- صباح الخير !
" رعشه إحتلت قلبي أول ما سمعت صوته
كنت واقفه في البلكونه بتاعتي وبسقي الزرع
ومشغله راديو وبتمايل وبدندن مع اغنيه " من حبي فيك يا جاري يا جاري من زمان
بعترف إني اتخضيت لما سمعت صوته مهو مش معقول الإنسان كل يوم يصحي يلاقي القمر دا في وشه
يسعد صباحك يا بحر
-متنسيش بقا هنروح سوا المسرح انهارده
اوكي ماشي
" من صغري بحب الكتابه اوي كان نفسي لما اكبر اكتب قصص قصيره تتعمل مسرحيه لطيفه والناس تندمج معاها وتحبها بس متوقعتش ان في يوم من الايام الحلم دا يتحقق .
انا وبحر صحاب من زمان اوي من وقت مجيت وسكنت هنا جمبه
وقتها لما حكتله عن حلمي خدني معاه المسرح وعرض كتباتي للمخرج من وقتها انا وهو قريبين جداً وكل مسرحيه جديده المخرج بيطلبنا أحنا الاتنين عشان نشتغل معاه دي بصراحه حاجه مفرحاني جدا ببساطه لآن كل حكايه بكتبها هو بيكون البطل فيها قدرنا نحقق رقم قياسي هايل خلال فتره قصيره واحنا سوا ومنكرش أنه ممثل شاطر جدا ويستحق الي وصله.
- وقفت بعيد عنهم بكام خطوه وتركيز كله معاه في كل حركاته نظرته ابتسامته وقد اي انا فخوره بيه بجد واثقه ان بعد ما المسرحيه دي تنتهي هيوصل لحاجه كبيره اوي وهيتقال عنه
" الممثل الشاب اللي قدر يحقق رقم قياسي هايل في فتره قصيره برغم صغر سنه " وهينال حب الجميع زي منا وقعت في حبه كد.
فوقت علي صوت استاذ محمد المخرج وهو بيقولي ان روح حصلها ظروف ومش هتقدر تاخد دور البطله وانهم محتاجين واحده تقدم دور دا مكانها في وسط م احنا بنفكر فمين ياخد الدور دا لقيت استاذ محمد بيقول
- محدش غيرك ي ورد هيعرف يمثل الدور دا انا واثق فيكي واثق انك قدها قدامك ربع ساعه تكوني ظبتي نفسك فيهم .
" مدنيش فرصه حتي اتكلم ال هو استني بس يا لطفيييي انت رايح فيننن انا اه طول عمري بحب امثل وبحب التمثيل بس مش لدرجه ان اطلع في وسط جمهور وناس كتير كده واقف ع مسرح وامثل انا مليش في شغل الناس الكبيره دا انا عيله صغيره بالله
- وردتي سرحانه ف اي
= بحر انت سمعت هو بيقول اي دا بيقولي اني همثل وهطلع قدام جمهور كد واكلم انا بخاف ي بحر صدقني مش هقدر
- مين قالك انك مش هتقدري !! انتي قويه اوي ي ورد واطمني انا جمبك ومعاكي متخافيش
" وجود شخص جمبك بيدعمك وقت خوفك دا احساس لطيف جدا بالله
'بحر الوحيد الي بعرف اتعامل معاه بطبيعتي بلغبطتي الوحيد اللي بياخدني من أيدي طول الوقت ويحققلي احلامي بكل رضا
في خلال ربع ساعه كنت واقفه قدامه وعيني مركزه جامد مع عيونه كان بيحاول يطمني بعيونه وحقيقي يعني العيون دي تاني اجمل حاجه تطمن الإنسان بعد الحضن
