=وحشتني
_جات المسدج دي عالواتس شوفتها ولسه هرد لقيت سلمي(مراتي) بتشيل البطانية من علي وشها وبتنفخ وهي نايمة اكيد اتخنقت أصلها كده مش بتستحمل وشها يكون متغطي لفترة طويلة شعرها جه علي وشها كانت شبه البيبي البرئ اللِ ميعرفش حاجه عن قذا"رة الدنيا خدودها حمراء شبه الفراولة بجد بتسحر قلبي كل مرة بشوفهم فيها
=مش بترد ليه بقولك وحشتني
بصيت للمسدج مرة تانية دي تبقي نور زميلتي فى المكتب بقالها فترة صغيرة بقينا صحاب بحكم شغلنا اتقربنا من بعض بسرعة لدرجة أني بقيت أحكي ليها عن مشاكلي مع سلمي مشاكلنا اللِ عمر حد ماعرف عنها حاجه وده بأمر منها هي شايفة إن مشاكلنا شئ مقدس حاجه خاصة كده زي العبادة بين الشخص وربه حاجة ليها قدسيتها بس غصب عني مشاكلنا زادت وغصب عني أكتر لقتني بتشد ل نور بحكي ليها عجبني تفكيرها طريقة حلولها للمشاكل اللِ بتواجهنا وصلت مرة أني كنت متخانق مع سلمي ودار الحوار ده بينا👇
_مبقتش طايق خلاص ي نور كل يوم خناق ومشكلة أنتي متخيلة أنها مفتكرتش أن النهاردة عيد ميلادي
=بس أنا أفتكرت
وطلعت هدية عبارة عن ساعة شيك جدا كل سنة وأنت طيب
_أنتي عرفتي
=اللِ بيهتم بحد بيعرف عنه كل حاجه واي حاجه من غير ما يسأل
_بحزن كان نفسي تفتكر وتقولي كل سنة وأنت طيب
=متشلش هم أنت عارف البيت وشغله أكيد نسيت غصب عنها أمشي أنت وأنا هستأذن ليك هات هدية لمراتك وصالحها
_باستسلام اتنهد ماشي
★**********★
_في اليوم ده مشيت رغم زعلي من سلمي بس كنت محتاج فعلاً اقضى اليوم بقربها بس كان كل اللِ ف تفكيري تصرف سلمي وأد ايه هي احتوت الموقف كان كل اللِ ف دماغي إن الاهتمام ده زايد شويتين بس انا شيلت اي تفكير زيادة واقنعت نفسي أننا مجرد صحاب وده امر طبيعى لحد ما في يوم جت وأعترفت ليا بحبها وأن مشاعرها غصب عنها اتحركت ناحيتي كنت فى زهول وسكت معرفتش أرد بإيه ومعرفش أعمل ايه بس غالباً هي ترجمت سكوتي ده بقبول اللِ هي قالته
=أنت مش بترد ليه أنا هرن عليك
_قلبي وقع فى رجلي ولسه جاي اقوم لقيت سلمي اتقلبت وبقيت وشها ليا ومسكت إيدي حضنتها وحطت رأسها عليها بهدوء وإطمئنان غريب مجاش فى بالها أني ممكن أفكر ف غيرها أو أخو"نها نايمة باستسلام ولقيتها بصوت نايم وفيه بحة النوم العميق
+بحبك ي سلوي
ضحكت علي دلعها اللِ بتقوله ليا علطول وصوتها وتمسكها بيا شبه الأطفال أجبرني أني أغمض عيوني باستسلام ووأوطي أبوس رأسها رنت نور عملت الفون سيلنت بسرعة ولسه جاي أقوم لقيت سلمي شدتني ووبقيت فى حضنها
+خليك متمشيش
_بوست عيونها وقومت رديت بعصبية: فى حد يرن فى وقت زي ده
