HUSBAND:Daddy

Part - 71

Unicode

ဘေးနားပတ်ပတ်လည်ဝန်းရံထားသည့် တောင်တန်းစိမ်းတွေ၊မြက်ခင်းပင်တွေ၊သဘာဝအလျှောက် တိုက်ခတ်နေသည့် လေထုအေးအေးများကြား ခန်းမရဲ့အပြင်ပိုင်း
အပြင်အဆင်အဖြစ် ပန်းမျိုးစုံကို
ဂိတ်တံခါးသဖွယ်ပြုလုပ်ထားသည်။

မွှေးပျံ့သည့် ပန်းဂိတ်တံခါးကိုကျော်ဖြတ်လာပြီးရင်တော့ ကောဇောနီခင်း၍ baby breath
ပန်းများစွာကိုအသုံးပြုကာ လျှောက်လမ်းဖန်တီးထား၏။ထိုလမ်းအတိုင်းလာခဲ့ပြီးရင် နှင်းဆီပန်းရောင်စုံနှင့် ပန်းအိုးပေါင်း၁၀၀... ထိုပန်းအိုးတွေကြားမှာ သတို့သား၊သတို့သမီး pre wedding ဓာတ်ပုံကိုများပြသထားသည်။
ထိုမှာပဲ ပြန်ကမ်းပစ္စည်းအဖြစ်
Dior brand လက်ပတ်နာရီများကို အိတ်ထဲ စနစ်တကျထည့်ထားသည့်နေရာရှိ၏။
ထိုကဲသို့ လှပ၊မွှေးပျံ့သော အခင်းအကျင်းများကို ဖြတ်သန်းပြီးလျှင် ဧည်သည်များအတွက်
စားသောက်ဖွယ်ခင်းကျင်းချင်းထားသည့်နေရာ စားပွဲခုံနေရာကိုရောက်က်သည်။

ဧည်သည်များထိုင်ရမည့် နေရာရဲ့အလယ်မှာမှ
၄ပေခန့်မြင့်သည့် နှင်းဆီပန်းအဝါရောင်များနဲ့ အလှဆင်ထားသည့်။အဖြူရောင်လျှောက်လမ်းစဥ်ရှိကာ ထိုလျှောက်လမ်းမှတဆင့် သတို့သား၊သတို့သမီးက ပွဲကျင်းပမည့် စင်မြင့်ဆီသွားရမည့် ဖန်အိမ်ခန်းမကြီးဖြစ်သည်။

"မင်းမငိုပါနဲ့တော့ကွာ"

တစ်ရှူးကမ်းပေးနေတဲ့ မင်းသန့်ဆီက ခပ်တိုးတိုးညည်းညူသံပင်။ဒီကောင် ဂုဏ်နဂါး မိုးလင်းထဲက ငိုနေတာဖြစ်ပြီး မီးငယ်ကိုတကြည့်ကြည့်နဲ့ငိုလို့မပြီးနိုင်။  ကလေးမိတ်ကပ်ပြင်တော့လည်း ဘေးနားထိုင်ကြည့်ပြီးငိုသည်။အဝတ်အစားလဲဖို့ အပြင်ထွက်ခိုင်းတော့လည်း အပြင်မှာငုပ်တုပ်ထိုင်ကာငိုသည်။ပြင်ဆင်နေသည့် ကလေးနားအားရပါးရငိုနေတဲ့သူကိုကြည့်ပြီး
ဝဲတဲတဲဖြစ်နေတဲ့ မင်းသန့်ပြုံးမောင်ရဲ့ မျက်ရည်တွေတောင် အထဲပြန်ဝင်ရပြီ။

"အန်ကယ်သန့် ... "

"ဗျာ "

ခေါ်သံကြောင့် နှစ်ယောက်သားလှည့်ကြည့်လိုက်တော့ ရွှေရောင်သတို့သမီးဂါဝန်ဖြင့် လှချင်တဲ့လှနေတဲ့သူတို့သမီးလေး။ခေါင်းမှာ ပန်းသရဖူနဲ့အတူ ရွှေရောင်ဖျော့ဖျော့ ဇာပဝါလေးအုပ်ထားသည်ကိုမြင်ရတော့ ကြည်နူးစွာပြုံးမိပြန်သည်။