أحمد بزعيق : يا ماما حرام عليكي انا بحب هدير و عايز اتقدملها
ساميه : ده اخر كلام عندي يا احمد عايزنا نشتريلك شقتك و نفرشهالك تتجوز بنت خالتك ضحي غير كده يا حبيبي اتجوز براحتك بس ابوك مش هيدفع مليم في الجوازه دي .
أحمد: يا ماما انا لسه متخرج من الكليه و مش معايا فلوس و هدير هتضيع مني .
ساميه: ما تضيع ولا تروح في داهيه و أصلا البت دي مبطقهاش ،بنت مدلعه كده ولا تقدر تشيل مسؤليه ولا تفتح بيت لكن شوف ضحي و حلاوه ضحي و بعدين ما انت و ضحي يعتبر صحاب هو انا اللي هقولك عليها.
أحمد و هو يحاول ان يتحكم بأعصابه : ايوه يا ماما بس ضحي بعتبرها اختي .
ساميه : اختك منين يعني ده كلام فارغ انت بس قرب منها و بعدين احكم ها بأه ايه اخر كلام عندك اكلم خالتك ؟
أحمد بنفاذ صبر : كلميها .
ابتعد احمد قبل ان ينفجر البركان الذي بداخله ثم ذهب لغرفته و اتصل بهدير ليخبرها بما حدث .
أحمد : يعني اعمل ايه يا هدير مكنش قدامي حل تاني .
هدير : يعني تخطب غيري و تقولي مفيش حل .
أحمد : استحاله اسيبك ، انا بس فكرت اني اخطبها و نشتري الشقه و نفرشها و لما تكون كل حاجه جاهزه افسخ الخطوبه و ساعتها أكون حطيت ابويا و امي قدام الامر الواقع .
هدير بحماس : حلوه الفكره دي، تمام موافقه .
و اثناء اتصال احمد بهدير كانت والدته قامت باتصالها هي الأخرى باختها لتحديد موعد قرايه فاتحه و خطوبه احمد و ضحي ليقع الخبر علي ضحي كعوض ربنا لها .
والده ضحي : الف مبروك يا حبيبتي .
ضحي بفرحه : الله يبارك فيكي يا ماما .
ثم دخلت غرفتها لتظهر فرحتها براحه دون عيون احد حولها أخيرا حس بيا ، أخيرا باه من نصيبي انا مش مصدقه بجد حلم سنين هيتحقق و كلها كام يوم و يبقي خطيبي ،حبي الأول و الأخير من طفولتي لحد دلوقتي مكنتش اتخيل انه يبقي لحد غيري الحمدلله يارب .
و في يوم الخطوبه كانت فرحه ضحي لا وصف لها فكانت نظرات حبها لأحمد ظاهره للجميع لا تريد سواه من الجميع لكنه قابل كل هذا الحب بنظرات من الممل و عدم الاهتمام .
ضحي بابتسامه : احمد انت كويس ؟
احمد : اه الحمدلله.
ضحي: طيب كان يهمني اسألك علي حاجه قبل ما نلبس الدبله ، هي هدير فين من حياتك دلوقتي .
احمد و هو يتوه الكلام :هدير! انتي لسه فاكره ، لا انا و هدير قطعنا كلام من زمان.
ضحي بفرحه : بجد ، احمد انا فرحانه اوي بالخطوبه بجد .
احمد: مكنتش اعرف انك بتحبيني يا ضحي .
ضحي بكسوف : احم ، يعني طبيعي متربين مع بعض و صحاب اكيد مش هقطع علاقتنا و اجي اقولك اني بحبك و انا عارفه أساسا انك كنت بتحب هدير .
