ذات عيون الريم🍷مكتملة🍷

🍷الجزء 47🍷

الجزء 47❤✨🍷🤍🍷❤🔥❤🔥❤🔥❤🔥❤🔥❤❤🔥✨🥁🌪🎺🎵

خرج إبراهيم معصب من البيت وهي
وقفات كتشوف فولدها  بنضرة غاضبة وهي تنطق بنبرة حادة
رحمة:اش دارت ليك ديك البنت بالسلامة تا نايض قاجها على شوية كانت الروح غطيح؟؟؟؟واخا ماعرت اش دير متنوضش دير فيها ديك الحالة مسكينة وهي عاد عروسة فيومها الرابع
عز العرب:نق&تل الحمار بوها وندخل للحبس باش نوريها تحط يدها على ولدي وتبغي تقتلوا
رحمة(خرجات فيه عينيها ونطقات بصرامة ):بلقيس تقتل الدري ؟؟؟هااااااااا واش البنت من ليلتها فاش جات وهي غا كتراري بيه واعتابراتوا كتر من ولدها وكتقول ليا باغا تقت..تلوا؟؟؟؟
عز العرب(كيحاول ميغوتش قدامها احتراما ليها):الوليدة مسمعتيش غوات الدري هاااا ؟؟؟شنقات عليه حتا بدا يغوت وكون ماسهام كانت تقت..لوا
(حطات يدها على راسها مصدومة ميحسابلهاش غتنوض تجبد الصداع بين الراجل ومرتوا  وباش باليد لي كضر عز العرب استغفرات ربي فخاطرها بقات مشوكية لمدة وهي تهز راسها فيه ونطقات بهدوء مراقبة ملامحوا)
رحمة:بلقيس الوقيتة فاش بدا الولد يبكي كانت معايا فالبيت وناضت باغا طلع لعندوا ولاكن مخليتهاش قلت ليها عز العرب واش كاين فالبيت قالت ليا واه قلت ليها هو يسكتوا
يعني لي خنقات الدري هي بنت ختي الشريف
(الدنيا ضارت بيه ودنيه بداوا كيصفروا وعينيه خرجوا فرحمة بصدمة بلع الريق لي وحل فحلقوا حتى تحركات تفاحة آدم شعور خايب بزاااف أنك طيح الباطل على شي حد غا هكاك وكأنوا كان فشي كابوس وعاد ضرباتوا الفيقة منوا شاف جيهة الباب منين خرجات ونطق بهدوء
عز العرب:بلقيس!!!!
(حل باب البيت ونزل كيقلب على سهام وكيعيط بالجهد عروقوا خارجين حالف حتا يجري عليها ولاكن من حسن حظها غير سمعات رحمة كتعاود ليه وهي تنزل لبيتها لبسات عليها جلابة وهزات صاكها وهربات بعضامها صحاح من الدار سمحات فحوايجها وكولشي وخرجات كضحك حتاش جبدات المشاكل بينهم بجوج وغير ركبات فطاكسي وهي تدخل لواتساب وصيفطات أوديوا لرحمة كضحك فيه بخبت
سهام:خالتوا الحبيبة ماحشوماش أنا بنت ختك ومكتحملينيش هههه معلانا نتي معلاباليش بيك شفتي كيف ما ضرب مرتوا بيديه غيدخلني كنة لهاد الدار وبيديه يالاه تهلاي

قلب عليها الدار كاملة مالقاهاش وهو يمسح شعروا ونطق بغضب
عز العرب:نتي لي كنتي خاصاني أبنت الكلبة

(خرج برا وعينوا مشات لبلاصة طونوبيلة دبلقيش مالقاهاش وهو يزيد يتعصب  هز التيل ديالوا ومشا نيشان للكونطاكط وبدا يصوني ويعاود ووالوا دخل لواتساب كيصيفط ليها فلي ميساج واحد ورا لاخر ووالوا مكتجاوبش دخل للفايس ونفس الشيئ مكتجاوبش أول مرة يبقا كيصيفط ليها فليميساج بزااااااف كان مكيهتمش واخا ميهضرش معاها تا فوق سيمانا ولاكن دابا باغيها تجاوبوا دخل للدار بدل عليه بالزربة هز كونطاكط الطونوبيل ومع ركب فيها معول يقلب عليها فين مشات حتا بدا التيل كيصوني ليه جاوب وهوما يقولوا ليه كاين شي  إجتماع  وبما أنو هو المدير خاص يكون حاضر
أستغفر ربي فنفسوا وكسيرا غادي لليسي وماهي إلا دقائق حتا وصل نزل من الطونوبيل وتم غادي لجهة الإدراة وداك الكوستيم فالكري زادوا جمال فوق جمالوا عاد التخنزيرة لي فوجهوا كتخلي كل من شافوا ينزل الراس ويزيد يخرج من الليسي بلا هضرة بلا جوج واخا الساحة مزالا عامرة والساعة عاد صونات حل الباب ودخل عليهم لقاعة الأساتذة لقا السلام على الحضور وجلس فالراس ديال الطابلة وحط تيليفونوا قداموا معلابالوش بالحضور وماهاموش شكون حاضر وشكون لا تفكيروا كلوا عند بلقيس أول مرة ميركزش فالإجتماع وأول مرة ميسولش على شكون حاضر فالإجتماع وشكون لا وأول مرة ماينطق بتا كلمة عينوا غير فالتيل وكل مرة يحلوا ويشوف واش وصلوا شي مساج ولالا وفوسط داك الإجتماع كانت شيماء لي فور دخولوا فلاتوا بعينيها وأول حاجة ركزات فيها هي يدوا مني بان ليها خاتم الزواج كيلمع فصبعوا تزاد معاها الزايد والعافية شعلات فقلبها متسرطاتش ليها كفاش خلات ليه الولد مريض باش تا وحدة ماتقبل بيه كفاش تزوج دابا غير وصل الإجتماع للنص ديالوا وهو يقول ليهم صافي سالا كل واحد يمشي يقري تلامذوا دخل للبيروا ديالوا وحيد لافيست ديال الكوستيم ورجع يصوني ليها يدوا حطها فخصروا وبدا يمشي ويجي فداك المكتب مني شافها مغتجاوبش وهو يجلس فالكرسي ديالوا ومشا نيشان لواحد التصويرة تصورات فيها هي وياه والوليد وسطهم  وكانوا كاملين كيضحكوا عاد البارح تصوروا هاد الطوف دارها فالشاشة ومع تسمع الباب كيدق وهو يحط تيليفونوا قداموا ونطق بهدوء
عز العرب:دخل!!!!
(دخلات لعندوا كانت لابسة داكشي مزير باش تبين ليه  كرشها وباش يعرف راها حاملة بلعاني مكملش فيها الشوفة حتاش مبقاتش كتهموا بالمرة شعل البسي لي حداه ونطق)
عز العرب:أش كاين؟؟؟
(عينها مشات نيشان للطوف لي كانت كتبان وضوح الشمس ليهم واخا مبايناش فيها بلقيس مزيان كانت   متكية على صدروا وولدوا وسطهم الهضرة وحلات فيها والعافية شعلات فقلبها كانت جاية تفقصوا تا صدقات هي لي فاقصاه