أنا اسف جدا يا مكه بس انا مش بحبك أنا بحب واحده تانيه و اهلى هما إلى غصبونى انى اتجوزك عارف ان مكنش ينفع اقولك كدا ليلة دخلتنا بس مكنتش عايز اظلمك اكتر من كدا
اتكلمت بهدوء عكس النار الى جوايا
_6 شهور هنعيشهم سوا و بعدين نطلق
سيبته بصدمته و دخلت اول اوضه تقابلنى ببرود بس انهارت اول ما قفلت الباب
أنا مكه عندى 25 سنه المفروض النهارده فرحى على اكتر واحد حبيته فى حياتى رحيم إلى طلع عكس اسمه و كسر قلبى بلا رحمه رحيم يبقا ابن الجيران معرفتش الحب غير معاه حب طفوله و مراهقه و شباب كان بالنسبالي حلم بعيد اوى يوم ما جه هو و أهله يطلبونى أنا كنت هموت من الفرحه طول فترة الخطوبه كان كلامه قليل جدا معايا بس كنت بقول عشان لسه فى أول العلاقه أنا مش فاهمه ازاى بيقول عشان مظلمكيش...مظلمكيش و كسرة قلبى دى مش ظلم حسرتى على ليلة فرحى إلى متمتش دى مش ظلم أنه ميديش نفسه فرصه حتى يعرفنى دى مش ظلم أنه يطلقنى كمان كام شهر و اخد لقب مطلقه إلى المجتمع مش بيرحمها و يوقف حالى و حياتى قبل حتى ما تبتدى كل دا مش ظلم امال ايه الظلم بس مكنش لازم ابين قدامه كل الضعف دا أنا فعلا بحبه بس كرامتى بالدنيا و ما فيها و اموت ولا حد يشوفنى مكسوره وقفت قدام مرايتى أنا حلوه اوى مش تكبر أو غرور بس فعلا ملامحى حلوه شعرى بنى طويل و ناعم عيونى زرقا شبه البحر بيضه و خدودى حمرا ديما و جسمى مظبوط فيها ايه زياده عنى اتوضيت و صليت و فضلت اعيط و ادعى نمت تقريبا و أنا ساجده و قومت تانى يوم جسمى كله بيوجعنى افتكرت امبارح فعيطت تانى قومت غيرت فستانى يا حسرتى عليه و غسلت وشى و ظبطت نفسى كأن مفيش اى حاجه طلعت من الاوضه كان هو قاعد على الكنبه بيشرب سيجاره اول ما شافنى وقف و كان هيمشى
_صباح الخير تشرب قهوه ولا شاى
بصلى و تنح و جه ورايا المطبخ هو انتى مش زعلانه ؟!
_ازعل ليه اااه عشان امبارح بص كدا كدا احنا جواز صالونات يعنى مكنتش ميته فى هواك مثلا اينعم متضايقه من إلى حصل بس اهو حصل مش هينفع ارجع بالزمن و اغيره
ايه العقل دا كله طب مش هتقولى لاهلك؟
اتكلمت و أنا بعمل القهوه
_هيفيد بإيه هعمل مشاكل و خلاص و اهلى و اهلك طول عمرهم مع بعض مش هخسرهم أنا بعض و بعدين فرضا ثورت عليك و غضبت و اتكلمت و بعدين هطلق هطلق يبقى أطلق و أنا مش مخسراهم بعض احسن ها شاى و لا قهوه
كان واقف متفاجئ أنا عارفه انى كدابه أنا بحبه و ميته فى هواه مقولتش لاهلى فعلا مش عايزاهم يخسروا بعض بس برضو عشان أنا هاخد فرصتى يعنى هاخد فرصتى لو محبنيش خلال ال 6 شهور هرضى بالهزيمه و يتهنى هو و حبيبته اما لو حبنى يبقا أنا إلى فزت و حفظت على بيتى و حب حياتى و كمان هتأكد أنه محبهاش ماهو لو حبها استحاله يحبنى و لا حد يملى عينه غيرها فات اسبوع و نزل الشغل طول الاسبوع دا بتعامل ببرود معاه كأنه واحد عادى جه من الشغل و قعد على الكنبه إلى ديما بلاحظه قاعد عليها وقفت قدامه و أنا معايا طبق بسبوسه عاملاهاله عارفه أنه بيعشقها أنا اصلا عارفه كل تفاصيله كل حاجه عنه حفظاها عن ظهر قلب بصلى باستغراب
