ذات عيون الريم🍷مكتملة🍷

🍷الجزء 36🍷

الجزء 36❤✨🍷🍷✨❤😌

كانوا كلهم بلباس موحد داروا القب ديال السلهام على راسهم وغطاوا ملامحهم بقاوا غير العوينات لي كيبانوا والسوالف كيبانوا من تحت السلهام انطالقوا البيكوبات والوجهة ديالهم المدينة وهوما يهزوا طعارجهم والبنادر كيشطحوا ويزغرتوا ويغنيوا وهي وسطهم كتبسم قلبها كيضرب كيضرب واحد الشعور فشكل شعور زوين أول مرة تعيشوا وئام حامياها تزغريت واخا بنت الفشوش مي فينما كان شي عرس فعائلة بلقيس كتحضر ليه هي ومهى ويحيحوا أما خلاص واحد مهى مابقالها والوا وتركز وسط ديك البيكوب مع وصلوا للدخلة ديال الحي وهوما ينزوا من الطونوبيلات باش يكملوا على رجليهم داروا بلقيس وسطهم وعطاوها للشطيح والغناء كولشي حل السراجم كيطل قربات عيدة لودن بلقيس وهمسات ليها
عيدة:قراي القرآن أبنتي العين خايبة

(ومآت ليها براسها وبدات تقرا شوية دالقرآن أما خلاص عيدة علات البندير للسماء وبدات تشطح وتزغرت والطعارج غادين فنفس الريتم معاها حتا وصلوا لباب الحمام وقفوا من الشطيح خدات عيدة قوالب دالسكر والبيض وما ألذ وطاب من بعض المؤكولات لي كلاوا فالفطور عطاتهم للمشرفات على الحمام دخلوا بلقيس للحمام بالصلاة والسلام  زولوا حوايجهم ودخلوا الداخل وبلقيس وسطهم حتا وصلوا للغرفة لي غادي تعوم فيها  كانت فيها إضائة خفيفة الورد الحمر فكل مكان والشمع فكل قنت وأواني نحاسية بالشكال والنواع البخور وريحة زوينة دالعشوب تبسمات عاجبها الديكور لي فالحمام جلسوها فالبلاصة المخصصة ليها وجبدات عيدة وصفات العروس بالشكال والنواع هزات خلطة الحناء كانت حاطاها فواحد الاناء نحاسي وتبعات ليها باقي الأواني لي كان فيهم العكر الفاسي الغاسول بالأعشاب الريحان والزهر والصابون البلدي والورد
وكيف كنعرفوا العروس كتكون أميرة فيوم زفافها  ومحط أنظار الكل ضاروا بيها وجلسوها وسطهم وكأنها سلطانة وبدات خالتها وبنات من عائلتها كيدهنوا ليها فالوصفات والخلطات التقليدية ولي دارت منوا كيديروه البنات لي فسن الزواج من وراها  مادارت والواااا بالمرة هوما تكلفوا بيها وردوها كتشقشق بالنقاوة  ولحمها رجع حمر كيلمع من بعد تأتير الخلطات دازوا لشعرها وغسلوه ليها بالعشوب هو كذالك وغير سالاوا دخلوها لواحد البانيوا تماك كان معمر بما سخون فيه بعض العشوب والورد الحمر تخشات فيه تقريبا لمدة نص ساعة وهي كترتاح حتا كمدات عضامها عاد خرجوها منوا ودازوا لمرحلة تعطير الجسم والشعر بالمواد الطبيعية التقليدية المعروفة فعمق التقاليد والطقوس المغربية عطروها بروح الزهر وماء الورد الأصلي والريحان وزادوا عليهم مستحضرات تجميلية طبيعة  أخرى  لبسوا بينواراتهم وخرجوها بالصلاة والسلام على النبي رسول الله ....وسطهم كيف الياقوتة كتلمع ودوك العوينات كيضوروا ولي شافها كيقول ما شاء الله تبارك الرحمان

وصلوها  لغرفة تبديل الملابس كانت تاهي بديكور اخر الفوطات مستفين بالبيض وسط واحد الطبك عامر بالورد الحمر والورود البيضة والغوزية مليوحين فكل قنت مكانتش هادي البلاصة فين بدلوا حوايجهم المرة الأولى نشفوا ليها لحمها بفوطات خاصين بهاد اليوم ورطبوا ليها لحمها بمستحضرات مميزة ريحتهم زوينة بزاااف لبسوها قفتان فالبيض لي ضروري على أي عروس تلبسوا فهاد اليوم وبنفس هاد اللون كدلالة على صفاء هاد اليوم وجماله لبسوا الباقي حوايجهم وهوما كيف البلارات كيبريوا صلاوا على النبي رسول الله ورجعوا يشطحوا ويحيحوا ومكاين غير الزغاريت والشطيح وغناء الأهازيج الشعبية شافت عيدة فالساعة ونطقات
عيدة:يالاه البنات خاص نوصلوا للدار قبل الصلاة
(هزوا حوايجهم وخرجوا تاني كيصليوا على النبي وهي وسطهم كيف السلطانة ركبوا فالطونوبيلات مني وصلوا للبدية دالحي وشدوا الطريق نيشان للدار الكبير دار عائلة الأحمدي تلقات ليهم فردوس ومراوات عمام بلقيس بالحليب والتمر طلعوها نيشان لبيتها باش ترتاح وكل وحدة مشات لبيت وتلاحت متكية بلقيس  جلسات وسط بيتها وحداها مهى ووئام طايح عليهم السر كاملات عاد قدامها بنات عمها لابسات طابليات وكل وحدة حاطة يديها فخصرها هوما مامشاوش معاها بقاوا كيشقاوا فالدار

