ذات عيون الريم🍷مكتملة🍷

🍷الجزء 54🍷

الجزء 54❤✨🍷💃✨🍷❤🍷🔥✨

فديك اللحظة دموعها الوحيدين لي تسرسبوا على خدها لي كانوا يعبروا على جدية الوضع وهوما الوحيدين لي كانوا فاهمينها باش كتحس .... يديه بداوا يترعدوا بطريقة هستيرية حس براسوا أيطيح بالأعصاب مد يدوا لعنق الفيست لي لابسة وجرها لعندوا وبدا يعطيها صقلة ورا ختها حتا رجعوا حناكها حمرين والدموع حلفوا لاهوما وقفوا  حسات بالم تحت كرشهاااا ولكن مهتماتش حيتاش الألم لي كان فقلبهاااا أكبر جرهاااا من وراه بكل عنف مخلي عيسى كيحاول يحيدهااا ليه ولكن مقدرش جرهااا وهي تابعاه كتجري وكولشي كيتفرج فيهم كولشي بدا يهضر وكولشي فهم آش كاين وبالزربة الخبار تنشرات فالسبيطار حتى وصلات لوذن الدكتور لي بدا يتحصر على ما وقع لصاحبوا ....  وصلو للطونبيل ديالوا وهو يلوحهااا اللور وسد عليهاااا و رجع ركب فبلاصتوا قاد السمطة وهو يعاود  يكسيرى مخلي وراه غا العجاح وعيسى واقف مصدوم وكيمسح على راسووا

ماحسش بالطريق كيف كانت حتاش النار لي كانت شاعلة فقلبوا خلاتوا يحس بروحوا اتخرج من بلاصتها

وصل للدار ووقف الطونبيل بالجهد حتا تحكوا الروايض مع الأرض  وهبط من طنوبيلتوا ونزلها معاه وجرهااا وراه وهي غا  كتبكي ماقادة تنطق بوااااالوا دخلهاااا نيشان لبيتهاااا ولاحهاااا فالأرض وبدا يغوت

رشيد : هادي هي تربيتي ليك ياك هادشي باش كتجازيني جايبة ليااا كرش ديال الحرام باغاااا تشوهيني أبنت الحرام كون غا كنت عااااكر وماولتكش كون غا مت وماوقعش ليا هادشي وبحر لي واقع ليه بدا يحيد فالسمطة ديال السروال لواها على يديه ونزل عليها بالدق وكل ضربة منوا كان يقول معاها كلام كيسمم

بقات غير كتبكي وتغوت وطلب فيه باش يزكااااا وهو والوا مبقاش كيحس طلقات العنان لدموعهااا من أول وجديد وبدون ماتزيد تغوت ولا دير الصوت

راضية بشنو واقع ليهاااا وكتقول بلي تستاهل هادشي هي لي دارتها بيديها وخاص تحمل.نتيجة أغلاطها ....

رشيد : قريتك فأحسن المدارس لبستي غير الماركات..... لي بغيتيهاااا نجيبها ااا ليك كل عطلة ماخليت فين صيفطتك أي حاجة طلبتيهاااا كتحضر فالحين باش فالأخر ديري فيااااا هاكاا ولكن اناااا لي فياااا الغلط فششتك وعطيتك التقة والحرية الكاملة  وكون ماسمعت الخبار من البراني كنت نبقا فدار غفلون

هضرتو كانت بحال السم يمشي فعروقها

رشيد : خسارة فيك تربيتي الله يعطيني الم&وت فهاد النهار

لاح اخر كلمتاو عليهاااا ولاح السمطة من يديه عاد خرج وسد عليهاااا الباب بالساروت

ملاحظة حبيباتي🚫❌

ديما فالقصص وفأغلبية الأحيان كيديروا البطلة لي كتغلط وكطيح متلا فالحرام كتكون فقيرة والعائلة ديالها  مني كيسيقوا الخبار كتنوض الروبلة  ....راه حتا العائلات لي لاباس عليهم كينوض فيهم الصداع لاوقع شي بلان بحال هاد الشكل....