Unicode
မန္တလေးမြို့မှာ ဘယ်လောက်လှသလဲလို့
လီယိုဇေးကိုလာမေးရင်တော့... အလှဆုံးပါလို့ခေါင်းညိတ်မိလိမ့်မည်။မွေးရပ်မြေကို
တစ်ခေါက်ပြန်လာရင်း ထပ်မံခြေဦးတည်မိတာက အမရပူရမြို့ရှိ ဦးပိန်တံတားဆီ။
အမှတ်တရပစ္စည်းများ၊အဝတ်အထည်များနှင့် စားသောက်ဆိုင်များ၊ကင်မရာမန်းများက ဦးပိန်တံတားတည်ရှိရာ တောင်သမန်ရဲ့ကန်ဘောင်ဘေး ပင်တိုင်ရှိနေကျသလို ခရီးသွားများကလည်း စည်ကားစွာရှိနေ၏။
"အစ်ကို ... အစ်ကိုဇေး"
လီယိုဇေး သူ့နာမည်ကိုပီပီသသကြီးကြားလိုက်ပေမဲ့ ရန်ကုန်မြေမဟုတ်တဲ့ မန္တလေးမှာအသိမိတ်ဆွေမရှိတာမို့ လှည့်မကြည့်မိ။
"အစ်ကိုကလည်းဗျာ... ခေါ်နေတာကို နေပါအုံးဗျ"
ထိုစဥ် သူ့ဘေးကိုအမောတကောရောက်လာတဲ့ နေရောင် ဆိုတဲ့ကောင်လေး...
"နေရောင် ... ကိုယ့်ညီက အခုချိန်LGUမှာ ကျောင်းတတ်နေရမှာမလား။ဘယ်လိုလုပ်ပြီး..."
"ကျွန်တော်က ဒါအတွက်လေဗျာ... ပရောဂျက်အတွက် မန္တလေးဆင်းလာတာ မနေ့ကတည်းကပဲ"
ကင်မရာနဲ့စာတမ်းတချို့ကိုပြရင်း ပေါ့ပါးစွာဆိုလာ၏။
"ဒီစာတမ်းကလိုတော့လိုသေးတာပေါ့ဗျာ။ဟဲ ဟဲ ကျွန်တော်က ကျောင်းတတ်ပျင်းလို့ ပတ်ပြေးနေတာ"
"အဲ့လိုဆိုတော့ ကိုလင်းသိုက်က မဆူဘူးလား"
"အန်ကယ်သိုက်က သူ့အလုပ်နဲ့သူရှုပ်နေလို့ ကျွန်တော်အတန်းတတ်လား၊မတတ်လားကို စိတ်မဝင်စားဘူးဗျ။အစ်ကိုသိပြီးပြီလားတော့မသိဘူး"
"ဘာကိုလဲနေရောင်။အစ်ကိုက ဒီရက်ပိုင်းအမှုကိစ္စနဲ့မအားနေလို့.."
"အန်ကယ်သိုက်နဲ့ရေချယ်က လက်ထပ်ကျတော့မလားမသိဘူး"
"ဟင် ! "
"သေတော့မသေချာသေးပေမဲ့ ယူကျမှာတော့အသေအချာပဲဗျ"
"ရုတ်တရက်ကြီး"
"ဟုတ်တယ် ရုတ်တရက်ကြီး။ဘယ်လိုများ
ဖြစ်ကျလဲမသိဘူးဗျ... လက်ထပ်တော့မယ်ချက်ချင်းကြီးပြောပြလာတယ်။ဒါပေမဲ့ ချစ်တဲ့သူချင်းညားမှာပဲဗျာ ဝမ်းသာစရာကြီးပါ... အစ်ကိုရောဝမ်းမသာဘူးလား"
YOU ARE READING
HUSBAND:Daddy
Romance"အခုဘဝတင်မကဘူး နောင်သံသရာအဆက်ဆက်ထိ မီးငယ်နဲ့ပဲ ... " ဦးထင်လင်းသိုက် (Htin Lin Thike) #Slow romance#Fluff#Fantasy Note - ယခုဇာတ်လမ်းပါ အဖြစ်အပျက်၊အကြောင်းအရာတို့သည် စာရေးသူ၏စိတ်ကူးယဉ် ရေးသားမှုသာဖြစ်၏။ Start Date - 12.1.2023 (8:00PM) End Da...
