ذات عيون الريم🍷مكتملة🍷

🍷الجزء 58🍷

الجزء 58✨❤🔥👄🔥❤✨❤✨❤✨❤

(بلعات الريق لي وحل فحقلها وسكتات ماباغاش تجاوبوا حتا شعل عليها الضوء شافت فيه ونطقات مقاطعاه قبل ينطق )
وئام:لا نتا باغي هاد الزواج ولا أنا
(مشات قاصدة سريرها ونطقات ببرود مكملة فهضرتها): انا غنعس دابا عندي الخدمة على الصباح بونوي
(مسح على شعروا بهدوء ونطق بالكلام لي طيح ليها الما فالركابي ):ولا بغيت نتزوج بالبنت لي كنبغي تقبلي ليا ؟؟؟

(قلبها دق بعنف أكثر موضوع كيستافزها هو موضوع الضرة حسات بالحرارة طالعة معاها وبصوت راجف نطقات):ديك وئام لي من ديما كنتي تهضر ليا عليها؟؟؟
عيسى:آه كون مانتي كنت غنكون مزوجها هذا شحال
رباب(العافية شعلات فقلبها زيرات على الغوب لي لابسة ونطقات بنبرة صوت ضعيفة والبكية محبوسة فيها):وهي زعما تقبل دخل عليا ضرة؟؟؟
عيسى(تبسم مني جات صورتها قبالتوا وبهوس نطق):كتبغيني من زمان وعارفها مغتشوفش فغيري واخا يوقع لي وقع
(تسطحات فسريرها والعافية غير مازايدة وكتشعل فقلبها وحلفات لاهي طفات كفاش يجيب عليها الضرة ومن ليلة عرسها؟؟؟؟ هذا سر لي تفرط فراسها وتروح من دار واليديها بالدل كون كانت دابا بشرفها كون راها خارجة بغوب بيضة من دار باها كون راها وسط الحباب ناشطين وفرحانين بعرسها ولاكن هي خرجات بالشوهة واخا غير باها لي عارف ولاكن صورتها توسخات بالنسبة ليه)

خلاها وخرج قاصد بيت ختوا مابقاش قاد يزيد يصبر ياك غا تزوج هادي بزز صافي وئام غيتزوجها ولي هضر معاه مايلوم غا راسوا دق عليها جوج دقات وغير حلات ليه الباب وهو يدخل عندها خلاها غا كتبرقق فعينيها والكاس دالماء فيديها كتشرب منوا مسح على راسوا ونطق بدون مقدمات
عيسى:مهى انا باغي نتزوج بوئام
(غير سمعاتوا اش قال وهو يوحل ليها داك الماء اش كيقول هاد الزمر تاني واش هرب ليه بدات تكحب وتنش على راسها وهو كيشوف فيها ببرود حتا نطقات)
مهى:واش نتا شوية زان زان اربي ماقول ليا اشنو هو الفرق بينك وبين اكرم وااالوا مكاين تا فرق
عيسى:اشمن اكرم ولانمي تانتي
(غوتات عليه فوجهوا ولأول مرة تغوت عليه):واش غير كترشاق ليكم وتنوضوا تزيدوا التانية واش نتا مريض باغي تزيد التانية وعاد اليوم تزوجتي ومرتك حاملة ماراعيتيش ليها لايوقع ليها شي حاجة ووئام بااااااغي تخرج ليها على حياتها هااااا
عيسى:مهى نتي ماشي شغلك فهادشي
مهى:شغلي كالاك ماشي شغلي وئام وعارفاها عدوها الحاجة المشروكة
عيسى:اخر كلام عندك؟؟؟
مهى(بحدة):اخر كلامي هو هذا
عيسى:واحد تلت الأيام وغتشوفيها قدامك ديك السيدة ماغاتكون غا ليا

خرج وخبط الباب مخليها من وراه مصدومة مسحات على راسها وتفكرات كلام وئام لي عاد هضرات معاها غا دابا وقالت ليها لاكط غيدار غدا فالصباح
مهى(مسحات على شعرها بنرفزة ونطقات):يا ربي السلامة
داز  يوم على قدوا وفجوايه الستة ديال العشية

شاب فبداية الثلاتينات كان جالس فطونوبيلتوا  ومخرج يدو المزينة بساعة من نوع لوكس من السرجم وداير على عينيه نظارات وجالس كيتسنا فشي حد حتا ركبات حداه واحد البنت تبسم ليهااا هز يديها باسهم وهو يكسيري بطونبيلتوا حتا كتنطق