- خلاص إحنا اتفقنا النهارده كتب الكتاب الخميس الجاي، قومي شوفي بقا ايه ناقصك عشان معدش وقت
-الف مبروك كتب كتاب مين إن شاء الله؟
-بطلي إستعباط كتب كتابك إنتِ ومحمد
-كتب كتاب ايه هو مش المفروض اني كنت بطفشه وكده ايه مطفش ازاي.
-قومت رنيت عليه وانا عفاريت الدنيا بتتنطط قدامي هو مش احنا كنا متفقين ان كل واحد هيروح لحاله.
- انتِ عبيطه؟ بحبك وهتجوزك غصب عنك
-بتحبني وانا بعاملك بالطريقه دي؟ اين كان انا مش عايزه وجع دماغ ترن علي بابا دلوقت تقوله كل شيء قسمه ونصيب وتخلصنا سمعت!!
-اعتبر ده تهديد يعني!!
-افهمه زي ما تفهمه أنا مش هتجوز سامعني؛!
-قفلت وقعدت في جمب من غير ما اعمل اي حاجه، انا مش عايزه اتجوز، مش عايزه ابقي مسبباله اذي في يوم بسبب حاجه ملوش ذنب فيها انا مرتاحه كده، نمت من كتر التفكير صحيت تاني يوم علي صوت ماما
خطيبك بره قومي البسي واطلعيله يلا
- هطلعله معمصه كده يكش يطفش بقا ونخلص
-مش معقول حد يبقي صاحي ب الجمال ده.
-انت دافعينلك فلوس عشان تضايقني اعمل ايه عشان تشوفني وحشه بس قولي؟
-انتِ امرك غريب بجد، عمري ما شوفت واحده عايزه الناس تشوفها وحشه؟
- انا مبحبش نفسي، ولا بحب شكلي، مبحبش حاجات كتير مش لازم تعرفها، ابعد عني عشان خاطري.
- مش عارفه لحد دلوقت الوقت عدي ازاي وكتب الكتاب خلص بسرعه كده وانا تايهه، بحاول ابان عنيفه وشخصيه قويه بس مش عارفه كل ده ليه
اعتقد لو اي حد مكاني هيبقي مبسوط ان فيه حد بيحبه، بس انا فعلا مش عايزه اظلمه معايا.
بص من اولها كده مش معني ان اتقفل علينا باب واحد وبقيت جوزي وكل الكلام ده ان خلاص هسيبلك السايب في السايب كل حاجه ليها حدود، مكانك اوضه الاطفال، مفيش قومي اعمليلي فطار دي انت مش صغير.
هتفضلي عايشه في دور الشريره ده كتير
اسمع الكلام لاخره عشان مش هعيده مرتين
اتفضلي كملي
مبحبش الصوت العالي، وبنام في هدوء، بصحي متاخر، ومبحبش حد يجي يصحيني، اللي هقولك عليه تعمله عشان نبقي علي نور من اولها.
فيه ايه هو انا عبد، احنا اتجوزنا مدخلناش السجن
انت بتعلي صوتك ليه!
اسف كملي.
غبيه انسانه غبيه بتتعامل مع الناس، لحد ما تكرهم فيها، هيحصل ايه يعني لما يعرف اني في حروق في جسمي، هيتريق عليا شويه! ولا هيعايرني بيها طول العمر، المفروض اني كنت قولتله علي حاجه زي دي من زمان، بس انا مجاليش الجرأه ولا مره اني اقولها.
