ذات عيون الريم🍷مكتملة🍷

🍷الجزء 42🍷

الجزء 42🎵🎵🎶🎵🔥✨❤🎺🎵🎶🍷🌪🎵🔥❤🎶❤🎺❤❤🎺🔥❤🎶❤🎶❤

هز الفاليز والساشي لي فيها داك الليزار  من عليها وشد فيديها وتموا خارجين بجوج وهي كتزيد غا بالشوية بحال البطريق غير وصلوا للدروج وهو يهزها داها حتال الطونوبيل حطها فبلاصتها عاد رجع قاد الدنيا مزيان سد البيبان ونزل لعندها ركب حداها وكسيرا خارج من الدار سد البيبان من وراهم وشدوا الطريق غادين للفيلا ديال عائلتوا مع ضربات 4
دالعشية حتا كيوقفوا قدام باب الفيلا حلوا ليهم الباب واستقبلوهم بالزغاريت والشطيح والصلاة والسلام على النبي رسول الله دخلوا الطونوبيل حتال قدام الفيلا وهو ينزل وضار لعندها حل ليها الباب مدات الساشي لي فيها ليزار لفردوس وحتا الفاليز هي اتعرف فين تخبيهم عاد شدات فيدوا ووقفات ومن الوقفة ديالها وملامحها باين دازت عليها بالمزيان استقبلوهم  بالحليب والتمر وتموا غادين للبلاصة ديال الدبي*حة كانوا عوالين الدب&&يحة تكون مع ديك 11تال 12
لا تعطلوا كاااع.....ولاكن تضرب ليهم كولشي فالزيروا تموا غادين حدا بعضياتهم تا وصلوا للجردة لقاوهم موجدين جوج خرفان واحد من عائلة العريس والتاني من عائلة العروسة تقدم عز العرب باش يد***بح الخرفان بجوج ووقفات حداه بلقيس تا تخداوا ليهم تصاور دب^&ح الخرفان بجوج وغير وقف وهي تبعد عليه  قربها منوا ونطق بهمس
عز العرب:فين غادة؟؟؟
بلقيس:السخانة كتشوي فيا والرعدة شاداني نمشي نعس ماقاداش نوقف
(ومآ ليها براسوا وشدها من يديها غادي بيها ووئام ومهى بغااوا يهضروا معاها مالقاوا ليها جهد وهو ملصقها حداه دخلوا للفيلا وغير وصل للدروج وهو يهزها تاني وداها نيشان لبيتوا مكانش ولدوا تم كان فبيت رحمة داكشي باش مشافتوش حطها فوق السرير وخرج قال ليهم جيبوا ليها تغدا قالوا ليه خاص تاكل الكبدة مشوية رجع ركب فطنوبيلتوا وخرج نيشان لأول صيدلية قريبة ليهم خدا ليها الدواء ورجع طالع لعندها مع الدخلة كيلقا معاها مهى ووئام وفردوس ورحمة غير شافوه ناضوا جمعوا الوقفة خارجين فحالاتهم حط ليها الدواء حداها وجلس فوق الفوطوي مقابل معاها وهي قادات الوسادة ونعسات انتابه لحوايجها وهو يلقاها لابسة بينوار وسروال مقتن باينة فيها مريضة بزاااف داز شوية ديال الوقت حتا كيدقوا عليهم دخلات ختوا جايبة ليهم الغدا فيه الكبدة مشوية والطيحان مشوي عاد  بسطيلة وعصير دالفريز  وطبسيل اخر فيه الضلعة مشوية   قرب جلس حداها جر الطبيلة لحدا السرير ونطق
عز العرب:بلقيس نوض تغداي باش تنعسي حركات ليه راسها  وناضت بالشوية عليها  غادة لجهة الحمام وهو وراها باش يغسلوا يديهم رجعوا جلسوا بجوج الراس فالراس وتغداوا وما إن سالا وهو ينوض عطاها دواها شرباتوا غطاها ونزل الماعن للتحت ورجع طلع  هز ولدوا من بيت رحمة لقاه ناعس وطلع بيه تا لبيتهم ومع جا يطل عليها وهو يلقاها نعسات بدل عليه حوايجوا وحط الولد وسطهم ودخل حداه من الجهة التانية قلب ليها جبهتها لقا الحرارة بدات تنزل بقا مراقبها شحال مرة يشوف فيها مرة يشوف فولدوا كيبانوا كيوت بجوج مدازش بزاف دالوقت حتا نعس تاهو

مع آذان العشاء ضرباتوا الفيقة جات عينوا نيشان عليها كانت مقوصة حواجبها فالنعاس رجع شاف فولدوا وتبسم بهدوء وناض دخل للدوش يدوش

