صباح الخير يامرات خالي ياقمر
صباح النور يابكاشه حماتك بتحبك يابت لسه كنت بحط الفطار ادخلي صحي الواد يونس وتعالوا افطروا معايا
هو البيه كل ده مصحاش مش عارف انه هيوديني الجامعه ولا اي ولااااااا يايونس انت ياولاااااااا
يونس قام فتح باب أوضته
ايييي ياازعاااج علي الصبح
كل ده نوم يابيه مش وراك شغل ووراك توديني الجماعه ولا اي
هو انا خلفتك ونسيتك يايقين وانا معرفش
يرضيك بنوته كيوت زيي تروح لوحدها كده
يونس :معلش بنوته مين انتي بتتكلمي علي حد ثالث واقف معانا وانا معرفش
يقين : يونس حد قالك انك دمك شربات 🙄
يونس: خلاص ياست كخه متتقمصيش تعالي نشوف ست الكل عامله فطار اي
استووووب
انا يقين عندي ٢٠ سنه في كليه فنون جميله وده يونس ابن خالي عنده ٢٩ سنه متخرج من كليه هندسه وباشمهندس قد الدنيا🥺♥️ وست الكل دي مرات خالي الله يرحمه بالنسبه لينا هي وخالي الله يرحمه هي اسطوره الحب الكل عاوز يعيشها وبالاخص انا قصه حبها هي وخالي كانت دافئه حنينه هاديه في ترابط الكل كان حزين علي موت خالي واكتر واحده كانت هي بس ديما عندها اقتناع انه لسه عايش بتعمل كل حاجه كأنه موجود معاها زي مابتقول طيفه محوطني ديما ♥️ هنعرف قصتهم قدام انا ويونس متربين سوا يونس بالنسبه ليا كل الدنيا بس انا بالنسباله اخته 🙂💔 ، او مش عارفه ساعات مش بفهمه بس الحقيقه أني بحب يونس او يمكن متعوده علي وجوده بردو معرفش ....
نرجع تاني
بعد الفطار
يونس ويقين نزلوا ركبت العربيه وكالعادة
يونس في نفسه : مزعجه بتحب الدوشه مجنونه فوضاويه بطريقه مش طبيعيه مجنناني وجودها هو اللي عامل ليا روح لحياتي ☹️ بس انا بالنسبه ليها اخوها الكبير ابن خالها زي ماهي بتقولي ديما بس الحقيقه مش كده.
يونس فاق من سرحانه علي صوت يقين مشغله اغاني ل حماقي وبتغني بصوت عالي
يونس : صوتك نشاااذ وبعدين جايبه الفوقان ده منين الناس بتصحي مش طايقه نفسها الا انتي
يقين : ومصحاش فايقه ليه وانا عندي مرات خاله مفطراني فطار قمر وابن خاله موصلني لحد كليتي ومخليني اشغل حماقي قلبي 🥺🥺🥺
يونس بعصبيه : حماقي مين ياعنياااااا
يقين ببراءه : قلبي يايونس حماقي قلبي علي راي حسين الجسمي ده حته حته من قلبي
يونس : جاك وجع في قلبك يابعيده
يقين بزعل : اخص عليك يايونس
