ذات عيون الريم🍷مكتملة🍷

🍷الجزء 56🍷

الجزء 56❤👄🔥✨🔥✨❤✨❤✨🔥✨🔥😍

كانت وسط البيروا ديالها خدامة على شي وراق وأنس دايراه فالكونة ناعس هذا اليوم الثالت لي كتجيبوا معاها للخدمة والحمد لله ماكيبكيش مهدن مرة يضحك مع يلبد وهي كل مرة طل عليه وتبسم ليه والحليب ديما كتجيبوا معاها باش فينما جاه الجوع كتقادوا ليه فالرضاعة وتعطيه ليه وصلها مساج فتيليفونها وهي تحيد نضاراتها من على عينيها وهزاتوا ومع كتشعلوا حتا كتلقا مساج من عندوا
عز العرب:مو عوينات ديالي اش كديري؟؟؟
(تبسمات بهدوء عضات على شفايفها وجاوباتوا):والوا غير خدامة على شي وراق
(تم تم جاوبها):ياكمة مصدعك انس؟
بلقيس:ولدي هداك متبقاش تقول ليا واش صدعك
(تبسم لهضرتها كتزيد غا تغرقوا فيها لعب بلسانوا وسط فموا ورجع مجاوبها):ماتجيش عندي للبيروا زعما نديروا شي ماتش نكملوا على الليلة دالبارح

(خرجات عينيها وهي تبلع ريقها وبلاما تحس بداوا لحضات من ليلة البارح كيرجعوا لدماغها كانت ليلة أوفيسيل دوزوها بجوج ومع تسرحات دار ليها جميع ليبوزيسيون خلاها كيف الزبدة وسط يديه وغير تفكرات حالتوا وكيف خلاتوا يهتهت بسميتها الليل كلوا وكيف نساتوا على الواقع وطول علاقتهم الحميمة وهو كيشكر أنوتتها الفاتنة  وهي تعض على شفايفها داكشي لي كانت باغا هاهي أتوصل ليه ماشي راجلها لي يبغي غيرها شوية بشوية حتا تخليه يموت على التراب فوقاش كتمشي غتكرهوا فالنسا كاملين بقات تشوف فالمساج ديالوا شحال وهو كيتسنا فيها تجاوب على أحر من الجمر حتا كتصيفط ليه كلمة وحدة فيها "باسل"
قهقه برجولية ومع بغا يجاوبها حتا كيهز عينوا بارازار لجهة الباب وهي تبان ليه شيماء مع مجموعة من الأساتذة واقفين كيهضروا على شي حاجة وهي عينيها عليه كتشوف فيه بشوفة فشكل ماعرفهاش من إينتا وهي واقفة تما وماهتمش أصلا ناض بهدوء من بلاصتوا وسد الباب خلاها اتحماق براااا معامن كان كيضحك أكيد معاها واش لقا فيها شي حوايج مكانوش فيها هي مني هز تيليفونوا وهي مراقباه والعافية شاعلة فقلبها عاد بدا يطلع معاها القالب عاد بدات تعرف بقيمتوا ديما الواحد لي كيكون يعطي قيمة كتر من القياس لبنادم كينفروا وكيحس براسوا مانعرف شنوا ولاكن غير هاد القيمة مكتبقاش عاد كنحسوا بالدقة وخصوصا مني بدات معاملة راجلها التاني كتغير من جيهتها شحال من مرة حاول يضربها وتمالك نفسوا بزز عاد ولا يعري على نيابوا وفكل مرة كيحشي ليها هضرة فشكل وصحاباتها لي كانت مصاحبة معاهم كاااع تزوجوا وقلبوا عليها علاش؟؟؟؟حتاش قالوا اتخرج لينا على زواجنا

رجع جاوبها فالحين"تال الليل وتشوفي باسل اشناهيا امو عوينات"
بلقيس:وصافي حشمتيني اش كدير؟؟
عز العرب:شوية وغنخرج من الليسي انضرب طليلة على المطعم ونمشي للدار
بلقيس:واخا وشوف متغداش برا راه طيبت الغدا بكري اتلقاه فالتلاجة غا سخنوا
عز العرب(تبسم لإهتمامها بيه وهو ينطق):واخا امو عوينات اجي اش مزال خاص للدار؟؟؟

