_اختشي طب يابتي لا الملك يسمعنا.
ضحكت_وهو الملك هيسمعنا اذاي بس تصدقي ياريت يسمعنا بس يكش يعرف اني بحبه.
_غضي بصرك يا ايمان يابتي ده الملك لو سمع كلامك هيجتلنا والله.
سكت شويه وقولت بكل حزن الدنيا _قلبي ياخاله قلبي بيدق كل ماالمحه بيتنفض نفض لما بسمع صوته اعمل اي ده مش بإرادتي صدقيني.
_هي حصلت يابتي تحبي الملك وملجتيش غير الملك تحبيه، ماعندك باسم الجنايني هيموت عليكي وبيطنطط كده لما يشوفك
ابتسمت _ده انا حبيته وحبيته وحبيته والله ياخاله، ضحكت وبعدين ياخاله باسم ده يليق بيا..
بصتلي وضحكت _والله يابتي انتي مقامك ملك كده.
ضحكت بكل سخريه _اه طبعا ملك وكمان يتجوز خدامه في قصره..
...........................
_ايمان ايمان روحي ودي العصير ده للملك..
قلبي دق واتنفض قومت بسرعه من مكاني حطيت الشال على راسي ومسكت الصينيه ومع كل خطوه عشر دقات قلب دخلت الجناح بتاعه لقيته واقف شكله كان بيلبس ومكنش لابس نصه اللي فوق..
_وه وه حطيت ايدي على عيوني سمعت صوته بيقول..
_معلش معلش بس انتي مخبطيش.
رديت عليه وانا لسه مغميه عيني_ متعودتش اخبط على البيبان بس المره الجايه هخبط صدقني.
حسيت بقربه لما قالي _ويمكن مش عاوزك تخبطي.
وشال ايدي من على عيوني وانا كنت تايهه في ملكوت الله مكنتش حاسه بنفسي غير بدقات قلبي العاليه بالله أشك انه سمعها..
_عينيكي حلوه.
_انت احلى.
ضحك _ااي؟
_قصدي تسلم، قصدي عينيك اللي حلوه قصدي قصدي انا ماشيه...
نزلت كنت بهرب منه ومن دنيتي كنت بهرب من كل حاجه حبي ليه اللي مش هيجني عليا غير بالخراب وأنهم ممكن يمشوني من هنا اصل مين الملك اللي هيتجوز خدامه..؟!
_بيقولوا الملك النهارده عنده سباق احصنه.
لقيت خاله محسنه وطت على ودني وقالتلي بقلة حيله..
_هتروحي برضو.
ضحكت _هروح اصل قلبي مش هيهمد بسهوله.
_يقطعك ويقطع قلبك اللي هيبقا السبب في موتك.
اتكلمت بسرحان وابتسامه أحيت شفايفي _لو كان موتى على يده فأنا موافقه غير كده معوزاش اموت ياخاله..
كل مره بروح متخفيه بلبس رجالي من المساعدين بتوعه عشان اشوفه وهو بيتسابق بيبقا حلو احلى من اي مره شوفته فيها بيخطف قلبي خطف كده..
كنت واقفه بأكل الحصان قالوا الملك جِه وانا كنت عارفه انه جِه من دقات قلبي اللي عليت فجأه، جه لقيته قرب وقرب فجأه لقيته مسك ايدي بصيتله بسرعه عيني جات في عينه لقيته ابتسم ابتسامه غريبه بس حيتلي قلبي شيلت ايدي لقيته مسك اللجام بتاع الحصان وفضل يأكله شويه وكل ما بسرق نظراتي ليه الاقيه باصصلي وشويه بيوشوش الحصان في ودنه بكلام والله هموت واسمعه بيقوله اي..
