ذات عيون الريم🍷مكتملة🍷

🍷الجزء 64🍷

الجزء 64❤️🔥🥂
اصبحنا واصبح الملك لله
فاقت بلقيس على صوت أنس لي كيبكي حداها ناضت دغيا دارت جنبها لقاتو مكينش وانس حداها مكاليه بالمخاد هزاتو وبدات كتهر فيه وضحك معاه وتاهو كيعرفها دغيا بدا كيضحك معاها
بلقيس (كتهر فيه ): فينو حبيبي انااا ها فينو
انس (كيبجغط بإيديه وكيضحك ) : اغغغ ههه غغغ ههههههههه
بلقيس : ولدي انا  خاصو حليبة ياااك اجي ازين اجي نصيبو لينا حليبة باش نفطرو (هزاتو فإيديها وعلاتو كتضحك معاه وهو بحالة كيفهمها كيموت بالضحك) اش هاد زين على صباح اممم اش هاد زين علاش مصبحة اناا

غادة وكتلعب معاه دخلاتو لطواليط لي كانت فالبيت وحيدات ليه ليكوش وغسلات ليه حيت مخسر كتفضل تغسل ليه بالما باش ميطيبش ولا تدير ليه شي حسسية ( لي عندهم تربية بلاش عكز عليكم غسلو ليهم مقدرتوش ولو غير مرة فنهار راه الحسسية ميحس بيها غا لي مجربها والله نصيحة لوجه الله)غسلات ليه ودوشات ليه بما دافي  وباندوش باش متبقاش فيه ريحة الحموضة ولبساتو بنوار صغير خرجاتو من دوش ملوي فبنوار وحطاتو فوق الناموسية وجبدات ليه ليكوشة وبربطوز لبساتو ليه وخرجات وجدات ليه البيبرون عطاتها ليه وحطاتو فالكرسي حداها فالكوزينة ووجدات ليها فطورها  بغات تعيس حياتها بلا متبقا تفكر فالمريض لاخر واخا تفكيرها كيقودها ليه ولمشاكلهم كل مرة كتحاول تنسا الموضوع كتنهد وتستغفر ربي تا يفرج وصافي

فمكان اخر وبضبط فالقهوة  كان جالس مع بعض المدراء ديال المدارس كيدويو تا وصلو مساج بلا مبالات طفا تيليفون ولاكن مساج ورا مساج لي خلا كاع الانظار توجه لتيليفون بغا يطفيه تا طلعات ليه النمرة كتصوني فتح الخط وحطو على ودنو مكيسمع والو كيقول "الو"  "الو" بدون رد تعصب قطع  وفتح الواتساب لي كانو المساجات منو كتنباعث كتيرة دخل لقا بزااف السكرينات من نمرة مداخلاش عندو دخل لأول سكرين كان باين فيه البروفيل ديال بلقيس مني شاف صورة ركز معاه مزيان وبدا كيقرا الحوار

المجهول:حبيبة واش منقدروش نتلاقاو

بلقيس : شوف انا تزوجت نساني عليك عافاك منقدروش نبقاو كيف كنا

المجهول : وانا لي كنبغيك فين هضرتك باش تديري المستحيل على قبل علاقتنا دب قلبتي وجهك

بلقيس : تا انا كنبغيك والله نتا الوحيد لي بغيتو فحياتي اصلا هاد زواج مكانش لخاطري

المجهول : ديري معايا شي حل على الاقل بنما قدرتي تطلقي

بلقيس : تا نشوف ونرد عليك متبقاش تسيفط لي المساجات عشية كيكون راجلي فدار

عينيه ولاو حمرين وهو كيقرا داكشي مقدرش يكمل وكلشي كيشوف فيه ناض وقف
عينيه ولاو حمرين وهو كيقرا داكشي مقدرش يكمل وكلشي كيشوف فيه ناض وقف

عز العرب : سمحو ليا خاص نمشي
قبلو الاعتذار ديالو حيت بان ليهم ماشي هو هاداك خرج من تم كيقول نتيق منتيقش نتيق منتيقش تلف جلس فطونوبيل وكيقرا سكرين من ورا سكرين وعينيه كيزيدو يشعل فيهم الضو الحمر ولاو كيف جغمة الدم بالعاصاب وصل لواحد الجملة لي فيضات كاسوخلاتو ضرب تيليفون مع القنت وبقا كيخبط فالكيدون
"المجهول: توحشت ليالينا انا وياك تعقلي فاش اول مرة قربت ليك وكنتي تتغوتي بسميتي بداك صوت عندك اححح
بلقيس : تا انا بزاااف راجلي مكنعيشش معاه بحالك "
خرج عز العرب من طونوبيل  وهز قرعة ديال الما وكيخوي على راسو الما البارد باش ميديرش شي موصيبة يندم عليها من بعد ورجع هز تيليفون باش يكمل القراية لقاه كاع تشخشخ حطو ورجع كسيرا موقف تال دار داخل ساخط

اما عند لالة بلقيس دوزات صباحها كلو مع انس مرة معاه مرة الشقا الغدا من هادي لهادي سمعات تيليفونها كيصوني فتحات الخط ودارت ليزي وحدة فودنها وهي كتوجد الغدا كانت وئام لي صونات ليها

بلقيس : فيين ازين

وئام : نتي لي فين انا غا فداري ههههه

بلقيس : هاي هايد غيا ولات داري ناس ولفات

وئام : اختي منكدبش عليك غا لمبغيتش نولف

بلقيس: هي ولد خالي مهلي فيك

وئام : ممقصرش ... خليك مني فين وصلتي مع راجلك نتي

بلقيس (تنهدات) : اختي اش غنقول ليك

وئام : ياكما كاين باس تناقشتو تاني

بلقيس : عاد باديين وعييت ....(سكتات شوية وتنهدات ) جديا وليت كنفكر فطلاق كون ا خفت من هضرة الناس ونرجع مطلقة كون منزيدش معاه دقيقة

دخل عز العرب على جملتها الاخيرة لي كملات ليه لي باقي على سكرينات هز كاس كان حداه وشير عليها جا تال حداها وضرب فالحيط وتشتت خلاها تقفز من بلاصتها معرفات باش تبلات غا شافتو دم هرب من وجهها بلا متعرف شنو كاين عوتاني ولاكن ملامح وجهوا والحركة لي دار وفاات الشرح كاع

بلقيس : انااا (قاطعها بصراخ)

عز العرب : نتييي شنووو عوتااااني شنووو شيي كدبة جديدة