-عرفت إن سُهيله بنت خالتك اتطلقت يـَ راكان؟
-بصلي: اه يـَ كيان عرفت.
-طيب.
بصلي وسكت وبعدها اتكلم: عايزه ايه يا كيان، اتكلمي علطول.
-لسه بتحبها يـَ راكان؟
سؤالي صدمه تقريباً فضل باصصلي فتره وقام وسابني من غير ما يرد..
انا عارفه انه لسه بيحبها دي حبُه الاول وتقريباً الأخير.
انا وراكان كنا صحاب لمدة 16 سنه من كيجي واحنا صحاب، كان دايماً بيحكيلي عنها وعن قد ايه هي جميله وفيها كل حاجه هو بيتمناها الا انها تحبه!
واحنا عندنا 21 سنه هي اتخطبت طبعاً هو دخل ف اكتئاب وفقد ثقته بنفسه لكني كنت جمبه طول الوقت مامته عرضت عليه انه يتجوزني وهو وافق انا عارفه انه وافق عشان ينسااها بيا.
لكن اللي عمره ما عرفه اني بحبه من زمان هي عمرها ما كانت هتحبه قدي عمرها ما كانت هتعرف كل شئ عنه ولا اكله ولا شربه ولا اسراره كلهاا مكنتش هتعرف تحتويه وقت حزنه وتعبه زيي! ولا كانت هتقدر تفرح لمجرد انه مبسوط وسعيد، عمرها ما كانت هتحس بيه وبوجعه قدي حتي هو مكنش هيقدر يأمن حد غيري على اسراره ولا كان هيجري ع غيري وقت تعبه.
عدي وقت على الموقف ده لكن متكلمناش فيه هو بقا طول الوقت ساكت مش حابب يتكلم ولا حتي معاياا!!!
بيجي من شغله يناام ويقول انه آكل بره طول اليوم بره البيت زي ما يكون زهقان من وجودي!
-عايزه اتكلم معاك شويه يـَ راكان.
بصلي بتعب: ممكن بكره طيب، مش قادر اتكلم دلوقت يكيان معلش.
بصتله بحزن اول مره تحصل مهما كان مهموم او حزين كان دايماً بيسمعني هو ممكن يكون بيعمل كده عشان ازهق منه ويطلقني ويروحلها!!!
-تمام يـَ راكان تصبح ع خير.
طلعت الصاله ومسحت دموعي ومسكت موبايلي وكلمت روئ صاحبتي ومرات اخويا ف نفس الوقت
-ايوه يـَ كيان اذيك عامله ايه!
-الحمدلله يحبيبتي انتِ اخبارك ايه؟
-الحمدلله مال صوتك يـَ كيان مش عاجبني.
-روئ انا حامل.
-اتكلمت بفرحه: ي ألف نهار مبروووك هبقاا خالتو يجدعااااان.
-ضحكت بهدوء: هتبقي احلي خالتو يـَ روئ.
-كيان هو انتِ ليه صوتك مش فرحان! راكان عمل حاجه؟
-عيطت: لسه بيحبها يـَ روئ لسه بيحبها بعد كل اللي عملته عشانه مقدرتش آخد ذرة حُب من اللي حبهولهاا ليه!! انا وحشه طيب؟ والله العظيم لو لف الدنيا كلها عُمره ما هيلاقي حد يحبه ويبقي حنين عليه زيي!!
-كيان متعيطيش لو سمحتي اهدي بالله عليكِ هو راكان فين دلوقت؟
-نايم.
-طيب بصي انا هصحي يوسف أخليه يجيي ياخدك تقعدي معانا يومين تفكي نفسك ونعرف نتكلم براحتنا اتفقنا؟
-حاضر يـَ روئ.
قفلت معاها ودخلت الاوضه حضرت شنطتي كده كده هو بقا بينام ف اوضة الاطفال..
خلصت وكان يوسف اخويا وصل وبيضرب الكلاكس عشان انزله.
ربع ساعه و وصلنا بيته هو متكلمش عشان عارف اني مبحبش اتكلم وانا زعلانه بيحب يسبني اتكلم لما اكون عايزه اعمل كده، مش بيضغط علياا..
طلعت سلمت على روئ و ياسين وكيان ولادهم حبايب عمتو.. وبعدها نمت.
