ذات عيون الريم🍷مكتملة🍷

🍷الجزء 102🍷

الجزء 102 ❤️❤️

تمتمات بفقصة : هاد الهضرة بلااش منها دب فين كان عقلك فاش ملقي لطونوبيل اتموت وتخلي ليا دراري متتفكرش راه عندك ولاد موراك تابع غير ديك القحبة

أكرم بالو ممعاهاش نطق بشوية ونبرة صوتو كانت غادة فتباطء : بب بغيت نشو ف مم مي قق بل منن مووت

نادية بغات تطرطق كيفاش يموت يالله قالت غترجع تقاد حياتها شوية  ترجع لدارهم دب حيت معندها باش تخلص الكرا ووتخرج تخدم على ولادها بغات تفركع شنقات عليه وغوتات
: برببييي تا انا لي غنققتلك سمعتي يا الزلال جاي عندي موحلني فالولاد لي مولدتيهمش مع مرتك لولة رديتيني لعبة مني تفرقتي عليها صافي تموت وتحول فيا جوج رواح هااا

راسو ترخا وعينيه غمضهم عرفاتو غيب وعلى اثر غواتها دخلو الممرضات تيجريو لعندها خرجوها وبدات تتغوت عليها وحدة على الحالة لي دارت ليه جلسات شادة راسها بين ايديها وتتخمم الحالة لي وصلات ليها هي سبابها بغاتو ليها بوحدها هاهي خلاتو كامل فرقاتو على مرتو بززو عليه يتزوج بيها كاع داكشي غتخلصو راسها دب خرج عندها طبيب وملامح الغضب على وجهوا وصل تال قدامها وغوت

: اش درتي لسيد بزز باش سمحنا بالزيارة ونتي مراعيتيش ولو شوية بزز باش تخطا مرحلة الخطر دب رديتيه ليها

باقي مرداتش عليه تا خرجات ممرضة من الغرفة تتجري ونطقات بسرعة : دكتوور النبض وقف

الجملة لي خلات الما يوقف ليها فالراكابي دخل الدكتور كيجري كيحاول معاه بدون اي نتيجة الجسم ديالو لم يبدي اي استجابة بل روحو غاضرات الجسد ديالو اصلاا حيدو ليه الاجهزة الطبية خاص يتم تبليغ الشرطة هي لي تبحث فشنو بيناتهم لاش دارت ليه هاكاك خرج الطبيب وتخطاها وزاد تبعاتو الدموع فعينيها محجرين شادة ليه فطابلية وتطلب فيه

نادية : عافااك ادكتور عطيني غا خبارو

نتر منها ونطق بنبرة حادة كاع داك الجهد لي داروه باش يعيش جات ببساطة صفاتها ليه نطق : ماات عطا عمرو سيد كان خاصو غا السبة

قال جملتو وزاد خلاها منهارة فالارض ولات ارملة وعندها جوج يتامة فرقبتها ما عندها تا دار فين تهزهم بقات ربي كرييم بالمعنى الحرفي جلسات الارض تبكي وتقول ما بكيت محساتش بالوقت تا حسات بشي ايد تحطات على كتفها هزات راسها فيه وعينيها حمرين كيف جغمة الدم ومنفوخين كان جوج بوليس لي واقفين عند راسها نطق لي قدامها مباشرة

الشرطي 1 : غتمشي معانا الالة اجراءات البحث نتأكد من شي امور حيت نتي اخر وحدة كانت عندو قبل ميموت

قبل متجاوبو كان وقفها البوليسي لاخر لي جرها من ايديها ممسالينش يضيعو معاها الوقت دارو ليها المينوط وجروها تا خروها من سبيطار وركبوها فسطافيط
كاع الناس تتشوف فيها اش وصلها لهنا ما عرفاتش ....

فمكان اخر كانت جالسة على شوك وصلها مساج فتحات الهاتف وهي تلقاه مسيفط ليها
" دب مالكي من صباح مخلوعة "

جاوباتو دغيا " راك متتعرفش خويا داكشي علاش عاد عيطات مرتو قالت لينا شاعلة فيه العافية علاش درنا تعارف الاول بلا بيه اصلا ومباغينيش نتزوج "

عيسى تفكر البلان لي دار ليه ديك المرة جاتو الضحكة نييت غيشمتو كيف شمتو هو قبل غيرد ليه الصرف نييت وهو يقول ليها محاول يطمأنها " معندكي مناش تخافي انا اندوي معاه يوافق

رؤيا " معاش اتجيو

عيسى " انا فالخدمة انرجع دب نييت لدار نشوفهم فين وصلو 

رؤيا " واخاا باش ما كان رد عليا

عيسى " واخا تلاحي ازين

غا قالها ليها تزنكات وطلعات ليه vu
ناضت دغيا تشوف مها فين وصلات فتوجاد سمعات الباب كيدق مشات فتحات الباب هو لول كانت بلقيس لي فالباب غا شافتها وهي تلاح عليها عنقاتها تا بعداتها بلقيس حيت وعتاتها فكرشها ونطقات

بلقيس : ابشوية ابنتي عارفينك قردة

رؤيا : حشوومة عليك

بلقيس : ونتي لي حشومة عليك وعتيني مباغاش تولي عمة امم بغيتي تسفطيه