صوت قفل الباب انتفض معاه قلبى ورجفة غريبة سرت ف جسمى
قعد على اول كنبة قابلته و قالى بصوت مليان تعب : اقعدى يا نجمة
وبدون كلام قعدت وبصتله منتظره يبدء كلامه
تنهيدة سكوت لبعض الوقت واخيرا اتكلم : بصى يانجمة انا عارف ان جوازنا جه بسرعة وانك كمان فى حاجات كتير مكنتيش تتمنى أنها تحصل وحصلت واظن منهم جوازنا انا عارف انك مش بتحبينى وانا بردوا مش هكدب عليكى انا بصراحة محبتكيش ودا مش عيب فيكى او قساوة منى بس انا واحد كل حياتى ياشغل يا اهلى ياصاحبى وعمرى مافكرت ف الحب والارتباط انا مش هقدر اقولك انى ممكن اقع ف حبك لانى مبحبش حاجة تحصلى عكس مزاجى أو توقعاتى واظن انك ادرى الناس بظروف جوازنا انا كل اللي هقولهولك أنى هحاول اتقى الله فيكى ويكون مابينا حياة بالمودة والرحمة انا قلتلك كل اللي في نفسى عشان حياتنا من الاول تكون مبنية على وضوح واسف لو دايقتك بكلامى
لا ولا يهمك انت قلت كل اللى فى قلبك ودا شئ ميدايقنيش ، وشكرا على صراحتك معايا ممكن تقولى فين اوضتى
شاولى على الأوضة : لو احتاجتى اى حاجه نادي عليا انا هكون ف الأوضة الاطفال تصبحى على خير
وانت بخير
دخلت الأوضة مكان جديد مختلف مقدرش أنكر أن زوقه جميل ورقيق جدا بس ياترى هل هحب المكان دا وهرتاح فيه ولا الدنيا مخبيالى ايه اكتر من كدا
فات اسبوع كان آواب بيتعامل معايا فيهم بكل هدوء واحترام بس بجد يعنى دى حياة مملة وحقيقى يعنى فرحت أن الدراسة بدأت
نجمة وحشتينى
حضن طويل اه ماهو الدنيا فيها كام صاحب يشبه غزل
الصحاب اتخلقوا عشان يكونوا هى ف حياة نجمة
خرجت من حضنها مع ابتسامة وصلت لعيونى وقلبى
وحشتينى ياغزل ووحشونى عيونك وكلامك ياصاحبى
وانتى اكتر ها يستى عاملة ايه بقى مع استاذ آواب
رديت وانا بتجاهل الموضوع : بخير والحمد لله ها يستى بقى النونو حبيب خالتوا عامل ايه
اسكتى يا نجمة دا مطلع عينى بيخلص فيا اللى بعمله ف بباه
احسن والله تستاهلى عمالة اقولك خفى عن الراجل متطفشيهوش ف عيشته وانتى ابدا لازم اطلع عينيه اشربى بقى هههههههه
يوه بقى يانجمة مانا بصراحة بحبه وبحب انكشه كدا كل شوية وهو بصراحة عمره مازعلنى ولا اشتكى منى بس ابنه شكله كدا من اولها جاى وناوى تخليص حق
هههههههههه اللى بتعمليه ف الناس هيطلع عليكى
ها بقى يا ستى اظن كدا كفيانا كلام ويلا عشان نلحق المحاضرة
غزل بضجر : ليه السيرة اللى تغم دى والله انا مش عارفة كان لزمته ايه حقوق وقضايا وقوانين دانا كلها قلم ونعترف على جوزى ذات نفسه 🥺
