ذات عيون الريم🍷مكتملة🍷

🍷الجزء 79🍷

الجزء 79🔥❤❤👇❤👄✨✨✨❤🔥👄

ردد داك الدعاء فالسجود الاول والتاني وناضو باش تبدا الركعة التانية لي صلاو فيها بالحجرات وتما كان الرد ديال الله عز وجل وااضح على السؤال لي سألو ليه قبل دقائق معدودة
قال عز وجل " إذا جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين"

ناادمين ناادمين هاد الكلمة لي بقات كتعاود ليه فراسو مبقاش شد من وراها فالصلاة والو واش جا عن طريق الصدفة الدعاء ديالو مع هاد الاية ولا كان جواب الله ليه هو هاداك الصلاة كملها مفتون بديك الاية كيفكر واش زعما مشا فطريق الغلط واش ضلمها واش الاية كانت ليه إلا كانت بريئة فراه كأن الاية تكتبات باش تبرئها هي بوحدها هاكاك حس وكيطلب فخاطرو ميكونش ضلمها حيت عمرو يسمح لراسو لا كان كلشي كدوب يمشي يسول دب ؟؟

لا ليل فات الحال بغا يشوف ولدو هو لي غيصبرو تا يصبح الحال عرفوا عند مو مشا ديريكت لدارهم دخل ومشا لصالة كانت رؤيا كتلعب مع انس فالارض خداه ليها وشدو بين ايديه كيشوف فيه وعقلو ممعاهش تا تنهدات رؤيا ونطقات

رؤيا : خوياا معرفتش واش المشكيل لي بينك وبين بلقيس مي خفت تكون شيماء هي لي خاصماتكم

عز العرب كمش حواجبو ونطق : شنو علاقة شيماء

رؤيا تنهدات وعاودات ليه اش وقع عاد ربط السكرينات بداكشي حس بالقالب مزياااان
عز العرب : عااد جاية تقوليها دب تا لي عطا الله عطاه
رؤيا تنهدات وحدرات عينيها عرفات بلا هي سباب المشكيل ونطقات بتأسف : متوقعتهاش توصلكم لطلاق سمح ليا

عز العرب : شنو هاد سمح ليا ديالك دب هي لي غنردها بيها (غوت تا قفزها من بلاصتها ) تهزييي من حدااياا لا نصدق داير فيك شي موصيبة ...
فمكان اخر كان جالس حداها كستناها تنوض باش يدير لي بغا بانت ليه منيضاش بقا كيفكر وهو ينطق

عيسى : مهى عندك صولد باغي نعيط لواحد الدري تقطعات ليا لابولمون نسيتها

مهى شافت فيه تاستغراب عارفة كاين الفيكس ولاكن مطاحش فبالها كاع داكشي لي ناوي حركات راسها بإيجاب ومدات ليه التيليفون

عيسى خداه من عندها وشافها حاضياه وهو يهز حبة من السقاطة كانت فوق الطبلة هز حبة  ولاحها ففمو ودار راسو وحلات ليه بدا كيكحب ودار ليها اشارة باش تجيب ليه الما ناضت دغيا لكوزينة تجيب ليه الما اما هو دغيا جبد النمرة لاحها ليه ومسح المساج من عندها وحط التيليفون حداه دخلات لقاتو باقي كيكحل مدات ليه الما شربو وناض هز تيليفونو وتم غادي شافت فيه باستغراب ونطقات

مهى : مبقيتيش اتعيط لصاحبك ؟

عيسى حرك راسو بنفي : منحوس داك سيد بغيت نعيط ليه شوف الصولد سالة ووحلات ليا تال مرة اخرى

قال هضرتو وزاد مخلها ما فاهمة والو اما هو دخل لبيتو ودخل النمرة لعندو دغيا سيفط ليها مساجات طلعات ليه مشاداش عندها الانترنيت حط التيليفون وناض يدوش بنما جاوباتو....

داز ليل وجا صباح  وطلعات الشمس لي بنورها ضوات الكون فاقت بلقيس بكري وهزات لي فاليز ديالها ووراقها وكاع لي غتحتاج وودعات عائلتها  وهزات حويجها دارتهم فطونوبيل بالمساعدة ديال باباها وديمارات وجهتها
اما عند سي عز العرب كان يالله فاق قال يدوز لخدمة ومن تم يمشي عندها يحاول يردها معاه وداكشي لي كان فاق وجد راسو ومشا لخدمتو سول على شيماء قالو ليه خرجات كونجي تنهد وكمل خدمتو مازال ميدوزهاش ليها كاع  هي سباب بلاه سالة خدمتو ومشا شرا حلوة والورد والشكلاط وتوجه لدارهم....