"لا طبعا أحنا اخوات وأصحاب"
-------
- انا ليه معنديش اخت ؟
"ماانا موجودة اهو"
- لا انتي هتجوزك
قريت رده وقعدت اضحك علي تفاهة صديقي الصدوق ...
- نامي كويس وبلاش خوف دا مجرد امتحان
" هنام"
- متقريش روايات دلوقتي
ضحكت عشان فعلا كنت هقرا رواية
- وبلاش تأكلي دلوقتي اندومي
هو عرف منين اني هاكله ...بصيت حواليا عشان اتاكد أنه مش موجود
-انا مش حواليك بس حافظ مصايبك ... نص ساعة وهكلمك لو لقيتك صاحية هاجي اعلقك ... نامي عشان الامتحان بكرا
طبعا مسمعتش الكلام وروحت الجامعة وانا مطبقة ... هموت وانام بس خايفة اتكلم عشان عارفة هينفخني لو نطقت ... كالعادة انتظرني ورجعني البيت مع بعض ... ركبنا القطر
-نامي
"ها؟"
-عارف انك كنتي سهرانة ...اسندي علي كتفي ونامي
لبسني الكاب بتاعه وااجاكيت وسندت علي كتفه وحقيقي دا اجمد صاحب في الكون
- انتي طالعة ليه ؟
" في ايه يابني واحد صاحب بابا"
- مش ناقص استظراف دا مش مبرر طلوعك ببجامة ادخلي البسي إسدال وتاني مرة لو راجل اللي بيخبط متطلعيش
ضحكت" حاضر ياكتكوت"
------
- مين دا ؟
" دا أبن عمي يابني"
-وبيعمل ايه عندك علي الفيس
"يابني عادي أساسا هو من الناس اللطيفة "
- اقولك مين لطيفة ومتزعليش
"احم ...لا عرفت خلاص "
----
- بالادب كده تدخلي تغيري احسنلك
" يابني متأخرين "
- والله لو ماغيرتي ماهتروحي مكان
"اوف هغير اهو يارب نخلص "
- ايه رايك في الصورة دي ؟
"جامد الطقم دا عليك. ..ابقي هات الشميز اجربه مرة "
-شحاتة اوي
"حبيبي اوي "
-هو انا حبيبك ؟
" انا بقول حبيبي للكل والله يابني "
-هقطعلك لسانك قريب
ضحكت' حبيبي تسلم '
-----
" في ضيوف النهاردة لازم تيجي عندنا؟"
-خير ؟
"ناس هيخطبوا اختي وكده وتعال عشان تساعدني بدل ماانا هعمل كل حاجة لوحدي"
----
- انتي كنتي عارفة ؟
"احمد اسمعني ..."
زعق'هو سؤال واضح .... انتي كنتي عارفة أنه اخوه متقدملك '
استغربت عصبيته المبالغ فيه ... حاولت كتير أهديه بس هو كل مدي ببتعصب اكتر
" يااحمد وفيها ايه ؟"
-اطلعي ارفضيه
" لا ...مش هينفع ؟"
-ليه؟
"لاني بحبه وموافقة عليه ؟"
-بتحبيه؟....بس انا سألتك قبل كده بتحبي حد قولتي لا ؟
"مش كل حاجة بتتقال "
-طيب وحبي ليكي ... انا بحبك ياروح
"وانا بحبك جدا يااحمد بس كأخ "
كنت عايزة امسك وشه وامسح دموعه المتجمعة في عنيه ...اقوله اتكلم بدل صدمته وسكوته ...فضل واقف قدامي وبعدها مشي ... مشي ومن وقتها وهو متجاهلني ... وقتها اتاكدت أن احمد مش ييهزر وهو بيحبني بجد .... عرفت أنه هيسافر ... حاولت أكلمه كتير بس عملي بلوكات من كله ... حاولت كتير اشوفه بس معرفتش واخيرا روحتله البيت عند خالتي وقابلته وقعدنا لوحدنا طول الوقت بيتجاهلني ودا خلاني اعيط انا متعودتش علي كده ...