دنيا(بنت عم بلقيس):هاااح يا ختي وكي وليتي يشوفك سي عز العرب يدوخ
(نطقات التانية كضحك وكرشها باينة شوية حتاش حاملة):ياختي على عوينات الغزال اتزوج
(نقزات وئام كضحك):العقوبة ليا أنا ومهى
مينة:ان شاء الله الحبيبة دقلبي نجيوا نشقاوا فعراسكم
وئام:أما ماترقصوش زعما؟
(حطات يديها على كرشها وضحكات حتا تغمضوا عويناتها وهي تنطق):بغيتي الراجل يردني لعند با ههههه فاش البنت كتزوج صافي خاصها تبت وترزن
دنيا:ايييه هادي عندك ابنت مي وبا

مينة تبسمات ابتسامة واسعة غمزاتهم ونطقات حاطة يديها على جنابها):حلاوة اللسان البنات (عاد اتنطق وهو يصوني ليها التيل قدامهم فالبلاصة ضكحات حتى ترسموا الغمازات فحناكها شافت فيهم ونطقات):ها حبي كيصوني
(فتحات الخط وفالبلاصة بدلات نبرة صوتها ورداتها حنينة ورقيقة وبدات فالتحلوين والبنات حداها حابسين الضحكة بزز) حبي توحشتك

(ضحكات بالشوية وكملات هضرتها بصوت حنين )
مينة:خاصني واحد 3000dh احبي
(سكتات شويةة ونطقات كتبسم):يخليك ليلي عمري وعنداك ماتجي اليوم يالاه نخليك اعمري دابا
(مع سالات وهوما يطلقوها بضحكة جماعية )

دنيا:هاي هاي على الشيخة ديال ختي وما دايرة فالأستاذ الجامعي 
بلقيس:ههههههه عرفتي باقا عاقلة كان العام الاول ليا فلافاك ومشات معاايا كان عندنا شي شغل وقلت ليها اجي دخلي معايا هاد الساعتين اوا جلسنا فالمدرج الاول والسيدة غير دخل البروف عينيها حوالوا بدات  تقاد فالسالف ودوك العوينات الكحلين هكاك كبار مركزاهم عليه عيا يميك ولاكن والوا طيحاتوا هههههه
مينة:ويلي ويلي لاتفكرينيش ماقت^&لني غا فاش قال ليا جاوبي وبقيت نبرقق فعيني

بلقيس:فاش شافك تخلعتي بدا يقول ليك معليش معليش ههههه وداك البروف لافاك كاملة عارفاه قصح منوا ماكان

دنيا:بسيف اختي ماطيحوا العوينات كحلين كبار والسالف قدوا قداش وحلاوة اللسان واخا قصيورة ولاكن منوضة  الشياط كيتي أنا لي النهار الأول تناوضتها انا وياه كيقول هنا تسكت هنا تسكت واااالوا  مكنتش باغاه فالأول مي دابا كنحماق عليه
بلقيس:الله يخليكم لبعضياتكم
دنيا:آمين يا رب شوفي نوصيك الزواج هو الصبر الصبر الصبر الصبر نتي تبارك الله كولشي فيك هو هداك منخافش عليك عرفتي انا رحت صغيرة ياك دابا عندي 35 عام رحت على 17  عرفتي دازت عليا ديال بصح العدوزة كانت صعيبة بزاااااف حتاش كانت باغا ليه بنت صاحبتها عامين الأولى دوزاتها عليا مي غير ديك البنت لي كانت باغا هربات مع صاحبها حتاش حملات وهي تولي كتعامل معايا مزيان كون ماراجلي لي كان داير ليا إعتبار والله لابقيت عندهم مي الحمد لله...وخلاص فاش ولدت يونس خليتها تحتارمني بلهلا يطريه ليها
مينة: انا كنت خفيفة الواليد مكانش يخليني نخرج عارفني كنت نطير مع الطيور
(بداوا يضحكوا كاملين وهي تنطق تازي )فكرتيني أدنيا  ياك هبة كاينة مع يونس اش ديك النعرة عندي تاهي ههههه
دنيا: ديك النعرة لمن مشبهة اختي مشبهة ليك