ذات عيون الريم🍷مكتملة🍷

🍷الجزء 6🍷

✨🍷الجزء السادس 🍷✨
❤🍷ذات_عيون_الريم🍷❤
Hermosa El & Nour Qamar
في بَحرِ عَينيكِ هامّت كُل أشوْاقي
يا رَبةَ الحُسنِ هل تنّويِنَ إغْرَاقي؟

هزات صاكها لي فالأرض مسحات دموعها و بصوت هادئ وبارد كالصقيع نطقات بالكلمة لي خلات قلبوا يضرب بعنف

مهى : غادي طلقني.... ومبغيتش نشوف وجهك نهائيا لآخر يوم فحياتي من اليوم نسا شي وحدة سميتها مهى.... مهى لي كتعرف اليوم ماتتتتت ونتا لي دفنتيهاااا.... سالينااااا شفتي كون غا قلتيها ليا قبل ربع سنين قول ليا بغيت الولاد نطالقوا ديك الساعات بلا ما تبقا ضيع ليا فحياتي معاك ولاكن لي ميسواش راه ميسواش صدقتي ولد الكل.بة مقطر

نزلات مع الدروج كتحط رجليها فدرجة وكتنقز جوج معارفاش راسها تا فين كتعفط وفين مادازت من حدا شي جار من جيرانهم كيعطف عليها محملاتش راسها ومحملاتش شوفاتهم ليها ومع آخر خطوة خرجات من تم .... النفس تحبس ليها عينيها تجلخو بالمسكارة وبداوا يحرقوها بالجهد ركبات فطونبيلتها من بعد ماوصلات للباركينك وكسيرات معارفاش فين ولا كيفاش غدير تسوق يديها كيترعدوا ولاكن كل ما كيهمها هو تبعد وتمشي لبعيد.... تمشي لشي جايحة كحلة روايض الطونبيل تحكووو مع الأرض بالجهد تحركات بسرعة

الطريق كلها وطنوبيلتها كتميل يمين وشمال مامتحكماش أبدا فالفولون وصلات لواحد النفاق مظلم مبقاات كتشوف والو عينيها عامرين دموع والسخفة شداتها بغات توقف الطونبيل ولاكن فقدات السيطرة خدمات لفران فآخر لحظة ومحسات براسها حتى دخلات فشي طنوبيل.. من زهرها كانت دايرة سمطة و موقع ليها والوا من غير جبهتها لي تجرحات ..تكات براسها على الفولون كتبكي وتشهق تخنقات ومابقات قادة تطلع النفس ولاتنزلها
بعد تواني قليلة تحل باب الطونوبيل
فاش دخلات وخرج منها شاب.فأولى التلاتينات تكون عندوا ديك
31
عام
سمر شوية حروفووو كحلين جاي قاصد الطونوبيل وكيطوي فكمام القميجة معول على خزيت عند بالوا هذا لي خرج فطونوبيلتوا غير شي برهوش دالخلا

حل الباب ويالاه باغي يقول ليه نزل عندي حتا كيلمحها متكية على الفولون وصوت بكاها مسموع وقف لوهلة من الزمن كيشوف فشعرها الأشقر لي مغطي وجها

&&&&:
ختي نتي بيخير؟؟؟؟

(طلعات فيه راسها بالشوية وبدات تمسح فعينيها بكمام داك الكاب حركات ليه راسها يمين وشمال وبدات تبكي تاني وتشهق ماعرف مايدير تشوكا بقا كيشوف فيها كفاش كتبكي حتى دار بالزربة و مشا ب لطونوبيلتوا جاب منها قرعة دالماء و عطاها تشرب خداتها من عندوا ويدييها كيترعدوا شربات منها شوية وهي طيح من يديها على فخاضها حتى سردات كلها حطات يديها على وجها كتبكي تاني كولشي كيبان ليها معكس هزات راسها الفوق كتحس براسها مخنوقة بزاف شاف حالتها هاكاك وهو ينطق)

&&&&&
:
أجي نزلي (مد ليها يدوا تشد فيه تنهدات كتحاول دخل النفس خرجات من الطونوبيل كتميل وكون ماهو كانت أطيح ماكلات والوا اليوم ومع العشية شربات كينة دالراس معدتها حسات بيها كتقلب
بعدات عليه بالزربة مشات للقنت ونزلات كترد وتبكي قرب لعندها وجمع ليها شعرها باش متوسخوش حتا ردات على خاطرها مشا كيشوف فطونوبيلتها بانت ليه قرعة دالماء خداها بالزربة وقرب لعندها ومدها ليها خداتها من عندوا شللات فمها ونزلات على النص فيها والماباقي غسلات بيه وجها ويديها مزال كيترعدوا عليها لاحتها وتلفتات لعندوا وبلاما تهز فيه العين نطقات
مهى:شكرا خويا؟؟؟؟
&&&&
؛
زَيْنْ