ذات عيون الريم🍷مكتملة🍷

🍷الجزء 100🍷

الجزء 100❤️❤️

عيسى " مزياان"

رؤيا " اوى"

عيسى بانت ليه ماشي على مودها كتبب ليها " ماالك ؟؟"

هي بحالة كانت تتسنا غير ديك الاشارة باش تطلق حلاقمها كتبات ليه دغيا "جاو فيا الخطاب "

عيسى عاد فهم البلان شداتو الضحكة وهو يكتب ليها" وهادشي تيتقلقو عليه الناس "

رؤيا مفهمات والو ياك باغيها ولاسقها شهر ديال المساجات والكلام الحلو دغيا دفشها " لااا حاشة "

عيسى حابس الضحكة " ااه قلت ياكما مباغااش ولا شي حاجة"

رؤيا مقدرتش تصبر كتر " ونتا ؟"

عيسى " مالي اناا ؟ "

رؤيا " علاش مصاحب معاياا "

عيسى " حيت عجبتيني علااش غيكون"

رؤيا "  اوى"

عيسى " شنو اوى اش علاقتي اناا بالموضوع نتي باغا تزوجي الله يسخر ليك غنبقا مجرجرك معاياا وانا متنفكرش فزواج "

رؤيا تفقصات كاع داك الاحلام الوردية ديالها حساتنو ضربهم ليها فعرض الحيط نطقات بغيض " وااخاااااا نعام اسي "
يالله جا يجاوبها تا لقاها بلوكاتو مات عليها بالضحك وقال ميقول ليها والو تا يجي  لدارهم نييت وتعرفوا هو الخطيب وداكشي نييت لي كان
دازت يومين بين توجاد هنا هنا من عائلة عيسى لي باغين يخطبو ليه وستغربوا من هاد السرعة لي باغي يتزوج بيها تاني ومني قال ليهم البنت صغيرة عاد ما فهموا والو فاللخر قالو راه ماشي عاد صغير هو غيعرف لي تسلكو كتر من غيرو اما رؤيا مكانتش حاملة الوضعية تتقول غير يجي ونقول لبابا معجبنيش والله يعاون اما رحمه وحلااات فالشقا والروينة والسوسان غيجيو الخطاب خاص يكون كلشي ناضي وحشماات تعيط لبلقيس عارفاها حاملة وبدات تتقل وقالت نيت تا يتفاهموا مع الناس لا تفاهموا عاد تقولها لولدها خافتو يرفض بدون سبب ويصدق مناقش هو وبراهيم يحاشمو مع الناس
كانت العشية رؤيا تحت الضغط ديال مهاا طبعاا لابسة قميص ديال الجوهرة وجالسة مركنة وجهها مدايراش ليه نقطة الماكياج وشعرها جامعاه عاادي جدا ممسوقاش كون ما حشمات كون دارت شي باش تخيب وجهها وهوما يرفضوها سمعوا الدقان وقالت ليها مها تدخل لبيتها تا يعيطو ليها مشات بتذمر اما باها ستقبل الناس ودخلهم ل الصالون بالنسبة لعيسى جاب غير مو وباه كان جالس مركن اليوم يوموو خلاها  مولاها
جلسو كيضحكو وتيتعرفوا على بعضهم اما هو باغي غير امتا  يشوفها ويشوف ملامح الصدمة لي غتعلى على وجهها داكشي لي كان فاش نطقات ام عيسى مخاطبة رحمة
: اوى منشوفووش عروستنا

رحمة  عجبوها الناس ورتاحت ليهم مكرهاتهمش ييتفاهموا تبسمات ليها ونطقات : انوض نكلمها

داكشي لي كان ناضت رحمة دخلات لعند بنتها نوضاتها دخلاتها لكوزينة عطاتها سينيية ديال الضيافة تدخلها هي وغادة وتتتوصي فيها لا تدير شي شوهة اما هي دخلات حانية راسها على صينية لا تخوي داكشي لي فيها مع هزات راسها  بان ليها عيسى لي جالس كيضحك مع باها وتيشوف فيها بطرف عينيه بالصدمة وهي مرداتش البال مع الحاشية ديال الطابي تعكلات جات على وجهها قلبات كلشي فالارض  اما هو تشتت عليها بالضحك مقدرش يصبر رحمه كانت فالكوزينة جات تتجري عرفاتها زبلاتها اما مريم( مامات عيسى) عيسى مشات تتجري تخلعات عليها مع جا وجهها مصلي ناضت شدات ليها فيديها باش تنوض اما رؤيا كانت بحال شي مبوقة معرفات باش تبلات بزز باش ناضت رحمة غا شافت داكشي مرمي فالارض بغات تجهل بالفقصة بدات تتجمع الروينة وعتاذرات اما رؤيا جلسات مركنة حدا مريم تقول ضيفة جاية معاهم اصلا متتعرفش كيفاش تعامل مع بحال هادشي
اما براهيم حس بالاحراج من بنتو المفاوتة ونطق : سمحو لينا راه ممولفاش تشقاا راك عارف بنات المدرسة هاد الايام ياربي غا تقابل قرايتها

عيسى حابس الضحكة : هانية اعمي الوقت كلو ديالها دب تولف مقدراتش كاع نجيب ليها شي وحدة تعاونها

رؤيا هزات فيه عينيها بصدمة وخرجاتهم فيه وهو يغمزها ولات حممرة خصوصا مني شافت مريم شافتهم حدرات راسها ووجهها تبدل فيه اللون
....... يتبع