ذات عيون الريم🍷مكتملة🍷

🍷الجزء 45🍷

الجزء 45🔥🔥🔥🔥🔥🔥❤✨🍷🎺

خرجات مخلياها فالكوزينة وغير بانت ليها عتبات باب الكوزينة وهي ترجع باللور تا تكات على البوطاجي رجليها فاشلين عليها عينيها مابقاتش كترمشهم بقوة الصدمة شكون يقول بيلا بنت عزيز وفردوس لي تمناها ألف راجل تزوجات بواحد مبززة عليه من طرف عائلتوا ومن فوق هادشي مزال كيبغي مرتوا الأولى إهانة كبيرة ليها ولي زاد كمل عليها هو تهديد سهام ليها بقات ساهية فالفراغ دقائق كتيرة وغير وعات على راسها وبأن ديك خيتي ممكن ترجع وهي تعمر الكاس بالماء وخرجات من الكوزينة طفات الضوء وطلعات فداك الضلام فالدروج كتقول غير النهار الأول وأش وقع ليا ماعساك لادوزت شي مدة طويلة..... بزاف دالمرات كنكونوا فاهمين الحاجة غلط كنفهموها كيف بغيناها حنا وهادشي لي وقع بالضبط لبلقيس لي شافوا كيف كان يقول ليها  ويبزز عليها باش تزوج بيه ميقولش ابدا أنوا مزال كيبغي مرتوا الأولى وصلات قدام البيت ودخلات بهدوء النار شاعلة فقلبها والخنقة شاداها  هزات الدواء شرباتوا وعينها عليه وعلى ملامحوا حطات الكاس فوق الكوافوز وطفات الضوء ومشات كتعرج لجيهة البالكون حلاتوا وتكات على بابوا كتشوف لبعيد وبدا دماغها يستحضر تصرفاتوا معاها قبل زواجهم هي لي كانت متغاظية على حوايج كانوا واضحين وباينين من الأول واش كاين شي واحد كيكون خاطب واحد الإنسانة وكيطلع ليها الفي مكيسولش فيها لجوج سيمانات وكتر ويلا هضر معاها كيلوح ليها شي هضرة بحال السم من الأول كان منخلها وهي لي دارت راسها غشيمة ومكتفهمش من الأول كان باين بيلا علاقتهم سامة وغير غادي ضرها ولاكن اعجابها خلاها تغاظا على كولشي
(تبسمات بسخرية مني تفكرات كفاش كانت تهضر ليها سهام على حبوا لمرتوا الأولى واش كاين شي واحد مرتوا كتفرط فيه وفولدوا وكيبقا يبغيها لاكان بصح مزال كيبغيها فراه علاقتهم بجوج غتكون أكبر غلطة دارت فحياتها كاملة هنا تفكرات هضرة واحد البنت كانت كتقرا معاها مني قالت ليها تزوجي لي كيبغيك ولي كيعاملك مزيان ولي مهتم بأهم تفاصيلك ماتزوجيش بهداك لي باغا نتي وهو ممسوقش ليك حتاش غتعيشي معاه غا فالدل بقات فكرة كتاخدها لفكرة اخرى ومع فيها بومزوي والأعصاب بدات كرشها كتقطع عليها والاعصاب ديال الدنيا والدين تجمعوا عليها  ....البنات الاخرين فياماتهم الأولين كيدوزوهم كلهم فالضحك والنشاط والحب وهي فالليلة الأولى ليها سمعات هضرة سممات قلبها .... كون غير عرفات هادشي  قبل مايدخل عليها كانت غتحبس كولشي ولي بغا يقول شي حاجة يقولها ولاكن صافي لي عطا الله عطاه

كان ناعس  حتا كيحط يدوا فبلاصتها معول يجرها عندوا يعنقها حتا كيلقاا بلاصتها خاوية وهو يحل عينيه بالزربة ومع كيهز عينوا جيهة البالكون حتا كتبان ليه متكية على بابوا كمش حوابجوا بإستغراب وهو ينطق ببحة ديال النعاس
عز العرب:بلقيس اش كديري تم؟؟؟؟
(بلاما تلفت لعندوا نطقات بهدوء وبكلمة وحدة وبنبرة جافة)
بلقيس:والوا!!!!