ذات عيون الريم🍷مكتملة🍷

🍷الجزء 21🍷

✨🍷الجزء 21🍷✨
❤🍷ذات_عيون_الريم🍷❤
Hermosa El & Nour Qamar

في بَحرِ عَينيكِ هامّت كُل أشوْاقي
يا رَبةَ الحُسنِ هل تنّويِنَ إغْرَاقي؟

ما عرف باش يجاوبها عارف ختوا حاقدة ديال بصح ومن حقها داكشي لي دار داك الكلب مكيتغفرش جر الكرسي وجلس حداها حط يدوا على شعرها وبدا يلعب ليها فيه ومريم غير كتشوف فيهم هز راسوا وشاف فيها وهو ينطق

عيسى:الوليدة سيري تنعسي راك مناعساش يوماين هادي هانا معاها
مريم:مافيهاش
عيسى:هضرت زعما

(تبسمات ليه شافت فبنتها باست ليها على راسها وتمشات للفوطوي لي تم تصطحات عليه جرات عليها الغطا و تغطات بقات مقابلة معاهم حتى داتها عينها ونعسات عيسى كان ساهي لبعيد ضور عينوا لختوا بانت ليه ساهية تنهد للحالة لي هي فيها حرك يدوا من شعرها لحنكها قرصها بحنان حتى شافت فيه وهو ينطق
عيسى:فاش كتفكر الصغيورة ديالي؟؟؟؟
(تبسمات بلاما تحس مني سمعات اللقب لي قال ليها هاد اللقب بالضبط كيفكرها فطفولتها الزوينة وكي دازت وسط عائلتها من تبسيمتها عرفها اش تفكرات ضحك حتى بانوا سنيناتوا البويض وتكلم
عيسى:ديما غتبقاي الصغيورة ديالي خاص تولي بيخير باش نرجعوا كيف كنا
(شافت فيه وعويناتها فالبلاصة دمعوا كانت مكتفارقش مع خوها غير بالكشايف نزل لمستواها وعنقها باس على جبينها وتكلم)
عيسى:وصافي طيبتي دوك العوينات بالبكاء
(تنهدات ونطقات بصوت باكي)
مهى:عييت بزاااف ولايني أنا لي قلبت عليها كيقول ليك الواليدين أكتر وحدين كيعرفوا الخير لولادهم فين كاين ولاكن أنا مديتهاش فيهم
مسح ليها الدمعة لي خانتها وتكلم
عيسى: عادي بنادم كيغلط العيب هو تعاودي نفس الغلط
(حركات راسها بالزربة نافية الهضرة لي قال رمشات بهدوء ونطقات)
مهى:بغيت نرجع نقرا
عيسى:الله يرضي على بنتي متزيريش على راسك غترجعي تقراي وديري كاع لي كتبغي خاص غا تولي

بيخير

حركات ليه غا براسها وهو ينطق
عيسى:يالاه نعسي

مهى:واخا

(وفالبلاصة رمشات بعويناتها وغمضاتهم تبسم مني سمعات هضرتوا بلاما تقاجح معاه هادي هي مهى لي كيعرف ميمكنش تزيد الهضرة فوق هضرتوا

🍷
‏هناك أشخاص عندما تلتقي بهم
تشعر وكأنك التقيت بنفسك♥️.
🍷

قا مراقبها لمدة حتى غمضات عويناتها وغفات باسها على جبينها قاد عليها الغطا ومشا لعند مريم قاد عليها الغطا حتى هي عاد خرج فحالوا من تم كيطرط

غير سمعها آش قالت وهو يزير ليها على يديها حتى غمضات عينيها بألم قوص فيها حواجبوا ودوا بحدة

عيسى:أشنوا قلتي؟؟؟؟؟؟
وئام(بالزربة ):والوا

عيسى(غوت عليها حتى قفزات):أشنوا قلتي؟؟

(بلعات ريقها ورددات الشيئ لي قالتوا وهي حانية راسها للتحت علاش كيعاملها هاكا ياك مكيجيها والوا ياك هو مجرد صديق لا أكتر )
(وهي فعز أفكارها تجرات من يديها حتى جات جالسة فوق فخاضوا خرجات فيه عويناتها بصدمة حنوكها تزنكوا ويديها ترعدوا ريقها وحل وسط حلقها ولحمها شوك حسات براسها مجالساش براحتها قلبات وجها من

عليه ومع جات باغا تنوض

وهي تحس بيديه ضايرين على خصرها قلبها بدا يضرب يضرب باغي يخرج من بلاصتوا مامولفاش بهادشي هزات فيه عويناتها ونطقات بهمس و بصوت راجف)

وئام:
خليني نوض عافاك

عيسى(هز يدوا التانية بعد الكصة دارها ليها ورا ودنيها واليد التانية زاد غرسها فخصرها حتى خلا الرعشة تسرا فداتها ضور عينوا مع ملامحها بتمعن نزل لجيهة ودنيها ونطق بهمس):نتي باغا تزوجي هممم؟؟؟؟

وئام(قلبها تسارعات دقاتوا مني سمعات النبرة باش

هضر فشلات ومابقاتش قادة تشوف فيه وهي تحني راسها ونطقات بهدوء كتحاول تسيطر على التوتر لي جاها )

وئام:مزال ما قلت ليه والوا

(نزل يدوا وحطها فوق تر**متها حتى ضربها الضوء بهاد الحركات لي كيدير غير مكايزيد يحرجها نزلات راسها ونطقات)

وئام:هادشي لي كنديروا مخاصوش يدار

(وكأنها ماقالت والوا نزل لعنقها وعضها عضة خفيفة حتى قفزات من بلاصتها وشافت فيه حط جبينوا على جبينها ونطق وهو منيم عينوا فيها وكيستنشق ريحتها بهوس )

عيسى:

ماعندك ماديري بشي زواج

وئام(بهدوء كتمص فشفايفها بتوتر): كبرت خاصني

نتزوج ونولد ولادي

(زاد زير على خصرها حتى رجع وجها حمر وهو ينطق)
عيسى:راه هضرنا كوني تسمعي الهضرة الله يرضي عليك)

شافت فيه شوفة فشكل معارفاش علاش كيدير ليها هاكا

تنهدات ليه فعنقوا حتى غمض عينيه ونطق بلاما يحس

عيسى:كون ماكنت هنا فالكلينيك نفرع بنتي

(حناكها بغاوا يطرطقوا بالحمورية حاسة براسها على شوية غتسخف بغات تبدل الموضوع وهي تنطق بزعامة)

وئام :

ونتا مناويش تزوج؟؟؟؟

(غير سمع سؤالها وهو يقلب وجهوا لبعيد وشوفة حادة رجعات م