Unicode
"မင်းလိုလေ့ကျင့်ထားတဲ့ကောင်က ဘာမဟုတ်တဲ့ ကလေးမလေးဆီမှာ အလိမ်ခံခဲ့ရတယ်ဆိုတာ ကြားကောင်းသေးရဲ့လား။မင်းအဲ့လောက်ထိ ညံ့ရလား ဟမ်"
"ယူအာကိုကအဲ့ဒီကလေးမကိုမှ မတွေ့လိုက်ရတာ။ ရုပ်ကလေးက သနားကမားနဲ့ ... သူလိမ်တယ်ဆိုတာ ဘယ်လိုမှထင်ရက်စရာမရှိဘူး"
"သြော် ရုပ်လေးချောလို့ မင်းကမွှန်သွားတယ်ပေါ့"
ခေါင်းမဖော်ခဲ့တော့တဲ့ နောက်လိုက်ကိုကြည့်ရင်း ယူအာကို ဒေါသကတရိပ်ရိပ်ထွက်လာသည်။ကလေးမလေး အလိမ်ခံလို့ အဝိုင်းထဲမှာပဲ လည်ပတ်ပြီး ခွေးကိုက်ခံခဲ့ရတယ်ဆိုတာ
ကြားလို့မှမကောင်း။
"အဲ့တာဆိုတော့ မင်းက ထင်လင်းသိုက်တို့အိမ်လိပ်စာကို မသိခဲ့ရဘူးပေါ့"
"ဟုတ်တယ် ခအို ။ L Group ကုမ္ပဏီခွဲရုံးချုပ်က ရတဲ့လိပ်စာက အတိအကျမဟုတ်ဘူး။
ကျုပ်သွားရှာပြန်တော့လည်း..."
"ထားပါတော့ ။ထင်လင်းသိုက် မြန်မာပြည်မှာရှိနေတာကိုသိရပြီပဲ... ဘယ်လိုမှ ပြေးမလွတ်တော့ပါဘူး"
စီးကရက်ကိုဖွာရင်း တွေးဆဆပြောလာတဲ့ ခအိုပေါင်ပေါ် ယူအာကိုဝင်ထိုင်လိုက်ကာ....
"တူမလေးက ထင်လင်းသိုက်နဲ့အတူရှိနေတယ်ဆိုတာ သေချာလား ခအို"
"အဲ့တာတော့အတည်ပြုရမှာပေါ့"
"တကယ်လို့ အတူရှိနေပဲထား ထင်လင်းသိုက်က ပြန်မပေးနိုင်ဘူးဆိုရင်ကရော"
"ထင်လင်းသိုက်က Lightစံအိမ်ရဲ့ အမွေဆက်ခံသူ သခင်မလေးကိုခိုးယူသွားတဲ့သူပဲ...ကြည်ကြည်ဖြူဖြူ ပြန်မပေးနိုင်ရင်
ရတဲ့နည်းနဲ့ ပြန်ခေါ်ရမှာပေါ့"
"အင်း ပြီးရင်ရော"
"အမွေတွေကို သခင်မလေးလက်ထဲလွဲပေးပြီး။ သတ်မှတ်ထားတဲ့လူနဲ့ လက်ဆက်ပေးမယ်... ကျန်တာကတော့ သခင်မလေးဆန္ဒအတိုင်းပဲလေ"
ခအိုဟာ သူ့ဘဝရဲ့အချိန်တစ်ဝက်အား ရုဒါအို ကိုရှာဖို့ပေးဆပ်ထားမှန်း ယူအာကိုသိသည်။အမွေတွေကို ယူအာကို လက်ထဲထည့်ပေးဖို့ကို လွယ်လွယ်နဲ့သိမ်းသွင်းလို့ရမှာမဟုတ်... ထို့ကြောင့် အမွေတွေကို ယူအာကို ရဖို့ခက်ခဲသည်။
YOU ARE READING
HUSBAND:Daddy
Romance"အခုဘဝတင်မကဘူး နောင်သံသရာအဆက်ဆက်ထိ မီးငယ်နဲ့ပဲ ... " ဦးထင်လင်းသိုက် (Htin Lin Thike) #Slow romance#Fluff#Fantasy Note - ယခုဇာတ်လမ်းပါ အဖြစ်အပျက်၊အကြောင်းအရာတို့သည် စာရေးသူ၏စိတ်ကူးယဉ် ရေးသားမှုသာဖြစ်၏။ Start Date - 12.1.2023 (8:00PM) End Da...
