ذات عيون الريم🍷مكتملة🍷

🍷الجزء 32🍷

الجزء 32❤💝🍷🍒🔥

تغداوا بجوج وهي تلصق فيه وقالت ليه
والوا ضرب بيا ضويرة شاف حتى عيا وضورها فالمدينة بدات تهضر وهو ينطق
عن العرب:بلقيس راسي كيضرني متكمليش عليا حتى نتي
(ضربات الطم وسكتات وغير شوية وهي تنطق ):كتشرب الدواء بزاف واقيلا؟؟؟؟
عز العرب:أمممم
بلقيس:نقص منوا راه فاش كتولفوا كتولي مدمن عليه والنهار لي متشربوش كيضرك الراس وقف الطونوبيل للجناب ندير ليك مساج(تبسم ووقفها فبلاصة خاوية جنب واحد المبني قديم نزل الكرسي ديالوا شوية ومد يدوا كيحيد ليها فالسمطة وهي مافاهمة والوا
بلقيس:كي غندير نقاد ليك مساج؟؟؟؟
عز العرب:هاني غنوريك كفاش هزها بالزربة وسط يديه حتا خرجات فيه عينيها كمش جبينوا ونطق.
عز العرب:تقيلة مع راسك
(شافت راسها كي جلسات فوق فخاضوا وهي تبدا كتبرق فعينيها كيزيد غير يصدمها بحركاتوا شدات راسوا بين يديها مدات صباعها وبدات كتماصي ليه فجبينوا وهو رد راسوا اللور وغمض عينيه متبع الحركة ليديها لي فوق جبهتوا

نزلات عينيها للحيتوا وشفايفوا تبسمات وبداوا المطارق كيضربوا فراسها بحال شي ناقوس بقات كتماصي ليه جبينوا حتا سالات وهي تنطق بهدوء وقلبها بدا يضرب يضرب حاسة بيه فأي لحظة غيسكت
بلقيس:عز العرب
(حل عينوا فيها شاف فعويناتها ورجع كيشوف فشفايفها لي رجعوا حمرين بقوة ماعضات عليهم )
(سكتات شوية ونطقات):أنا قابلة

(رفع عينوا لعينيها بالزربة باغي يتأكد من كلامها وغير لمس الجدية فكلامها وهو يهز يدوا بالزربة حطها ورا عنقها وجرها لعندوا بالجهد وهو يحط شفايفوا على شفايفها فأول قبلة ليهم بجوج

قبلة بمداق خاص .....قبلة من أنتى مختلفة.... قبلة من ذات عيون الريم فور ما حط شفايفوا على دياولها عرف بيلا معندهاش أدني تجربة وأن قبلتهم بجوج هي أول قبلة ليها فحيااتها وهادشي بحد داتوا خلاه يزيد يتنشوى فيها خنقها ومابغا يطلق منها حتا رجعوا عويناتها حمرين والنفس تقطعات فيها عاد بعد شفايفوا على ديالها حط جبينوا على ديالها ونفسها كضرب فوجهوا طلع يدوا مع جنابها وهي صافي بدات تحس بالسخفة شاداها فور ما حلات عويناتها فيه جات فبالها صورة باها ومها عينيها غرغروا بالدموع اش هادشي دارت بالزربة بعدات عليه ورجعات لبلاصتها مخلياه غا كيشوف واخا يكونوا دايرين الخطوبة الرسمية هادشي ماخاصوش يدار

خاص حتا تروح لداروا عاد ديك الساعات من حقوا حنحنات ولاحت خصلات شعرها وراء ضهرها ونطقات بهدوء
بلقيس:فين نلقا طنوبيلتي عفاك خاصني نمشي لدارنا

(قوص حواجبوا من ردة فعلها لي معجباتوش نهائيا شيماء قبل يتزوج بيها وصل معاها لأبعد الحدود وكانت مطلوقة معاه بزاف شافت فيه بنص عين وكأنها قرات أفكاروا رجعات شافت قدامها ونطقات بإستفزاز

بلقيس:من الأحسن نخليوا بيناتنا حدود حتا نتزوجوا ولا معجبكش تصرفي يقدر نحبسوا هنا معنديش أدنى مشكل

تبسم بهدوء إبتسامة وراها بزاف دالحوايج الشوفة الغريبة باش رمقها كانت وكأنوا كيتحلف عليها
جاتوا حاسة براسها بزاااااف وحاسة بزينها حرك راسوا دهابا وإيابا بالشوية عض على لسانوا ونطق
عز العرب:السيمانة الجاية ان شاء الله تكون الخطوبة الرسمية

بلقيس(بصدمة):مازربناش (قبل تكمل الهضرة نطق مقاطعها)

عز العرب:لا مكاينش لاش نطولوا فهاد التخربيق انا غنتكلف بكولشي غا علمي عائلتك

بلقيس:نو (رجع مقاطعها وهاد المرة نطق بكلمة وحدة وبنبرة توعدية طلعات ليه فراسوا بقوة الهضرة لي فيها وقصوحية الراس لي حالف حتى يحيدها منها)

عز العرب:هضرت

(بدا يقول غتكون طبق الأصل على شيماء داكشي باش حالف غيطيح ليها راسها للأرض حتا تولي طالبة منوا السلاك حتاش الأولى كان مفششها وطلعات ليه فوق راسوا أما لاجا يفشش هادي غتتندموا علاش دارها كاع)

هز التيل ديالوا صيفط فيه مساج ورجع حطوا شاف فيها مخنزر لقاها كتشوف قدامها وتسوط كسيرا ما مسوقش ليها كااااع وما هي إلى بضع دقائق حتى كيوقف بطنوبيلتوا قدام المطعم ديالوا ماشافش فيها الشوفة حل الزاج دالطونوبيل وهو يبان ليه واحد الولد خارج من المطعم كيجري مد ليه واحد السوارت شكروا ومد السوارت ليها ونطق بلاما يشوف فيها
عز العرب:نزلي