الجزء 89👄❤✨🔥
بلقيس " نتلاقاو ونقوليك
"اوكيي فين ؟؟
بلقيس " انا دب فقنيطرة جي نتلاقاو غدا مع 2 ف كافي ****
عز " اوكي
طفات تيليفون وبدات تتاكل تا كملات العشا وجمعات الطبلة والماعن وتمشات ببطء لصاكها جبدات ورقة وستيلو كتفكر فالشروط لي غتقوليه باش متنسا والو طبعا قيدات كلشي وسدات الكتاب وناضت تنعس...
اما سي عز عاد ملامحو ترخفات مني الامور خرجات هاكا رتااح وناض جمع الحويج لي ايحتاج هاد الايام لي غيجلس تما وناض ينعس ...
اما فمكان اخر كان جالس على شوك كيتسنا ردها قالت ليه ليل نجاوبك تا سمع مو نطقات
: اماالك اولدي من صباح ونتا تفتف اش كااين
انور يالله غيجاوبها وصلو مساج فتحو دغيا ترسمات ابتسامة على ملامح وجهوا ونطق : ولدك باغي يتزوج الميمة
الام بشرات وتبسمات : اوى على سلامتنا شكون هاد البنت لي شاطناك من قبيلة ونتا تفتف باش تقولها
انور : لاا غير باها (سكت ) مهم الواليدة بغيتك تمشي تخطبيها ليا معايا ولا ممعاياش
الام : الله ياودي على شحال من ولد عندي اناا راه غا عوينة
انور ناض باس ليها ايديها : لهلا يخطيك عليا راك فوق الراس الميمة اندير معاها وقيت فهاد الوكاند نمشي لدارهم ونرد عليك
الام : ومنعرفش كنتي بعداا
انور غمزها : خليها مفاجئة
غا قال كلماتو ومشا دغيا لبيتو مخليها متبعاه بعينيها كيبان بحال شي مراهق هاكاك الحب كيخلي الواحد مبرهش تبسمات وكملات فغزيل الصوفة لي كانت تتصيب فيه ...
جا صباح جديد على ابطالنا كل واحد باش بادي نهارو لي فرحان لي كيحاول يقوي راسو لي خايف من خطوتو القادمة
فاق عز العرب صباح ودوش وقاد الحالة وشد طريق لقنيطرة بكري باش يشوف ليه تا فين يجلس هاد الايام موصل تال 12 شد اوطيل حط فيه حويجوا وكلا شوية وتكا بنما وصلات 2....
اما بلقيس كانت خدامة ما خرجات تال 1,30 ومشات لبلاصة فين دايرة معاه خدات ليها متاكل بنما جا حيت فيها الجوع تا قربات تسالي وبان ليها جاي مسحات فمها بكلينيكس وعيطات لكارسون يجيب ليها عاصير اما هو جا جلس فالكرسي لي مقابل معاها مبغاش يدير شي حركة لي تبعدو عليها تاني واخا موحشها بزااف نطق
: السلاام
بلقيس : وعليكم السلام ( جبدات ورقة من جيبها ومداتها ليه تحت استغرابو هو لي خداها من عندها كيقرا اش فيها
كانو فيها الشروط ديالها قراهم
بلقيس عاودات خداتها من عندو ونطقات : كيف قلت ليك كاع داكشي لي فكرت فيه حطيتو هناا
هادشي كان خاصنا نتفاهموا عليه قبااال مي انا ميكت قبل زواج ضنا مني ميحتاجش الشرح مي هادي انسب وقت نتفاهموا فيه
اول حاجة اولد الناس مني تسمع شي حاجة عليا وكاع وسوسات ليك راس جي سولني وسمع مني متسمعش عليا
تاني حاجة هي عمرك تقلل عليا الادااب ديك الهضرة ديال من نهار درت ليك وفعلت ليك وعليك منقبلهاش راني ماشي جيبني من زنقة راني بنت دارنا
اي مشكيل بيناتنا وميجيب حد خبارنا الى فتيني نتا بالصحة متستقواش علياا ونعاود نركز معااك على النقطة الاولى هي اي مشكيل نجلسو بجوووج تسمع ليا ونسمع ليك الزواج لي بلا هادي ما زواج ما تا لعبة الى وافقتي على هادشي غتجيب واليديك وغتعاود تطلبني من دارنا كيف طيحتي لي قيمتي قدامهم دب الوقت فين ترد ليا الاعتباار
عز العرب تنهد عارف راسو هو لي دارها لراسو مدارها ليه حد نطق : واخاا ابلقييس موافق
بلقيس : غنبقا انا هنا تا تحدد معايا موعد ونرجع لدارنا باش تجيب داركم تا نتا وهاد النقط لي قلتهم غيشهد كلشي باش مرة اخرى حد ما يناقش لا طلبت الطلااق
نطقات كلماتها وقربات ليها طبسيلها كتكمل غداها مخلياه متبعها بعينيه ما عندو شهية لوالو غير وقف عليه الكارسون سولو اش بغا طلب كافي كحلة وبقا مقابلها كيفكر كيفاش يفك راسو من هاد الحالة
اما بلقيس كملات ماكلتها وناضت وقفات ونطقات : بسلاامة انمشي دب عندي الخدمة
عز العرب ناض وقف تاهو حط الفلوس فوق الطبسيل ونطق : انمشي معاك تال برا بعدا
حركات راسها بالايجاب وتمشاو تال برا مني بغات تمشي عنقها شحال اما هي مدارت تا غياكسيون بقات واقفة تا طلق منها ونطق : اندوي مع الواليدة الى كتاب هاد الويكاند نكونو عندكم
بلقيس : واخا باش ما كان علمني بكري باش تا انا نعلم دارنا
أنت تقرأ
ذات عيون الريم🍷مكتملة🍷
Romance💎مكتملة💎 🍷❥ قصة بعنوان:ذات عيون الريم🍷❥ ✨بقلم:Hermosa El & Nour Qamar ✨& الساحرة النورس❤✨ ❤🍷:إقتباس🍷❤ 🍷❥ يا ذات عيون الريم 🍷❥حاولت عبثاً أن أكتب الشعر فيهما .. 🍷❥ لكن هيهات أن أُروض خيول الشعر في عينيك ! 🍷❥إنها جامحة كالأعاصير .. 🍷...
