-صباح الخير يا آدم
بحزن: صباح الخير
بخفوت: فكرت ف اللي انا وبابا قولنالك عليه
=فكرت..
-وقرارك..
=مش عارف ياروح
بحزن: مش عارف اذا كنت بتحبني ولا لا.."
مسك ايديها واتكلم بحب: انا بحبك ياروح دي حاجة مفهاش نقاش..بس..بس انا خايف..ياروح انتي مستوعبة ان حتي الاسم اللي بتندهيني بيه مش عارف اذا كان اسمي ولا لا..
-........
=مقدرش انكر فضلك وفضل والدك عليا..اللي من يوم الحادثة متخلاش عني..ومخصصلي احسن دكتور لعلاجي...بس انا عايش فعذاب ياروح..انا انسان مش فاكر أي حاجة عن حياتي..انا مين؟؟ معرفش ..جيت منين؟؟معرفش ..ازاي هتقدري تعيشي مع انسان مش عارف حقيقة نفسه..
-هقدر عشان بحبك..
=مش كفاية..تخيلي ياروح لو اتجوزنا ورجعتلي الذاكرة ولقيتني راجل متجوز..او مخلف..
-......
=او علي أقل تقدير بحب انسانة ومواعدها بالجواز..مش هقدر اظلمك واظلم نفسي..ويمكن اظلم ناس تانية..
بدموع: يعني..مفيش أمل..
=مفيش غير اني افتكر..
بصيتله بحب واتكلمت: تأكد اني هفضل جنبك لحد ماتفتكر كل حاجة..وحتي لو مكنتش ليا..هتفضل الانسان الوحيد اللي خطف قلبي..وان قرارك مش هيأثر علي شعوري أو شعور بابا من ناحيتك..
سرح في الشهرين اللي فاتوا..الشهرين اللي مش فاكر فحياته غيرهم..
لما فتح عينه كأنه طفل صغير أول مرة يشوف الدنيا..
وروح وأبوها اللي تطوعوا وتكفلوا بحالته لحد مايخف..
وروح..البنت اللي حبها بجد واللي مش متأكد من حاجة أكتر من حبه ليها..
ميقدرش يقول انه عمره ماحس احساسه معاها..لأنه فعلا مش فاكر هو حب قبل كدا ولا لا..
كل يوم بيحاول يفتكر..عقله مشوش..بقاله شهرين عايش فعذاب..
كل اللي يعرفه عن نفسه انه انساس مثقف..
شاف فمرة مجلة مكتوبة بالإيطالي وقدر يفهم اللي عليها..
ومجلة تانية انجليزي..
وقادر يستوعب ويفهم اللي حواليه بسرعة..
لكن..لكنه مش فاكر حاجة..
_______________
-ها يا آدم ايه اللي حصل
=حلمت يادكتور..
-حلمت..
=ايوا..
-حلمت بايه..
=حلمت بان الدنيا ضلمة..وانا بتحرك..مكنتش عارف رايح فين بس كنت عارف اني بتحرك..وسمعت صوتها بتندهني..كانت بتقولي ارجعلي يا آدم ومتسبنيش..
-مين هي..
=ر..روح.."
-متأكد..
=لأ..مش عارف..في حاجة جوايا كانت بتقولي انها روح..مش قادر اميز الصوت بس احساس غريب جوايا..
-امم..حلمت بايه تاني مشوش عقلك..
=دكتور..
-نعم..!
=لأ انا حلمت بدكتور
-.......
=مش قادر أميز وشه..بس احساس اني أعرفه..كنت بتكلم معاه مش بصفتي مريض ..بصفتي صديق او..او قريب..
-.......
=وبنت صغيرة
-طفلة..؟!
=تقريبا..كانت حوالي ١٠ سنين..لكن اللي لفت انتباهي انها..انها...
-انها ايه..
=انها شبههي..كانت بتضحك ضحكة حلوة..أو كانت بتعيط..بس ملامحها كانت شبههي..
