ذات عيون الريم🍷مكتملة🍷

🍷الجزء 93🍷

الجزء 93👄❤✨🔥

رجعات شافت فيها مهى مني سطاسيونات   بانو ليها غير كتافها لي شادة عليهم عريانين نطقات بإستهزاء : لااا باينة بااينة هههههه نخليكم جيو بكري فالعشية باش تحضرو معايا من لول

بلقيس : كترضي الصرف تا نشوف واش نجي تقلقت دب

وئام بدات تضحك ونطقات : سيري خليني نوجد فطوري راني مشهية الكريب غنحكهاا

بلقيس : واناا نمشي نعس مكاينش لي ينفعني قد نعااس دب

مهى : بففففف مملات نخليكم
قطعات مهى لولة وخلات البنات كيضحكو عليها ولاحت تيليفون لداخل فطونوبيل وهزات صاكها وخرجات لقات البنات سبقوها لداخل معرفات شكون العروسة فيهم تتمتمات بصوت ممفهومش : طيرو وبرزو بلاصتي كااع نتوما تعت لي يمشي ويخلي ليكم هاد الحمام نمشي لشي حمام اخر ....
عند بلقيس بغات ترجع تنعس تفكرات بيتزا ديال البارح وطار عليها نعاس جاتها البكية ناضت جلسات  ونطقات بكره : اععععععع لاش مفيقيني كاااع  رجعات هزات تيليفونها وصونات لداك المحال لي طلبات منو لبارح كتجاوبها فاطفوكال تفكرات بلا 9 صباح كاين شي بيتزا دب بغات تموت بالفقصة شافت فالكونة ديال أنس فالقنت ديال البيت وكمل ليها لي باقي وهي تبدا تهرنن تاني ...

فالليل
فوسط بورش سوداء مزوقة وباينة وضوح الشمس أنها سيارة عرسان غادة  فالطريق وكتكلاكصوني وطونوبيلات من بعدها تا هوما نفس الشيء جالسة فبلاصتها بقفطان العروس الهماوي يدها فيدوا وقلبها باغي يسكت بقوة ماكاتسمع دقاتوا فودنيها مامتيقاش أنوا اليوم عرسها كتشوف كفاش دازوا الأيام بسرعة البرق بدون ماتحس بيهم عاد البارح عرفات بزواج راجلها الأول عاد البارح تحطمات وبكات وتجرجرات فالمحاكم تضلمات ولربي شكات وهاهي اليوم بقلب مجبور.....بقلب كيدق بالعشق لحبيبها لي تعرفات عليه صدفة فاليوم وقع لي وقع لقائهم كان فشكل ضناتوا غريب وشخص عابر فحياتها وعمرها باقا تشوفوا ولاكن القدر لعب لعبتوا ولاقاهم مرة وجوج وتلاتة كتفكر كفاش ناض وخطبها بدون مايعير اهتمام لرأي أي شخص كفاش بغاها وشراها غالي ...كفاش نهار سمع لي وقع ليها عنقها وضمها لصدروا وقسم لرب العباد أنوا غيعوضها مسح دمعتها وساندها وربي جبر بخاطرها فرحتها اليوم ماتعطيها لحد....
شافت فيه بطرف عيونها وهي تبسم مني بان ليها هز يدها لفموا وقبلها بهوس...شاف فيها لقاها ضايرة لعندوا وهو ينطق

زين:مالك الموصيبة ديالي ( شاف الفواال مدرق ليها جهها بغا يحيدو وهي تبعد وجها وهو ينطق ) منشووفش مرتي اناا

تبسمات تحت من المواال وشافت قدامها حالفة ماتوريه وجها تا يوصلوا لباب القاعة و للحظة تنهدات وهي كتفكر السيمانة لي فاتت نهار دق عليها أكرم باب الدار تصدمات حتاش خرج من الحبس مي من بعد مابقاتش مهتمة ومخافتش منوا بتاتا
حتاش عندها جبل مايهزوا ريح قدامها وماكاين لي يقد عليه طلب فيها تسمح ليه طلبها ترجع ليه مي حلفات بربي تا تعاود تجرجروا فالحباسات لامبعدش منها ومع طلبها وسط مها وخواتاتها وماكانش إسماعيل وعيسى ماناضش الصداع أما كون كانوا كان عيسى ينحيه من فوق الأرض...عيا يطلب لدرجة كان غيبوس ليها رجليها باش تسمح ليه على لي دار وهو فحالة سكر فالاخير لاحت عليه ديك السماحة من فوق القلب غير باش يبعد عليها ولاكن البلان لي دارت ختها ريم قود الأمور خصوصا فاش عرضات عليه باش يجي لعرسها على أساس هي لي غتزوج عايرات فيها وماخلات ماسبات فيها مي جاوباتها ختها  بكلمة وحدة هي خليه يدوق من نفس الكاس مناش دقتي نتي خليه يحضر لعرسك بلاما يحس خليه يدوق المرار لي دوقك فديك الليلة خليه يتعدب كيف عدبك من قبل خليه يتمنا الموت ومايلقاهاش
وقفات طونوبيل قدام القاعة وشد فيديها تبسمات ليها ونزلو والناس تابعاهم بالصلاة على النبي تا دخلو لقاعة بالدقة المراكشية

فقاعة الحفلات جالس فالقنت ومراتوا مقابلة معاه كتشوف فيه كيف مامسوقش ليها بدا كيقلب عليها بعينيه موحشها وباغي غير إمتا يشوفها خلاص عمروا حضر لشي عرس حتاش بكل بساطة معندوش مع هاد الأجواء حتى من عرسوا هو وياها داروا غا حفلة صغيرة فيها غا العائلات حك حاجبوا فاش تفكر أنها مبقاتش مرتوا دابا وأنه مبقاش من حقوا يفكر فيها هو لي فرط فيها هو لي فضل ولدوا عليها إذن يتحمل مسؤولية اختياروا مقادش لحد الآن يتقبل الفكرة ديال أنها مبقاتش مرتوا طرد أفكاروا ورجع كيقلب عليها حتى كتجي عينوا على ريم ختها الصغيرة رفع حواجبوا بإستغراب كفاش ياك عرسها اليوم ولاش لابسة تكشيطة عادية ولاسقة حدا مها كيستقبلوا فالناس؟؟؟؟
شي حاجة ماهياش سمع صوت الدقايقية هذا كيعني أن العروس وصلات مهتمش رجع كيقلب عليها بعينوا قال واقيلة ختهم الأخرى لي عندها العرس بداوا النكافات كيصليوا على النبي وهو ضور عينوا لجيهة باب القاعة متوقعها دخل دابا أكيد غتكون مشات مع ختها عند الكوافورة بدا كيشوف شحال بانت ليه العروسة داخلة وشادة فيدين راجلها وقفات هي وياه ضار لجيهتها باغي يرفع الشبكة على وجها حتى تقابلات معاه العروسة بدات كترفع الشبكة على وجها ومعاه بداوا ملامحوا كيتكمشوا بالصدمة عينيه خرجوا من بلاصتهم وعروق جبينوا فالبلاصة ضهروا كفاش هي العروسة ؟؟؟؟؟؟؟؟؟