(غير وصلها مساجوا وهي تجاوبوا):ويلي علاه مزال نقول ليك خاصة شي  حاجة....خرج علينا الأثات والفراش وكولشي البارح بغسيل الفندق
عز العرب:ماشي مشكل فالفلوس ابلقيس لي خاصة قوليها ليا
بلقيس:واخا الحبيب دقلبي مهم نخليك دابا تابعاني الخدمة بزاف وماغنخرج تال 8 دالعشية راك عارف هاد الغيبة لي غبت على الخدمة تجمع عليا كولشي فيا
(تفيكساوا عينيه على ديك الهضرة ديال الحبيب دقلبي تبسم بلاهواه لتواني وعينيه مركزين مسح على شعروا بهدوء وجاوبها):واخا تهلاي فراسك
بلقيس:واخا
(دار ليها قلب فالحمر وهي تخرج من واتساب وتبسمات بهدوء دخلات دغيا لتصاور دارها مفرشة لي صيفطات لبنت عمها وبدات تشوف فالفراش والأثات كيف جاااااا عاجبها دوقها كتر من القياس وخصوصا مني قال ليها عز العرب دوقك زوين ........بان الفرق كبيييير بين الفراش لي كانت مفرشة مرتوا الاولى وبين الفراش لي فرشات هي
..... فرشوا دارهم بجوج وان شاء الله يكملوا فيها مع بعضهم بجوج)

وصل الليل كان واقف قدام المراية والتخنزيرة مرسومة على وجهوا محاملش هاد النهار وماقادش يستوعب انوا صافي تزوج .....  ومهى حداه هي الاخرى مخنزرة كانت باغا ليه وئام ولاكن المكتاب لعب لعبتوا شاف فيها ونطق بإصرار
عيسى:قلتي ليها تجي ياك؟؟
(شافت فيه بهدوء واش لهاد الدرجة خوها أناني عارفها كانت كتبغيه وبلعاني باغيها تحضر لعرسوا ؟؟؟ واش ماعندوا قلب بلعات ريقها وتفكرات الهضرة لي قالت ليها وئام الصباح فاش قالت بيلا لاكط عندها غدا وغادي تروح نيت لعند راجلها مكاينش كفاش تجي أكيد ماغادي تقول لخوها والوا على زواج وئام حتا تزوج عاد ديك الساعات توريه تصاور عرسها باش يعرف راسوا اش ضيع ونيت ميدير تا مشكل حتاش أنانيتوا يقدر تخليه يخسر ليها عرسها
ومآت ليه براسها ونطقاات
مهى:زيد نزلوا خلاص العائلة كيتسناونا للعشا
(شدات ليه فيدوا ونزلوا بجوج للتحت كان كولشي مجموع فطاولة العشاء جلسوا كل واحد فبلاصتوا دارت مهى كيلا شافت فتيليفونها وهي تنطق بأسف
مهى:وئام مغتقدش تجي اليوم عندها شي غرض خرج ليها من الجنب وتا بلقيس مالقات كيف دير

زير بيدوا معصب وزادت كملات عليه إعتاذر منهم وناض غادي لبيتوا مخليهم وراه غا كيشوفوا جلسوا يتسناوا فيه وغير شوية دالوقت حتا بداوا يشموا ريحة الدخان مجهدة ناضوا بفزع من بلاصتهم كيقلبوا على المصدر حتا شافوه جاي من بيت عيسى تموا غادين للبيت كيجريوا ومع كيدفعوا الباب دالبيت لي كان مردود حتا كتبان ليهم العافية مقندلة على الجهد

كان وسط الجردة فواحد الجهة مضلمة شوية كيشوف فديك العافية مجهدة وكيتبسم على الشيئ لي دار زادت ابتسامتوا وساعت وهو ينطق
أيمن:ياك قلت ليك أنخليه يشهد قدامك

مع كيكمل هضرتوا  وهو يسمع صوت أنتوي من وراه
*******:شكون نتا؟؟؟؟

كانت عاد دخلات للدار  دوشات لأنس هو الأول عاد بدلات ليه ودوشات لراسها بالخف لبسات عليها بيجامة ونزلات تقاد العشاء نصباتوا دغيا وهي تم راجعة لبيتها حتا كيعيط ليها عز العرب من الصالون مشات تشوفوا أش بغا حتا كيجرها من يديها وكيجيبها حداه دوز لواحد الفيلم ديال الرعب وهو ينطق

عز العرب:أجي نتفرجوا فهذا

بلقيس:واخا

(بداوا يتفرجوا فيه وهي فينما جات شي لقطة كتخلع كضور راسها وتخشا فصدروا وتغمض عينيها وتبدا تسول فيه واش فاتت فاتت وهو كيضحك على تصرفاتها فجأة بدا يصوني ليه التيل ديالوا مداتوا ليه بلقيس من فوق الطابلة لي حداها ومع كيجاوب حتا كيسمع ختوا كتبكي وكتقول ليه جي للسبيطار دغيا

القادم اقو❌د
هااااااح غتشخض الخوت🔥