ذات عيون الريم🍷مكتملة🍷

🍷الجزء 30🍷

الجزء 30❤💝🍒💘🍷🔥

بلقيس غير حسات بالباب تسد وهي تنهد ونطقات
بلقيس:شكون هاد السيدة لي داخلة مدرمة؟؟؟؟
عز العرب(هز الستيلوا كيسيني وفنفس الوقت كيخدم بالطابع وهي غا كتشوف وتبرقق بعينيها طلع فيها عينيه

ونطق) :هادي وحدة فالحراسة

(حركات ليه غا راسها ورجعات تكمل خدمتها بالزربة سالات داكشي لي عطا ليها شافت فيه ونطقات ):ساليت

(شاف فيها وهضر بتفاجئ):ياد؟؟
بلقيس(رفعات حواجبها فالسماء بالزربة ونطقات):أييه عطيني شي حاجة أخرى نديرها

هادشي راه ساهل
خدا شي وراق من الكوافوز وجبد لاكارط ديالوا ونطق
عز العرب:هاكي عمري ليا هاد الوراق
(عضات على شفايفها وخداتهم من عندوا وتكلمات)؛مكتكونش عندكم الخدمة بزااااف ياك؟؟؟
عز العرب:شوية ماشي بزاف

(خدات لاكارط ديالوا وسط يدياتها وتبسمات بلاما تحس مني شافت تصويرتوا هزات راسها فيه ونطقات):هاي هاي كنتي معول تخليني هاد الوقت كامل وسط الطونوبيل مبقيتش فيك؟؟؟
عز العرب:فيك الهضرة بزاف وانا معزيزاش عليا الهضرة أبلقيس

بلقيس:كلاش قبل الطناش ها علاش كنقول ليك غنمشي صغيرة عند ربي وانا مزال ما شفت ما تشوفت

عز العرب(ضور عينوا كيشوف فيها كي كضحك والغمازات كيترسموا ليها فحناكها وكي كتولي حمرة فتانية وحدة...... ريحة النقاوة كتفوح منها تبسم جنب ونطق بهمس):بلقيس

(سكتات من الضحك وضورات راسها شافت فيه بدوك العوينات لحيتوا عينيه زينوا فخامتوا كولشي فيه زوين تبسمات لأفكارها ونطقات):نعام؟؟؟؟

عز العرب:نديروا لاكط السومين الجاية
(خرجات فيه عينيها تقادات فجلستها ونطقات):الا بلاتي أسميتك مزال ماتافقنا على والوا كفاش لاكط؟؟هاحي مزال خاصنا هضرة كتيرة على هادشي
عز العرب:معزيزاش عليا الهضرة أبلقيس خاص نبقا نعاود ليك هادشي ديما

بلقيس:إوا أنا فيا الهضرة كتيرة شفتي منصلاحش ليك كاع كاع لاطولنا اخرتها طلقني و تخليني الله
كريم
عز العرب:داكشي لي كتقلبي عليه مغتلقايهش الزوينة قلت ليك حطيتك فراسي مكاين لي يفكك مني

تنهدات وتكلمات بصريح العبارة
بلقيس:عز العرب راه الزواج هذا شخصيتي وشخصيتك مختالفين بزااااف نتا مغتقدش عليا وأنا مغنقدش عليك

هضرتها دخلها من ودن وخرجها من التانية خلاها كتهضر غا بوحدها حتى عيات وهي تنهد وسكتات راسها
.......كتشوف دابا لي مزال ماداروا فالطاجين مايتحرق وطرطق ليها قلبها بالأعصاب ماعساك لامشات حتى تزوجات بيه ناض جمع الوقفة خدا من عندها الوراق لي عمرات فيهم شي وحدين شاف خطها زوين بزااف تبسم وخشاهم فالكوافوز...لدابا كيحاول يلقا حاجة صغيرة خايبة فيها مي والوا

عز العرب:يالاه ناخدك تغداي
(وقفات كتقاد فحالتها وهو متبع ليها العين لكل حركة دارتها لاحت شعرها ورا ضهرها ونطقات):فين نمشيوا؟؟؟؟
عز العرب:ناخدك تغداي فالريسطوا ديالي؟؟
بلقيس:هاااح شهيتيني ف
(عض على شفايفوا شاف فيها شوفات فشكل ونطق):خلي داك الصويت ماشي وقتوا هذا
تال من بعد
(ضرباتوا لدراعوا حتا تبسم قلبات وجها لي غيطرطق بالحمورية ونطقات):سكت حشومة عليك

عز العرب:مالك؟؟؟
بلقيس:لا مامالي والوا شوف نتا مالك ؟؟؟
عز العرب:زيدي قدامي خلاص قبل لانصدق ساد عليك هنايا نخليوا لي ماشرا يتنزه

(غطات وجها بصاكها وسلتات سابقاه كتولول فخاطرها شافت فيه لقاتوا وراها نيشان لقاتوا هاز السوارت فيديه وكيلعب بيهم):ربي ماقولي كفاش حتا عرفتوني

وشكون قال ليكم عليا؟؟؟؟

مسح شعروا ونطق بهدوء:الوليدة لي تسولي أنا ماعندي خبار
بلقيس(بصدمة):كفاش؟؟؟
عز العرب:كان يحساب ليا شي شارفة لي خاطبة ليا الواليدة حتا لقيت القمر قدامي
(حشمات فحوايجها وكون صابت تشق الأرض وتبلعها والا هاد الهضرة لي كتسمع منزا عجباتها هضرتوا اه ولاكن فنفس الوقت خايفة تيقها وتبدا تعلق بيه فالاخير يمشي ويخليها هاد الهضرة غتفرح بيها مني تكون مزوجاه مي دابا لا ....فرحتها ناقصة وباش تزوجوا خاص يطلع ليها الطونسيون ل 24