سندت بإيدي علي المكتب بتعب_عايزة جواز السفر بتاعي
_والبطولة ي ملاك
غمضت عيني بحزن_هنسحب منها
_بس يـ ملاك دا إنتِ كنتِ قريبة من النهائي
حاولت أبتسم _سبيها لله تبقي تتعوض ممكن الجواز
_بس
إتعصبت_هات يـ مسعد إنجز أهلي محتاجيني معاهم إنجز
_أما نرجع المدير بتاع النادي مش هيعديها علي خير
أخدت الجواز من إيده_أما تنزل بقي نبقي نشوف
جيت أمشي قال بحزن_كنت أتمني تكملي البطولة
إبتسمت_ملناش نصيب فيها... هبعت نوح يخلص إجراءات الإنسحاب ومشيت
"البطولة حلم سنين وتعب كتير بس لما أهلي يحتاجوني فكل حاجه تتركن علي جانب قصادهم مش هقدر أنكر وقوفهم جانبي عشان أوصل لهنا... بطلة الجمهورية للتيكاندو.. وكنت هلعب في نهائيات القارة بس قررت أنسحب لما عليا أختي الصغيرة كلمتني وقالتلي إن ماما تعبت وفي المستشفي لما عرفت إن ميسان أختي إتخانقت مع ياسين جوزها وتعبت فكان لازم أرجع عشان أكون معاهم لأن ملهمش غيري ولا ليا غيرهم إحنا الأربعة قوة لبعض وسند لبعض"
وصلت للمستشفي لقيت عليا واقفة قدام أوضة وياسين قدام التانية قربت من علياء بهدوء_عليا ماما وميسان مالهم
حضتني وبكت فمسدت علي رأسها وأنا بهمس_هشش كل شيء هيعدي
ودخلت إطمنت علي ماما وبعدين روحت اطمن علي ميسان لقيت ياسين واقف ساند علي الباب وجانبه شاب فيه ملامح منه وأول لما شافني قال بصدمة_ملاك جيتي إزاي والبطولة
قربت بغضب وأنا بحاول متهورش علي قد ما أقدر_إبعد من وشي يـ ياسين أنا حذرتك مرة واتنين المرة دي متلمش غير نفسك فاهم وبعدته بإيدي من علي الباب الأوضة بتاعت ميسان ودخلت
لقيتها صاحية أول لما شافتني إبتسمت وشاورتلي أقربلها قربت منها وقعدت جانبها ف حضنتني جامد وبعد مدة إتكلمت_أنا بحب ياسين يـ ملاك جامد وطبيعي إنه يكون فيه خلافات بين أي إتنين متجوزيين وطالما إحنا سوا بنقدر نتخطي دا مفيش واحد فينا يقدر يعيش من غير التاني مهما حصل ياسين بيحبني زي ما أنا بحبه ياسين طيب وإبن حلال مش أنا اللي هحكيلك علي ياسين يـ ملاك دا ياسين أكتر شخص بتثقي فيه بعدنا.. ياسين صديق طفولتك ي ملاك
إبتَسمت _ميهمنيش أي شخص قدامكم يـ ميسان
مسكت إيدي _طبيعي أي شيء يحصل وأنا فـ المرحلة دي أنا اللي غلطت وياسين كان من حقه يزعل بس نسيت نفسي وضغطي وطي وشوية حاجات كدا... بس أنا زعلانة علشان ماما كان ذنبها إيه تتعب لما عرفت إني تعبت أنا زعلت من نفسي جامد
رفعت حاجبي_مرحلة إيه دي.؟
إبتسمت وهي بتحط إيديها علي باطنها ضحكت _بتهزري
هزت رأسها بمعني لا
فكملت_من إمتي
ضحكت_من فترة بس إنتِ أول شخص يعرف
ضمتها جامد وبركتلها
_هي الإجازة كام يوم
رفعت حاجبي_إجازة إيه
_ملاك نزلتي إزاي.. أوعي تكوني
إبتَسمت _نتكلم ف الموضوع دا لما تقومي إن شاءلله
_ملاك
إبتَسمت وأنا شايفاه بقاله أسبوع بيحاول يكلمني عشان يقدر يأخد ميسان بيتهم تاني وأنا رافضة الموضوع _نعم
إبتسم_مش خلاص بقي
ضحكت _شكلك إتربيت يـ ياسين تقدر تأخدها بس إنتَ عارف لو دا إتكرر هيحصل إيه
_ملاك فيه واحد عايزك برا
رفعت حاجبي _واحد مين خرجت لقيته نفس الشاب اللي كان مع ياسين عند المستشفى قربت بهدوء_أهلا وسهلاً
إبتسم _ملاك رسلان
