرات ليه ايديه باش يطلقها وهو ستدرك ولاحها فوق الناموسية وتم غادي خارج من البيت تا قرب يوصل لباب وسمعها دوات وقف عاطيها بظهر
مهى: ضراتك هضرتي حيت عرفتيها هي الحق كاامل يااك؟ اوى سمع ليك هادي وئام عتابرتك صفحة وتطوات من حياتها هي تتبغي راجلها وهو كلشي فحياتها دب.. فغي نتا متدخلش فحياتي ولاكن راك كتدخل فحياة صحبتي لي بعيييدة عليك كااع نسااها كيف نساتك
مهى: ضراتك هضرتي حيت عرفتيها هي الحق كاامل يااك؟ اوى سمع ليك هادي وئام عتابرتك صفحة وتطوات من حياتها هي تتبغي راجلها وهو كلشي فحياتها دب.. فغي نتا متدخلش فحياتي ولاكن راك كتدخل فحياة صحبتي لي بعيييدة عليك كااع نسااها كيف نساتك
غير كملات هضرتها وخرج وخبط الباب وطلع لبيتو وبدا كيدكدك لي لقاها قدامو وكيغوت بالفقصة عارف مهى عندها الحق هو لي بدا اللعب ولاكن هي تقدر تزوج وتخليه بصح لااا لاا ميمكنش شي حاجة تما هادشي باش برد راسو وتلاح فوق الناموسية وايدو نازلة مع جنب تتسيل بكترت ما هرس ونطق بحدة : هي ديااالي والله لا خليتو فرح بيها
فمكان اخر وبضبط عند رباب
دخلات مع الباب هازة صاكها عرفات هاد الخرجة اللخرة لي خرجات خسرات فيها بزاف حاولات تبسم باش تستمد قوتها من ابتسامتها وداكشي لي كان حسات بقلبها نشط شوية وهي كتخايل حياتها لي غتبداها دخلات ديريكت لبيتها ولاحت الصاك فالارض ومشات لماريو مكانش عامر بزاف حيت بزاف الحويج داتهم معاها لعند عيسى وطبعا مغتردهمش حيت ديك دار حلفات لا عتبات فيها تاني (مازال تحنتك الوقت هههه) جبدات حويج ديال الدار تلبسهم ودخلات دوشات ولبسات حويج الدار وخرجات كضور فدار كتحاول تدير أي حاجة تلاها بيها تا الخدامات ردو ليها البال بلا كتحرك بزاف على غير عادتها داز نهارها كلو غير بين الضحك مع الخدامات والقص كل مرة تطير شي حاجة تاكلها والعشية دوزاتها كلها فالبيسين تا وصل ليل وخرجات لبسات حويجها ومشات تعشا كانت غير هي وباها لي كيتعشاو وباها غير ساكت كيحاول يشوفها واش بصح صافا دب ولا غير كتصنع كملو العشا فصمت مسحات فمها ونطقات
رباب : باباا
هز فيها رشيد عينيه كيتسناها اش غتقول ونطقات مسترسلة : بغيت نبعد باش نبني حياة جديدة... مكرهتش نمشي لرباط نستقر فيها
رشيد مسح فمو عاد دوا : نكمل شي خدمة ونشوف شي فيلا تما نستقرو فيها
رباب حركات راسها بنفي دغيا : لا لا بغيت نعول على راسي ابابا باراكة لي ضيعت قبل مرانيش صغيرة ابابا غنستقر تما راسي غير نقاد اموري وجي وقتما بغيتي عندي
رشيد : ولاكن (قاطعاتو )
رباب : عافاك ابابا غير تيق فيا كنواعدك هاد المرة مغنخدلش تقتك فيا....
فمكان اخر
كانت عاد دخلات لدار ميتة بالعيا حطات انس فبلاصتها وكالاتو بالمخاد وجدات ليه البيبرون دغيا عطاتها ليه ودخلات لطواليط ورجعات لبسات شوميز تكات حداه ونعسات دارت بلاش من كلشي لا ماكلة لا دوا وانس حداها كيلعب تاهو تا عيا وداه نعاس
اما سي عز العرب سكر مزياااان عاد جا بكترت السكرة مشا لجيران كيحاول يحل الباب مبغاش يتحل سمع الجار داك الصوت ناض دغيا حل الباب خاف ولادو يفيقوا حل الباب بان ليه ما فهم والو عز العرب غا شافو شنق عليه ونطق بالغوات : اش تدير نتا فداري
YOU ARE READING
ذات عيون الريم🍷مكتملة🍷
Romance💎مكتملة💎 🍷❥ قصة بعنوان:ذات عيون الريم🍷❥ ✨بقلم:Hermosa El & Nour Qamar ✨& الساحرة النورس❤✨ ❤🍷:إقتباس🍷❤ 🍷❥ يا ذات عيون الريم 🍷❥حاولت عبثاً أن أكتب الشعر فيهما .. 🍷❥ لكن هيهات أن أُروض خيول الشعر في عينيك ! 🍷❥إنها جامحة كالأعاصير .. 🍷...
