ذات عيون الريم🍷مكتملة🍷

🍷الجزء 84🍷

الجزء 84❤🔥🔥🔥🔥🔥🥀🔥🔥✨✨❤✨❤✨❤✨❤✨❤✨

الراجل : اه الام راه كتأثر كتر علاه شكون كيكبر الولاد من غير الام شكون لي كيقابلهم ويحضيهم ويهز همهم فكل ثانية ولحضة خصوصا لا كان صغير

عز العرب طاحت فبالو بلقيس هي لي كانت تدير على قبل أنس هادشي ومكانتش كتفرقوا كأنه ولدها بالعكس هو لي باه مكانش كيهتم بيه بحالها هي لي مكانش كيغيب من بالها تفكر بكاه عليها كل ليلة وهو كيقول ماما ناض بلا ميدوي غادي وكيفكر فبلقيس وأنس تقدر تلوموا كااع حيت مقدرش يرد ليه البال بحالها مقدرش يسهر عليه بحالها خرج مهزوم من كل الجوانب شد طاكسي ومشا لمشفى باغي يتسلم الجتة رفضو حيت معندوش الوراق وباقي الحال صباح بكريي وعاد بانت ليهم حالتو ماشي تال لهيه وشافوه بوحد و فين ام الدري وفين وفين تم راجع ركب فطونوبيل وكسيرا ما وقف تال دار عند مو دق فالباب حلات ليه رؤيا الباب حيت كانت قارية مع صباح هي لي فايقة شافت حالتو تخلعات
رؤيا : ماالك اعز ا(قاطعها )

عز العرب : سيري لبيت الواليدة شوفي ليا الوراق لي فوق الماريو اريهم

رؤيا : مالك ياكما كاين باس

عز العرب  :جيبيههم

مشات دغيا اخا حالتو كانت تتخلع ما فهمات والو دخلات دارت كرسي بانو ليها واليدياها ناعسين كتحاول متقرقبش طلعات جبداتهم جات نازلة من الكرسي وطاحو ليها من ايديها فاقت رحمه بداك الصوت ناضت جلسات ونطقات
رحمة : باسم الله عليك ابنتي اش تديري تم

رؤيا : فيقتك اماما راه عز العرب بغا شي وراق

رحمه : وقت شي وراق هادا تم بعدا كاين غير وراق انس ياكما وقعات لدري شي حاجة

رؤيا : مقاليي والو معرفتش

مجات فيه كملات هضرتها تا ناضت رحمه دغيا لبسات بنوار على البرد وخرجات من تم لصالون شافت عز العرب جالس سمع الحس هو كيحساب ليه رؤيا دار تا بانت ليه مو لي غير شافت عينيه كيف دايرين تخلعات كتر عرفات واقعة شي حاجة قربات وشدات ليه فجهوا
رحمه : ولدي ماالك( يالله غينطق قاطعاتو بنبرة هستيرية ) متقووولش ليا وقعات لأنس شي حاجة

نزل راسو للارض ونطق بتمتمة  : ولدي ( سكت شحال تا نطقات رحمة بقلة صبر )

رحمة : ماالو انس

عز العرب طاحت دمعتو ونطق وهز راسو فيها ونطق بألم : ولدي مااات امي ماات

عز العرب طاحت دمعتو ونطق وهز راسو فيها ونطق بألم : ولدي مااات امي ماات

رحمة رجليها خواو بيها جلسات فوق سداري لي كان حداها ونطقات : اش تتقول دري عاد كاان بيخير قبل متديه

عز العرب دار راسو بين ايديه ونطق : وااش غنديير لييه اناا نعس دخلت ندوش خرجت لقيتو مشااا

رحمة : فين دري دب نتا راه غا كتهترت ما غيكون عندو والو 
فمكان اخر ناضت صباح وجدات فطورها فطرات وشدات طريقها لخدمة واخا عيااانة وقلبها مقبوط عليها دخلات لخدمة ديريكت لبيرو ديالها بدات الخدمة تا وصل وقت الغدا ومشات لمطعم لي فالخدمة نييت جلسات وجبدات تيليفون  بنما حطو ليها الماكلة ودوزات لابيل لماماها بقات تتسنا تا تفتح الخط

بلقيس : ماماا لابااس

فردوس: الحمد لله ابنتي ونتي اش خبارك

بلقيس : لابااس اماماا نتوما لي كيف دايرين قلبي مقبوط عليا من صباح

فردوس ترددات قبل ولاكن قالت غتعرف غتعرف : بنتيي ولد راجلك

بلقيس حسات بقلبها تزير عليها نطقات :أنس مالو

فردوس : ابنتي الدري اصلا مريض و ( قاطعتها بلقيس )

بلقيس حسات بسخفة : ماماا بلا مقدماات اش واقع 

فردوس :  ماااات ابنتي اصلا حسن ليه يرتاح كان غير غيتعذب يكبر وهو مريض و(قاطعاتها بلقيس )