ذات عيون الريم🍷مكتملة🍷

🍷الجزء 72🍷

الجزء 72🔥❤❤👇❤👄✨✨✨❤🔥👄    

عز العرب: بغيت حقي امو عيونات ديالي

حلات فيه عينيها ممتيقاش اش كيقول هادا جاه حمار ليل شافت فعينيه لي حمرين بأثر الخمر عليه عرفاتو سكران ستغربات حيت مني تزوجو عمرها شافتو هاكا اما هو مخلاش ليها الوقت فين تستوعب كتر لاحها فوق الفراش وتلاح فوقها دامج شفايفهم بجوج مخليها مستسلمة بين ايديه ماهو حقو كيف قال باش من حق غتمنعوا
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\
(غتسولني شي وحدة على سفالة انخسر مع ختي مندي دنوبكم متديو دنوبي كنخاف من سيدي ربي انا)
خرجات من دوش لابسة بنوار جهد باش تلبس مبقاش عندها لي بداه فوق الفراش كملو فدوش رجليها كتحس بيهم تحشو تلاحت فوق الناموسية هاكاك وغمضات عينيها سمعات الباب ديال دوش تحل شافتو خارج وراها ولاوي فوطة على خسرو عودات سدات عينيها حيت كيتلسقو بنعاس غا داتها السهوة تا سمعات الباب ديال البيت تخبط بجهد لي خلاها توعا شوية حلات عينيها وجرات تيليفون بانت ليها 3:30 ناضت بشوية عليها طلات من ورا الخمية ديال البيت بان ليها كسيرا بطونوبيل رجعات لدريسينغ لبسات حويجها مبغاتش تفكر فين غادي حيت غير اتمرض راسها معاه تنهدات وهزات انس حطاتو حداها تاني بعدما طمنات على حرارتو بلا مطالعاش تاني عاد نعسات

اصبحنا واصبح الملك لله فاقت بلقيس على صوت ريفاي سكتاتو مفيهاش لي ينوض يخدم غمضات عينيها يالله بغات ترجع تنعس تفكرات شحال غيبات هاد شهر بسباب مرض أنس عيقات غتخرج على خدمتها تنهدات وناضت غسلات وجهها بالما بارد وعصرات ليها قهوة باش تفيق فطرات مزيان صيبات ل أنس البيبرون لي غيحتاج نهار كامل وفيقاتو بالهران والضحك كيفما العادة كيفيق كيضحك وهو كيشوفها بدلات ليه حويجوا وليكوش ودارتو فمانطة وهزات صاكها وخرجات حطاتو فبلاصتو لور وسدات عليه وجلسات بلاصتها وسدات الشراجم على قبلو لا يمرض تاني  وخدمات الكليم فجو معتدل لي لايق ليه هو كيف ديما كتسبقوا عليها وكسيرات موقفات تال قدام الشركة هزاتو بالكونة ديالو غادة وكتسلم على الموضفين لي ولفو ابتسامتها كل صباح لي كتبهج كل من شافها مني بدات معاهم الخدمة ولا نهار دخلات عابسة (وشحال خايبة تكوني سبب فسعادة غيرك وسعادتك مقدرتيش عليها) دخلات لبيرو وحطاتو حداها عطاتو البيبرون وبدات خدمتها كيف العادة
فمكان اخر وبضبط  ف اسبانيا
خرج من الدوش كيمسح شعروا بفوطة والتخنزيرة باينة على وجهوا دخل للدريستينغ لبس عليه كيطمة فالكحل ...وخرج لبيتوا هز التيليفون ودخل للكونطاكط كتب سمية مهى فالروشيرش وبدا يصوني ليها تاني ما مرة ماجوج ووالوا السيدة حالفة ماتجاوبوا عيا يصيفط ليها فأنسطا وواتساب ووالوا مكتجاوبش ولي زاد عصبوا هو كيفاش بلوكاتوا من أنسطا هاد الصباح واش طلع ليها فراسها مابقاتش باغا تهضر معاه بدا يصوني تاني وغير مجاوباتوش بلاما يحس هز يدوا وخبط التيل  مع الحيط لي قداموا حتا تفرق قداموا ولانكاصابل مشات شقاف
زين(زفر بغضب ونطق):واخا امهى واخا مزال نتحاسبوا على هادشي الشهر الجاي هانا معاك

داز نهار روتيني تمام التمام تا جات العشية وسالة وقت الخدمة هزاتو تاني وعادت ادراجها لدارها نعسات شوية اما هو نعس قبل ميدخلو لدار خلاتو فكونتو بلا متبرزطو فنعاسو ودارت ريفاي بحساب تنوض تاكل حيت فيها الجوع ولاكن غلبها العيا وداكشي لي كان فاقت على صوت الريفاي كانت 10:30
ناضت من بلاصتها ومشات غسلات وجهها ومشات لكوزينة سلقات ليها ليباط ودارتهم فالفران وشعلت بيسي كتفرج وبنما وجد العشا تعشات وناضت لبلاصتها باقي مداهاش نعاس سمعات الباب كيتحل تنهدات شافت شحال ساعة كانت 11:30 حطاتو ودارت راسها ناعسة
اما هو دخل لدار حيد سباطو حطو برا وعاد دخل لبيت عندها قرب جيهتها هاد المرة كان انس ناعس فكونتو حول عينيه لوجهها بانو ليه رموشها كيتحركو عرفها فايقة تبسم بخبث وطلع فناموسية من جيهة لاخرة وقرب ليها تا عنقها من لور وحط ايدو الباردين على كرشها لي سخوونة لي خلى جسمها يرتعش حس برجفتها ودورها ليه بانت ليه حالة فيه عينيها بدون رد فعل ونطق الكلمة لي غتولي هي الوحيدة لي كيرددها كأنها عادة او عبادة "بغيت حقي"
\\\\\\\\\\\\\\\\\\\\\\\\
قاطعهم صوت انس لي كيبكي ناض هزو هو كيحاول يسكتو ولاكن مبغاش يسكت ليه كيبكي ويبكي مسكتش ليه لبسات هي بنوار وناضت خداتو من ايدو وبداتك تضحك معاه هو لي غير شافها وسكت كأنه لقا لي كان باغي سكت فحضنها هي هزات رضاعة لي كانت حدا راسها سخناتها ليه فلاباراي  لي كانت تاهي محطوطة حداها وعطاتو يرضع غير بان ليها شبع حيداتها ليه من فمو  وبداتك تضحك معاك : ياختي وليدي انا عمر الكريشة يااك امم
أنس كان غير كيضحك ويحرك ايديه وينغنغ
بلقيس: فينو ولدي اناا اممم
أنس نطق بتلعثم : مما مما مااام