الجزء 60 👄❤🔥✨✨🔥👄🔥✨🔥
الطريق لتازة كانت طويلة وهي حداه كتبرقق فعينيها ومرة مرة تشوف فيه بنص عين هادئ بزاف لاحت الرجل على الرجل ونطقات
وئام:عبد المالك عندك فيرمة ياك؟؟؟؟
عبد المالك:أمممم
وئام:عندك فيها داكشي دالبقر والنعام والدجاج والعجول وكولشي
عبد المالك:كاينين علاش؟؟؟
وئام:هاااااح كيعجبني نلعب مع العجول
شاف فيها وتبسم وبالطنز نطق
عبد المالك:تلعبي معاهم؟؟؟؟واش عارفة اشناهوما هاد العجول علاش كتهضري ولا غا كيعاودوا ليك
وئام:عارفاهم تاهادوك يخلعوني؟؟؟....مهم اتصبر عليا شوية واحد اليوماين حتا نضور على الفيرمة ديالك كاملة عاد نديروا ليلة الدخلة
عبد المالك(بصدمة):وئام!!!!!
وئام:واصاحبي لا درنا ليلة الدخلة اليوم ودرت شي موصيبة كفاش غنجري ؟؟؟
عبد المالك:عوالة على المصايب من دابة
وئام:ماشي غير هادشي راني خايفة شوية ومازال مامستاعداش🥴
(شاف تا عيا ومع بدات طلب فيه وتعاود ومآ لها براسوا ورجع كمل طريقوا عادي وصلوا للدار وهي تهز تكشيطها ومنين مادازت تشكر البلاصة ولي تار إنتباهها هوما دوك 8 البيبان كبار لي قبالة الدار شافت فيهم بمكر وطلعات للبيت ديالها هي وعبد المالك حمقاتها الدار وسطاتها من ديما كانت تحلم بشي وحدة بهاد الديكور العريق غير بان ليها دخل يدوش وهي تبدل عليها حيدات التكشيطة والطالون و لبسات الكيطمة والسبرديلة فالرجل هزات شعرها للفوق حيدات الذهب لي لابسة ونزلات دغيا مع الدروج نيشان قاصدة دوك البيبان لي شافت وفضولها مامهنيها شافت العساس كيسد فيهم وهي تنطق
وئام:خالي خلي خلي داكشي بغيت نشوف اش فيه
الخدام:راه خاص ابنتي نسد البيبان دابا مهتماتش لهضرتوا وهي تحل الباب الكبير الأول بان ليها بحال شي مراح فيه بزااااف ديال السواتر دالحديد ملصقين فالحيط والدجاج مستف عرام فوقهم وكولشي ناعس حتاش المغرب هدا حمقها المنضر ولي زاد سطاها هو داك الكم الهائل دالبيض لي كاين فوق التبن لي فالأرض عينيها خرجوا منهم القلوبة خصوصا البيض كتحماااق عليه وكتحتاجوا بزاااااف فطيابها....طلات على الخدام وقالت ليه علاش مامدخلينهومش للكوارا ديال الدجاج قال ليها غدا وبعدوا كيتغسلوا ويداواو عاد يرضوهم ليهم ومآت ليه براسها ماطات يديها وهزات شي بيضات كانوا قراب ليها شوية وخرجات من تم حطات البيضات فالقنت دالحيط وسدات داك الباب ونطقات موجهة كلامها لداك الخدام
وئام:واش غير الدجاج لي كاين البط والبيبي الطاووس والحبش مكاينينش؟؟؟
الخدام:هادوا كااااع لي قلتي كاينين فبلاصة وحدة داك الباب الاخراني ولي قبلوا تاهوما كتار وكيبيضوا
وئام:ياااااااااي هادشي زوين واش مكاينش لي كيحضي هادشي زعما مكيخافش من الخوانة؟؟؟؟
الخدام:كاين العرام دالعساسا والكاميرات كاينين فكل مكان عاد الفيرمة كتغلط مزيان واش واحد ايكون داير هاد المشروع تبارك الله ومايجيبش لي يرد ليه البال لهادشي؟؟؟؟
وئام:كاينة
आप पढ़ रहे हैं
ذات عيون الريم🍷مكتملة🍷
रोमांस💎مكتملة💎 🍷❥ قصة بعنوان:ذات عيون الريم🍷❥ ✨بقلم:Hermosa El & Nour Qamar ✨& الساحرة النورس❤✨ ❤🍷:إقتباس🍷❤ 🍷❥ يا ذات عيون الريم 🍷❥حاولت عبثاً أن أكتب الشعر فيهما .. 🍷❥ لكن هيهات أن أُروض خيول الشعر في عينيك ! 🍷❥إنها جامحة كالأعاصير .. 🍷...
