ذات عيون الريم🍷مكتملة🍷

🍷الجزء 16🍷

#الجزء_16❤🍷✨🍂👄🔥

خرجات من عندوا نافخة حناكها ومعاجبها حال عمروا غوت عليها بحال هاكا مالوا دابا أكيد هادشي لي وقع لمهى هو لي منيرفيه تنهدات وتمشات قاصدة البلاصة فين كانت مع داك الراجل حتى كتلقا الكولوار خاوي وكيدوزوا منوا غير بعض الفرمليات هزات حواجبها بهدوء كتقول مع راسها هذا واش مشا ؟؟؟؟؟

علاش متسنانيش وقفات وبقات ضور فعينيها يمين وشمال مابان ليه الأثر ربعات يديها وتكات على الحيط كتسنا فيه يبان حتاش ميمكنش يمشي وهي قالت ليه سايني تسناتوا دقائق كتيرة حتا تأكدات بيلا مكاين ليه الأثر وبلي فعلا السيد غيكون مشا أكيد خرج ليه شي بلان من الجنب
فركات يديها بتوتر ورجعات بهدوء للبيروا ديالوا دقات المرة الأولى والتانية حتى سمعات صوتوا وهي تحل الباب ومع هزات راسها فيه وهي تجي عينها فعينوا وبالزربة حنات راسها حشمانة منوا
عيسى(بصوت حاد):لاش جاية؟؟؟
وئام(حناكها تزنكوا من الطريقة باش كيهضر معاها هزات فيه عينيها ونطقات):جيت ندير ليك المساج

لاح الستيلوا من يدوا ونطق
:
كنت محتاج ليه قبيلة أما دابا لا
(مهتماتش لكلاموا حطات صاكها بهدوء فوق البيروا وضارت لعندوا وهو متبع ليها العين حتا وصلات وراه وهي تنطق
وئام:رجع راسك اللور
عيسى:لااااا
(طلعات حواجبها بهدوء وحطات يدياتها على كتافوا العراض ورجعاتوا حتا تكا على داك الكرسي بلهلا يكزيه ليه حطات صبيعاتها على راسوا كتماصيه ليه ونطقات )
وئام:كون غير مشيتي ترتاح أنا نبقا رادة البال لمهى حتا ترجع
(حل فيها عينيه وتكلم بهدوء متجاهل هضرتها باغي يعرف جواب لداكشي لي واكلوا فراسوا )
عيسى:شكون هداك معامن كنتي واقفة قبيلة؟؟؟؟؟.
وئام(هزات كتافها بهدوء ونطقات)
:
واحد الصديق كنت كنعرفوا من زمان
(صغر فيها عينوا ونطق بتشكيك)
:
صديق؟؟؟؟؟؟

وئام:اه صديق دابا واش مكتيقش؟؟؟؟؟

عيسى: وكفاش تا عارف داركم ؟؟؟؟ بلا ما تكدبي عليا راني عارفك وحافظك
(بلعات ريقها وضربات الطم حتا عاود قفزها وهي تنطق بالزربة لايحاها ليه فوجهوا)
وئام:جا خطبني من عند بابا ولاكن مزال ما جاوبتوش
فقنت آخر وبالضبط فواحد الكافي جنب البحر جالس فلاتيراس وعينوا على البحر وكل مرة يتنهد حتا كينطق صاحبوا
مفيقوا من ديك الدوامة دالأفكار فاش كيفكر

سهيل:دابا لي عطا الله عطاه لاش جالس حازن بحال الولية خايف من الحبس؟؟؟؟
أكرم:معرفت أش غيكون وقع ليها أصاحبي أنا ديك البنت راه كنموت عليها معرفتش كفاش درت ليها ديك الحالة ومافقت على راسي بأشنوا درت حتا نضت من النعاس ديك البنت أصاحبي راه كنحماق عليها راه ميمكنش نآديها بشي حاجة غلطت اه فاش نضت جبت عليها الضرة بلا خبارها ولاكن راه ميمكنش نبقا بلا ولاد مالها لاكانت ضرة واش هي الأولى ولا الأخرى
سهيل:وعلاش تقبل براسها تكون ضرة واش أصاحبي مريض فك&&&رك السيدة ممكن ليها تزوج واحد من غيرك وتولد معاه الولاد لاش غتبقا رابطة راسها مع واحد والد مع وحدة أخرى من غيرها؟؟؟؟
غنهضر هاد المرة حتاش عيقتي بزاف والله القسم البنت عرفتي اش دارت على ودك واش عرفتي ولالا تفكر ياماتك فاش كنتي تابعها بحال الكلب من قنت لقنت قبلات بيك واخا ماشي من نفس مستواها تخاصمات مع واليديها باش تكون معاك تعلمات للطياب بجميع أنواعوا من بعد مكانت مكتهزش الكاس من بلاصتوا فدار باها كانت تغسل الفراش والمانط فالشتاء فدار مك وتحك ليها الزيكس واخا عمر الوليدة ديالك دارت ليها اعتبار سمعات الهضرة على الجهد و صبرات معاك سبع سنين الشريف هي السباب تا وليتي نتا هاكا هادشي كنتي كتعاودوا ليا براسك وانا عمري نسيتوا ديك البنت عزيزة عليا بحال وحدة فخواتاتي ومبغيتش ليها المضرة وقسما بالله غا لا نتا والله ما تستاهلها (ضحك بإستهزاء ورجع نطق منفاعل)قال ليك باغي الولاد وهي باغي يحرمها منهم عالج راسك الزمر راك عيقتي

أكرم(ببرود):مغتكون لحد من غيري آخر هضرة عندي هي هادي

سهيل:لا حول ولا قوة الا بالله العلي العظيم نمشي فحالي من هنا قبل طلع ليا السكر
(ناض جمع الوقفة وزاد بلاما يتلفت لعندوا بان ليه صاحبوا طغا كتر من القياس وخاص شي حاجة ترعدوا شوية باش يرجع اللور)

زفر بغضب أفكاروا مخربقين باغي مهى وحامق عليها باغي الولاد وميقدش يفرط فنادية خاصوا يسمع لهضرة مو ومباغيش يطلق مهى كولشي تجمع عليه دقة وحدة ولي زاد كمل عليه هو عارف بيلا البو.ليس يقدروا يوقفوا عليه فأي وقت خاصوا يوجد راسوا خلص وناض خرج من ديك القهوة ركب فطونوبيلتوا وكسيرا نيشان لداروا مع نادية باغي يجلس مع ولادوا شوية باش حتا لاتشد فالحب.س يكون شابع منهم شوية