ذات عيون الريم🍷مكتملة🍷

🍷الجزء 35🍷

الجزء 35❤💕💓🔥🍷🔥🍷🔥🍷🔥🔥💓🔥💓🔥💕🔥💕✨💓🔥🍷

تمر بنا الايام سرعة كأننا نرى سرعة الأيام كالبرق اذا برق✨❤💕🔥🍷

جوج سيمانات كاملين  دازو  فالتحضيرات وفهاد المدة كاملة ماهضرها ما كلمها  تلاقاوا مرة وحدة هي نهار ضربوا لاكط صافي من بعد مابقاوش هضروا وهاهي يوم الخميس مع 2 دالعشية خارجة  من البيروا ديال واحد الطبيبة وفجنبها وئام
وئام:آش قالت ليك؟؟؟؟
بلقيس:كحلتها غا سكتي عندي ديك البكرة الصعيبة غا الله يحضر السلامة وصافي  رفعات يديها ونطقات بعد تنهيدة طويلة :ها شهادة العذرية
وئام:يكون خير ابب متخافيش كون غا مادرتيهاش كااااع وجهك تسقط من الدم
بلقيس:من نيتك مانديرهاش ضروري نديرها اختي كاين البنات لي مكتنزلش ليهم الدم فليلة الدخلة
انا لا قدر الله وقع ليا هكاك مانرضاش بنادم يحل عليا ففموا ضروري أي وحدة تبغي تزوج ديرها
وئام:هادي عندك فيها الصح أبب زيدي خلاص تابعنا شلا وشلالي مالوا أختي فهاد الزربة كاملة اويلي
بلقيس:كون تشوفي كان قال ليا نديروا السيمانة الفايتة الخطوبة السيد واقيلا مابغاش العرس يدار حتاش ديجا داروا فعرسوا الأول ولاكن بابا قال ليه عندي بنت وحدة وهي العينين باش كنشوف ضروري من العرس
وئام:الله يخليه ليك ابب
بلقيس:امين يا ربي ....(سكتات شوية ورجعات نطقات):عرفتي داك لاكط كي داز معرفتوش واش بارد هاكا فتصرفاتوا ولا غا معايا
وئام:الواحد ماتعرفيه حتا تعاشريه
بلقيس:وييييه هادي عندك ابب مهم زيدي زيدي
(ركبوا فطنوبيل ديال وئام نيشان للعروبية مدوزوش بزاف دالوقت حتا وقفوا قدام الدار نزلوا هازين جلايلهم وداخلين مع باب الدار كولشي مشغول شي داخل شي خارج كل واحد اش كيدير طلعات مع الدروج نيشان لبيتها ومع بانت ليهم داخلة وهي تهز يديها لي فيها السرتافيكة موريها لمها تبسمات ليها وقبل تنطق بكلمة بدات مرأة عمها كتزغرت بدات تغمز فيها فردوس باش تسكت ولاكن السيدة وااااالوا واش ردات لسانها لفمها حتا حطات ليها فردوس يديها على فمها عاد قطعات الحس
فردوس :العائلة مجموعة أزهور التحت
زهور:ومن بعد ياك غا حنا لي كاينين فالبيت
(شافت فبلقيس ووئام ونطقات):بدلوا عليكم خلاص راه كاع البنات واجدات يالاه يالاه خلاص

خرجات وخلاتهم كيلبسوا فقفاطنهم ومشات نيشان للكوزينة هي وزهور حتا كيدخلوا على عيدة(أخت فردوس) جالسة كتخلط فالحنة حتاش من عاداتهم وتقاليدهم خالة العروس قبل يوم الحناء بنهار كتخلط كمية من الحناء مع الأعشاب الطبيعة (الزعتر..الأزير...إكليل الجبل...القرنفل...والليمون الحامض هاد الحنة كتسما بحنة المزورات أو خلطة التبريمة)   ..........فكل عرس مغربي قبل النهار فاش كتمشي العروس للحمام وبالضبط الخميس فالعشية فوقيتة العصر كتعرض أم العروس على بنات الجيران والمقربات من العائلة للكوتي وفديك الوقيتة كتطلي العروس لحمها بديك التبريمة وداكشي لي كيشيط من حناء المزورات كيدهنوا بيه باقي البنات لي فسن الزواج لحمهم كيخليوها على لحمهم حتا كتنشف وكينحيوها من على لحمهم برفق ومكتغسلش كتبقا حتال اليوم الموالي عاد كتغسل فالحمام
فاش كيساليوا من طقوس التبريمة كياكلوا اللمجة(الكوتي) كيكون فيها ما ألذ وطاب من الفطائر المغربية المتنوعة(المسمن...البغرير...الحلويات...والشاي
...الفاكية(الفواكه الجافة).....إلخ....)

ومن بعد فاش كيساليوا كيقلبوها شطيح وغناء وضحك إحتفالا بيوم التبريمة....
هاكا دازت العشية ديال يوم الخميس وفيوم الجمعة  ناضت عيدة(خالة بلقيس) مشات  للحمام لي كاين فالدخلة دالمدينة ومع عائلة الأحمدي لاباس عليهم  حجزوه كامل باش ياخدوا البنات راحتهم ضربات فيه طليلة لقاتوا كيشعل بالنقاوة معطر بمختلف انواع العطور التقليدية (الباخور.....)إضائتوا خاصة مزين بشموع كتيرة كل قنت عامر ببزاف خصوصا القاعة لي غتعوم فيها بلقيس شكرات المشرفة على الحمام وعطاتها تضويرة فوق هاديك لي عطاتها فيوم الخميس ورجعات للعروبية تا تجي مع البنات

وصلات للدار ومع الدخلة كيبانوا ليها البنات مجموعين فالصالة بقفاطنهم والحايك فوق منهم وبلقيس كيف النوارة جالسة وسطهم تبسمات فرحانة ليها بزااااااف بحالا غتزوج وحدة فبناتها شافت ففردوس مني وقفات حداها ونطقات والتبسيمة مرسومة على شفايفها
عيدة:ما شاء الله شوفي أختي كيف دايرة أمزويناتها الله يكمل عليها بالخير يا رب
فردوس:آمين الحبيبة دقلبي والعقوبة لبنياتك
عيدة:ان شاء الله اختي
(لبسات عليها تاهي ونطقات موجهة كلامها ليهم)
عيدة:البنات نوضوا عاد نوصلوا 

(ناضوا البنات متابعات كل وحدة هازة فيديها حاجة أغلبهم  لي مزالين عزبات خرجوا وركبوا فالبيكوبات وهزوا البنادر والطعارج فيديهم معولين يحيحوا فالطريق)

حيت قصة جديدة "العمدة مجنون ليلى"
قصة فنة نوسيكم تقراوها مغتندموش