_ بعصبيه: أنتِ فتحتي الباب وأنتِ بشعرك
= يكريم والله نسيت
_ أنا قلتلك كتير متخرجيش لحد بشعرك صح ولا لا
= بس ده ابن خالي
_وبيحبك
= بس بعتبره أخويا
_ بعصبيه: مش هتخرجي بشعرك تاني ولا هتتكلمي مع أي ولد تاني
= بطفوليه: يعني مش هتكلم معاك تاني
_ أنا قولت أي ولد
= ما أنت ولد
_ يحور يحبيبتي أي ولد غيري أنا تمام
= بضحك: تمام
_ بغيره: ومتضحكيش لحد تاني
= يكريم بقا
_ خلاص، ادخلي يلا
= حاضر.. سلام
________________________________________
_ أهي أهي يكريم أهي أهي
= بحنيه: بتعيطي ليه بس
_ عشان استنيتك كتير امبارح وأنت مجتش
= أنا آسف بس صحيت متأخر وماما لبستني متأخر وملحقتش الحضانه وماما قالتلي مش هروح، بس خلاص هصحي بدري وهلبس بسرعه عشان مش هسيبك لوحدك تاني
_ أبدا!
= ابدا
_________________________________________
_ يلا يحور هنتأخر علي أول يوم فِ المدرسة
= أنا مش عاوزه أروح زهقت
_ مش أنتِ اللي عاوزه تدخلي مدرسة اعدادي
= خلاص مش عااوزه جوزوونيي
_ هكبر وهتجوزك
= بتوتر: هاا
_امال عوزاني اسيبك لحد غيري
= بضحك: ماشي يعم يلا بينا
________________________________________
_ ازيك يحور
= كويسه وأنت
_ مالك؟
= بحزن:مفيش
_ هتخبي عليا
= ماما بتقولي ان متكلمش معاك تاني
_بحزن: هو انا زعلتها طيب
= لا
_ امال بتقولك كده ليه
= بتقولي كده عشان احنا كبرنا
_ احنا لسه صغيرين لسه 14 سنة مش كبار
= معرفش بقا
_ يعني ايه كده
= مش هقدر ازعل ماما مني
_ وأنا اوعدك ان هذاكر كويس وهبقي مهندس وهتقدملك بس استنيني
= وانا أوعدك اني هستناك وكمان هذاكر كويس
_ خلي بالك من نفسك
=وأنت كمان
_ سلام يحور
= سلام يكريم
________________________________________
ماااماااا يماما يااا أهل الدار فينكم أنا جيت
= اسكتي يهبله فضحتينا
_ بصوت غير مسموع فِ ايه مين عندنا
= عريس يقلب أمك
_ بس مين قال إني هتجوز
= ادخلي البسي الفستان اللي علي السرير يلا
_بحزن حاضر يماما
استنيتك كتير يكريم غصب عني هخلف بوعدي ليك بس ان شاء الله مش هوافق وهستناك
خرجت حور من اوضتها ودخلت عند الضيوف وهي عنيها فِ الأرض بتبص علي السجاد فاقت لما سمعت الجمله المعتاده' نسيب العرسان مع بعض '
_ حققت حلمي وبقيت مهندس وجيت اوفي بوعدي ليكِ وتكملي معايا باقي حياتك
= بفرحه: كريم!!!
_ وحشتيني
= وأنت وحشتني أوي.. بس بس ازاي!؟
_ لما بعدنا سافرت وذاكرت واشتغلت وبقيت زي ما أنتِ شيفاني كده.. وكنتِ دعوه فِ كل صلاة.. موافقه تتجوزيني؟
=بفرحه وضحك: هات المأذون يبابا
فِ يوم هنعود... مابينا وعود.🤎'
ك:رباب حسن'رنكين'🤎