وفعز نعاسها بدات تسمع غوات شي دري صغير ناضت مفزوعة من نعاسها حتا كتهشق من الألم لي جاها التحت مسحات عنقها يحسابلها راسها فشي حلم ومع كتجي ضور عينيها حتا بدا يغوت تاني نزلات عينيها ليه دغية وغير بان ليها الملاك الصغير لي كان ناعس حداها وهي تبسم بلاما تحس بقات كتشوف فيه شحال شعور غريب تملكها بلعات ريقها بخوف وبلاما تحس بدات تقرب فيديها غادية بيهم لجيهتوا وعينيها كتساريهم فوجهوا بحماس رجعات اللور حتا تكات على الكادر ديال السرير وهي تهزوا لعندها بالشوية خايفة عليه من يديها لايتآذا قرباتوا قدام وجها وإبتسامتها مبغاتش تفارق وجها وليد كيحمق أغلب ملامحوا واخدهم من باه بدات تراري بيه بالشوية وسط يديها وقلبها كيضرب كيضرب باغي يسكت شعور جديد تملكها حسات بيه وكأنوا ولدها من أحشائها وغير تفكرات بيلا مو هجراتوا وهي تعبس ملامحها بلاما تحس ومع الهرمونات عندها هاد النهار مخربقين ماحسات بالدمعة تانزلات مع خدها مسحاتها بالزربة ونزلات بوجها تا باستوا من حنكوا بدات تبوسوا من هاد الحنك وترجع تبوسوا من الآخر وتشد فحنيكاتوا المنفوخين حتا بدا يضحك أكتر حاجة كتحماق عليها هوما الوليدات الصغار ولاد عمامها أغلب ولادهم كانت هي لي تضل تراري بيهم وتضحك معاهم لدرجة دابا فاش كبروا شوية ولاوا يقولوا ليها ماما.....

تكاااااا على الباب دالحمام مراقبهم بجوج مني بدا ولدوا يبكي خرج معول يهزوا حتا كتجي عينوا على أحسن مشهد مكانش متوقعوا بمرة كان وكأنوا ولد ومو الحقيقية بقا مراقبهم بلاما يمل  وإبتسامة هادئة مرسومة على محياه وللمرة المليون كيزيد يتأكد أنو بلقيس حسن من الجلاخة باش كان مزوج واش كاينة شي مرأة فهاد الدنيا غتعامل ولد ماشي ولدها بهاد الشكل لا إلا القلة القليل  لي كتكون بنت النااس وكتعامل الولاد لي ماولادهاش مزيان ....كان خايف تعامل ولدوا بشي طريقة ماشي هي هاديك تنفروا بحال موا ولاتنخلوا ولاكن ضربات كل توقعاتوا عرض الحائط وهادي هي ذات عيون الريم من نهار عرفها وهي مختالفة على غيرها  رفعات راسها فيه وهي تنطق بهدوء
بلقيس:شحال فالساعة؟؟؟
عز العرب:21:00h
بلقيس:واش ضروري خاص نزلوا ماقاداش

عز العرب:كي وليتي بعدا شوية؟؟؟
بلقيس:شوية وصافي مزال فيا الترعيدة عاد كانت اتهضر حتا كيصوني ليها التيل
(دارت السكاتة للوليد ففموا باش يتلاها ومدات التيل تجاوب وعينوا مزالين عليها فتحات الخط وهي تسمع صوت مها
بلقيس:وي ماما !؟
فردوس:بدلي عليك ابنتي ونزلي عائلة راجلك باغين يشوفوك
بلقيس:ماقاداش أماما
فردوس:نزلي كالاك
بلقيس:واخا واخا يالاه قطعي
ناضت بالشوية عليها حطات الوليد فالكوشة وتمات غادة لبيت التبدال لقات ليفاليز ديالها مستفين تماك حلات وحدة وخدات منها قفتان لبسات سليب وقادات فيه فوطة صحية جديدة وكولون مقطن شوية من التحت  باش متشربش البرد ومن الفوق بودي وغير سالات وهي توقف قدام المراية الطويلة شافت راسها كيف جات وهي تبسم ولاحت شعرها بغرور ورا ضهرها حاسة بزينها ومع بغات تحنا ناوية تهز المكياج حتى كيدخل مع الباب شاف فيها وهو يغمزها حتا تزنكوا حناكها وتماك بدات تفكر هضرة بنت عمها  فاش قالت ليها خاص حلاوة اللسان والراجل لابغيتيه يموت عليك هي  تمتعيه فالفراش ومرة مرة ديري ليه شي بلانات تبسمات بخبت ونزلات بالشوية وهي تك.وز  ليه وبدات تجبد فالمكياج وهو عينوا تفيكسات فترمتها قداموا

يتبع....🍷