هزيت رأسي فكمل_أنا مراد الشافعي مدير نادي f c اللي حضرتك فيه
_أيوة إتفضل
إبتسم _عرفت إنك إنسحبتي من بطولة إفريقيا وإنك المرشح الأول ف مصر اللي مؤهلة إنك تفوزي بيها وعرفت إنك إنسحبتي عشان اللي حصل بين ياسين الغبي وميسان وإنها تعبت وكدا
رفعت حاجبي_وبعدين
_أنا عارف إن ياسين أخويا ممكن يخسرني شغلي بأي طريقة من طرقه الغبية
_ياسين أخوك
هز رأسه فكملت_أيوة وبعدين
_بإنسحابك النادي ممكن يخسر كتير
_وأنا قولت لنوح إن أي خسارة هتيجي بسبب إنسحابي أنا مسؤولة عنها ونوح قال كدا لمسعد
إبتسم _بس إنتِ هتلعبي البطولة
حاولت اتحكم في أعصابي_يـ كابتن مينفعش عيلتي أهم من كل شيء وبعدين البطولة المفروض تبدأ إنهاردة
إبتسم _البطولة إتأجلت لأسباب أمنية لفترة غير محددة
_نعم
إتكلم بجدية_آة واللّٰه
ماما إجت_أهلا بيك ي مراد ي حبيبي
إبتسم _أهلا بحضرتك ي طنط
عليا قربت_ملاك الواد ياسين هيأخد ميسان بجد
هزيت رأسي بـ آة
_إنتِ اللي قولتيله
ضميتها_عيلوة يـ حبيبي ياسين جوزها ومن حقه يأخدها في أي وقت بس إحنا اللي أخدنها هنا لعله يعرف غلطه اللي مغلطوش وميزعلهاش تاني وكدا
رفعت حاجبها_غلطه اللي مغلطوش إزاي
ضحكت_لأن أختك اللي بدأت الخناق يـ حبيبي
وقفت علي مسرح التكريم فـ النادي بعد البطولة وأنا حاسة برهبة.. الموضوع مش جديد علىٰ أصلاً.. أنا وقفت هنا أكتر من كام مرة وكنت طبيعية.. بس المرة دي تختلف فـ إنه موجود هنا.. وإنه قاعد فـ الصف الأول.. وإنه فضل معايا طول البطولة.. وإنه دعمني وخلاني أفوز بالبطولة.. وإنه خلاني أحبه..
مسكت المايـك وبدأت أتكلم_شعور غريب كونك إنسان ناجح وحققت كل شيء نفسك فيه.. كنت دايما بضحك لما ماما تقولي كدا بس إكتشفت إنه فعلا شعور غريب لما تبقي ناجح فـ كل شيء إنتَ بتدخله.. مثلا أنا نحجت فـ كل شيء.. بس فـ المقابل خسرت كتير وكتير. أوي.. نجحت ف مرحلة الابتدائية وفـ المقابل خسرت جدي أحد أكبر داعم ليا فـ العالم.. نجحت ف الإعدادي وخسرت أغلي شيء ف حياتي بابا .. نجحت فـ الثانوي ودخلت الجامعة اللي كان نفسي فيها وطلعت منها بدون صحاب... كنت أتمني إنهم كانوا يبقوا هنا وأحكيلهم علي إنجازاتي ويشاركوني كل شيء بس الحمد لله
... ف النهاية كل الشكر لأمي ولميسان ولعيلوة ولياسين صديقي الصدوق.. وكل الشكر لكابتن مراد إنه فضل معايا لحد أما فوزت وشكرا
خلصت الخطاب وروحنا علي المستشفى فورا لأن ميسان كانت بتولد وبعد مدة خرجت وجابت بنوتة جميلة وسميتها ماسة وولد قمر أوي وسميته فهد
كنت شايلة فهد وقاعدة علي الكرسي ومراد شايل ماسة وواقف جانبي ماما إبتَسمت _عقبال لما تتجوزوا يولاد وتخلفوا كلكم
مراد بصلي وهمس _يارب يارب.. ملاك
رفعت وشي فكمل_مش ناوية تتجوزني ونجيب تؤام إحنا كمان
رفعت حاجبي_وهو أنا اللي هتجوزك مثلا
ضحك وبص لماما_بقولك إيه يـ طنط
_نعم يـ حبيبي
_ما تجوزيني ملاك
ماما ضحكت _القرار قرارها
_هي موافقة يـ طنط سيبك منها ها
ضحكت_يبقي علي بركة اللّٰه
_ملاك لا يبقي لا
همست_علفكرة كان عاجبني يـ مراد
ضحك_يـ بتني بقي يـ بنتي
ضحكت_خلاص عايزة أقولك إني بحبك
ضحك وهو بيبوس إيدي _بحبك أكتر
#منة_محمد_أسيف💙
