الجزء 107 💋
اشرقت شمس الصباح بنورها ضوات ارجاء الكون فاقت رؤيا على تيليفونها تيصوني هزاتو وحطاتوعلى ودنيها
عيسى : زين ديالي باقا ناعسة
رؤيا : اممم
عيسى : فيك نعااس منمشييوش
رؤيا غير سمعات منمشيوش جلسات وعينيها مغمضين تتسمح فيهم بضهر ايدها ونطقات : لااا بغيت
عيسى : يالله لبسي اندوز عليك دب
رؤيا : واخاا
غا قطع عليها وناضت تتجري لطواليط خوات عليها الما بارد باش تفيق تا حسات بعينيها تحلو ومسحات وجهها بالفوطة ورجعات تتنقز لماريو تتقلب على اش تلبس بانت ليها واحد الكسوة حد ركبة كانت شراتها ليها بلقيس مكتبغيش تلبسها مني تكون بوحدها مي دب معاها عيسى مكاينش لي يدوي معاها هادشي لي دار فبالها لبساتها دغيا جاتها على فورمتها وفيها حزام فجنب على شكل بابيون قاداتها وطلقات شعرها وناضت تتنقز لماريو جبدات بباليز دارتها فالحيط تسخن ومشطات شعرها وبدات تدير الميكاب دارت غير فوندوتان وماسكارا وكلوز اصلاا داكشي لي تتعرف ليه زنكات حناكها بالعكر وهزات بابليز بوكلات بيها شعرها من لتحت باقي مكملاتش سمعات تيليفونها تيصوني مشات فتحات الخط ودارت هوت باغل
عيسى : نزلي ارؤيا انا لتحت
رؤيا : جوج دقيق اناا معاك
عيسى : ها حنا انشوفو هاد جوج دقيق ديالك متعطليش راني عييت بالجلسة ديال الطونوبيل
رؤيا : وااخا
قطعات دغيا وكملات شعرها دغيا غير زربات عليه ممصيبش مزيان حلاتو كامل بقا كيبان مرولي غا شوية من لتحت وناضت جبدات سندالة عالية لبساتها ونزلات تتجري لعندو
بان ليها جالس فطونوبيل ومغمض عينيه تبسمات وقربات لجيهة لاخرة بغات تحل الباب هو لي سمع صوتها ودار عندها فتح الباب من عندو دخلات جلسات فبلاصتها وتقادات بقا كيشوف فيها شحاال بانت ليها درات السنطة وحصناات
عيسى : متسلميش علياا انا واخا نكون قاتل ليك باك
رؤيا : وو والناس
عيسى : اشمن ناس العقد ودرناه حنا على قبل هاد الناس
قربات ليه بزز باستو فخدو ورجعات دغيا بعدات وجهها هاربة منو
عيسى ضحك وعينيه تسدو مع فيه النعاس ونطق : غا بلااتي ابنتي رؤيا ماشي هناا
رؤيا دات راسها ممتفهمش دورات راسها جيهت الزاج اما هو ديمارا طونوبيل وغير فاتو الدرب وكسيرا مع طريق خاوية رؤيا غا بان ليها شاد طريق لوطوروت غمضات عينييها تكمل نعاستها
شدو طريق ما وقفو تال مراكش كان صبح الحال وطنطينة ضاربة مع باركا طونوبيل مع فاقت حلات عينيها يالله غتمسحهم تفكرات الماسكرا اما هو غير حيد السوارت من طونوبيل دار يفيقها بانت ليه حلات عينيها
عيسى : فقتي انعااسة
رؤيا : امم فيا جووع
عيسى : نتي اصلا اش تتعرفي النعاس والماكلة انا لي فارع مخي جايبك تبدلي الجو هناا
رؤيا : عيسىى راه منعسنااش بكري متبقاش تقولي نعاسة
عيسى : نتي منعستيش بكري انا راه مناعسش كااع مشفتيهااش
رؤيا : وصاافي حشومة عليك دب غنبقاو نتناكرو
عيسى: نزلي راه هنا انفطرو
رؤيا : دب دوييتي
نزلو من طونوبيل ودخلو تما كانت قهوة كبيرة دومنضاور على الفطور فطرو بجوج فجو من الضحك وتقشاب ومن بعد مشاو لستي فاطمة كيضورو ويتمنضرو فالمناظر الطبيعية وتغداو تما على داك الجو بطاجين وخرجو كيتساراو تما نيت وجلسو فواحد الكافي رؤيا باغا تنقز مقانعاش اما عيسى عينيه ضروه باغي ينعس ولاكن خاصو يردها تاني
عيسى : رؤيا عييت وباقي تابعنا طريق
رؤيا : انبااتو هنا عافااك
عيسى : مغيبغيوش داركم ارؤيا حنا فلول تافقنا على هادشي
رؤيا : انعيط نطلب مامااا عافااك
عيسى : واخا ضبري راسك صوني دب نييت محد باقي الحال فين نشدو الطريق
رؤيا حركات راسها بأه وجبدات تيليفون دوزات لابيل لمها شحاال وهي تتسنا تا تفتح الخط وهي تنطق
: مامااا الحبيبة ديالي
BẠN ĐANG ĐỌC
ذات عيون الريم🍷مكتملة🍷
Lãng mạn💎مكتملة💎 🍷❥ قصة بعنوان:ذات عيون الريم🍷❥ ✨بقلم:Hermosa El & Nour Qamar ✨& الساحرة النورس❤✨ ❤🍷:إقتباس🍷❤ 🍷❥ يا ذات عيون الريم 🍷❥حاولت عبثاً أن أكتب الشعر فيهما .. 🍷❥ لكن هيهات أن أُروض خيول الشعر في عينيك ! 🍷❥إنها جامحة كالأعاصير .. 🍷...
