ذات عيون الريم🍷مكتملة🍷

🍷الجزء 86🍷

الجزء 86👄❤✨🔥

جا الصباح وضوات الشمس الكون بأشعتها فاقت بلقيس على الشمس دخلات لبيتها حلات عينيها حسات بيهم ضروها من الضو ناضت بالشوية عليها و تمشات لجيهة المرايا شافت فوجها بشرود كان صفر نقطة ديال الدم مافيهش وعينيها حمرين ومنفوخين وبلاما تحس تفكرات احداث البارح تنهدات وقالت بينها وبين راسها حشومة تخليهم فهاد الضرفية وهوما مصرفو فيها غير الخير وعاد انس لي كان فمقام ولدها وكتر ضروري خاصها تحضر لهادشي معاهم وتوقف معاهم دخلات للطواليط قدات حاجتها ودارت روتينها اليومي وخرجات لبسات عليها غير جلابة بالاسود ودارت شال فوق راسها خرجات ديريكت للكوزينة قادات فطورها دغيا كلات ودارت التلج لعينيها باش يبردو عليها شوية حتاش كيحرقوها بزاف وخرجات من تما ركبات فالطونوبيل و كسيرات ما وقفات تال قدام بابهم دخلات ديريكت لعند رحمة سلمات عليهم وشدات عليها داكشي من يديها وبدات تعاون ومن حاجة لحاجة

مشا الصباح والعشية وجا ليل واثرو فالدار مكاينش وهادشي لي خلاها تاخد راحتها معاهم حيت عارفاه مغيخليهاش فراحتها وحتال وقت متأخر من الليل عاد  خوات الدار غسلات الماعن وجمعات لي يتجمع ومع جات  باغا تمشي فحالها وهوما يشدوها باش تبات بحجة انه الليل هذا  و الحال فات وخطر عليها تخرج فهاد الوقت فكرات وعاودات ومني شافتو مكاينش وقالو ليها راه غالبا ميجيش تا البارح بات فدارو طمنات عطاوها بيت فين تنعس  وخدات من حوايج رؤيا باش تبدل دخلات دوش بقات فالدوش شحاال تا ترخاو عليها عضامها عاد خرجات لاوية  فوطة عليها  حاسة بالسخفة جلسات فوق الناموسية وشدات التيليفون بين يديها كتخربق فيه  تا حسات بعينيها بداوا يتغمضوا وهي تنوض ناوية تدخل لبيت التبدال باش تبدل  عليها ومع تمات غادية ليه  تا حسات بإيدين ضارو على خصرها قلبها ضرب بعنف ورجليها فشلوا عليها وغا من ريحتو عرفاتو  هو نتافضات منو ودارت تتشوف فيه عرفاتو سكران غا من عينيه بغات تبعد عليه ولاكن دغيا جبدها لصدروا ....وهو
يحط جبينوا على جبينها وسد عينيه كيستنشق عبيرها الأخاد زير بيدوا بتملك على خصرها النحيف وبصوت مجروح وبترجي  نطق
عز العرب:الغلط كيوقع أمو عوينات ديالي
(حطات يدها على صدروا كتبعدوا ونطقات بصرامة):لي بيناتنا سالا اولد الناس أنا فاش كنعطي فرصة لشي واحد مكنعاودش نعطيه فرصة اخرى بالشيئ لي درتي حطمتيني علاقتي بيك من الاول كانت غلطة من الأول مكانش خاص هاد الزواج يكون ندمت قد الزغب لي فشعري على زواجي بيك راه لي درتي فيا مكيتغفرش طول المدة لي كنت صابرة عليك ماشي حتاش كنبغيك نونونو أنا كرامتي فوق كولشي كنت باغا غير نجمعهم ليك دقة وحدة كنت باغا غير نقنع راسي مزيان بيلا هاد الزواج خطأ فخطأ كنت كنحاول ننقد علاقتنا باش مانرجعش لدار با مطلقة والمجتمع مكيرحمش نتا تستاهل تبقا بوووحدك (كانت باغا تكمل فهضرتها وهي تسكت)
عز العرب:هضري خرجي ماعندك لاش سكتي.....غنسمع ليك مزيان مزيان ولاكن ابنت الناس نلقاك مع غيري ندوز على مك بمووو&س حافي
(وبحركة سريعة منوا طلع يدوا لشعرها وزاد قربها ليه ونطق بهمس قاتل وانفاسوا الحارة كيضربوا فوجها):عارفاني وليت نموت عليك عارفة نعاسي مايحلا غير حداك عارفة راسك معششة ليا مع العضام وكطلبي مني الفراق ؟؟راه نق&تلك ونق&&&تل راسي وراك راني مريض بيك ابنت الناس فات الفوت ديال ديك الهضرة لي كتقولي ليا

دفعاتو عليها ومع السكرة دغيا طاح هزات حويجها وهربات لطواليط سدات عليها الباب تا لبسات وخرجات من تم بان ليها ناعس فوق الناموسية هزات حويجها وخرجات البيت مشات لبيت اخر دخلات ليه وسدات عليها تا تأكدات منو ميقدرش يحلو عاد نعسات
صبح صباح جديد فاقت بلقيس بكري  كانت رحمة بوحدها لي فايقة تتوجد الفطور سلمات عليها وعتاذرات ليها بلا خاصها ترجع لخدمتها ومشات راجعة لدارهم بعدما توادعات معاهم تا هوما وشدات طريقها راجعة  لقنيطرة تا سمعات تيليفون تيصوني بانت ليها مهى فتحات الخط ودارت سبيكر

فمكان اخر
كانت غادة لطونوبيل وشادة تيلفون بين ايديها تتعيط لبلقيس تا تفتح الخط

بلقيس : السلام

مهى : زيين بغيت ندوي معاك مي عاد ساليت اش خباركم

بلقيس : الحمد لله احبيبتي اش غنديرو الصبر وصافي

مهى : مهم راه بغيت نجي نعزي نتي باقا عندهم فداار ياك

بلقيس : لا راني شديت الطريق لقنيطرة

مهى : ااه كنت باغا نشوفك نييت مي ممكتابش

بلقيس : مرة اخرى نجي راكي عارفة هاد المجية ممحسوبة

مهى : واييه مهم انا دب انمشي نعزي  خالتي رحمة راكي عارفة حشومة منمشيش  مهم بنما نيت وصلتي وندويو إن شاء الله

بلقيس : واخا ازين

قطعات ودخلات لطونوبيل بغات تديماريها مبغاتش تخدم ليها تفقصات خرجات خبطات الباب بان ليها عيسى يالله غيركب فطونوبيل ديالو وهي تعيط ليه هو وقف كيشوف فيها جات كتجري وقفات حداه ونطقات
: وصلني معااك طونوبيل ديالي معرفت مالها
عيسى : فيين ؟؟