-احساسك بالتلت احلام دول ايه..
=حاسس اني معرفش حد فيهم
-بالعكس انت تعرفهم..
=.......
-تعرفهم يا آدم..
=جايز
-البنت الصغيرة..تعرفها
=تقر....تقريبا..
-ممكن تكون مين..
=م....مش..مش عارف..جايز شبهها بيا يخليها بنتي..او ..انا مش قادر افتكر بالظبط..
-خلاص يا آدم كفاية كدا النهاردة..روح عشان ترتاح وانا هجيلكم ع الفطار
خرج وهو بيبص للدكتور..انا شوفتك فين قبل كدا
-نعم..!
=ها..لا..لا ولا حاجة عن اذنك يادكتور..
خرج من عنده وعقله مشوش اكتر..في احساس جواه بيربطله الأحلام دي بالمكان اللي هو فيه..أو يمكن عقله اللي بيربط..بس..بس هو ميقدرش يعتمد علي عقله..لأنه فقد كل المعلومات المتخزنة فيه..مجرد احساس بحجات غريبة..
روح..حاسسها جزء منه ومن كيانه...حاسس انه .مش قادر يميز او يحدد
والدكتور اللي حلم بيه..هو متأكد انه مكنش بيتعالج عنده..هو كان صاحبه او قريبه..بس هو مين..
والبنت..معقولة تكون بنته..الدكتور شريف أكدله ان كل اللي بيحلم بيه هو واقع حياته اللي مش فاكر عنها حاجة..ومينفعش يكون غير كدا لأنه في الفترة دي بالذات معندوش أي اهتمامات تانية تخلي عقله الباطن يصورهاله..
______________
-ها يخالو في أمل..
=أقدر اقولك انه بدأ يفتكر..
بلهفه: بجد ياخالو..عرفت ازاي..
=احلامه..
بخيبة أمل: احلامه..واحنا هنعمل بيها ايه..احنا عايزين نرجعه للواقع..
=احلامه بتشير انه بدأ يفتكر..تعرفي انه حلم ب يارا..
بصدمة: يارا..؟!!!
-والحلم اللي ميز صوتك فيه بدأ يأثر عليه..
بدموع: يعني في أمل بجد..
=بإذن الله..المهم انا عايزك تعملي اللي هطلبه منك بالحرف الواحد..
-ايه هو يخالو..
=بصي ياستي.....
________________
-ايه يا آدم مش بتاكل ليه ولا انت ملكش فقعدة الجناين..ندخل جوة..
=ها..لا..لا ياعمي باكل اهو..بس انا شبعت الحمدلله..
روح بصت لبباها وشاورتله..
-ماتقوم تتمشي انت وروح شوية يا آدم..انا عندي مكالمة هعملها واندهكم
=...........
قاموا يتمشوا ف جنينة الفيلا..آدم سرحان فكل اللي شافه..حاسس بهدوء غريب..روح مدت ايديها ومسكت ايده..
-حاسس بايه..
سكت شوية وبعدين اتكلم: حاسس اننا اتمشينا كدا قبل كدا..
ضحكت: دا أكيد احنا بنتمشي كدا كل يوم..
=..........
-عارف يا آدم..انا عمري ماتخيلت اني ممكن احب..كانت كل اهتماماتي ب بابا .. عايزة افرحه بأي شكل..وكنت فاكرة ان الحب دا هيع....
قعطت كلامها وصرخت بصوت عالي لما آدم داس علي ايديها جامد..
-اااههه...ايه يآدم فشفشت ايدي..
بصيتله لقيته مركز عند نقطة بين السور..نقطة بتبين جنينة الفيلا اللي جنبهم..
-آدم انت كويس..
بصلها بصدمة وعقد حواجبه وهو بيركز ف ملامحها جامد..
اتخضت وبصت علي المكان اللي بيبص فيه تاني..ملقتش حاجة
فجأة ملامحه لانت وابتسم ومسك ايديها وباسها..
=انا اسف..اتوترت شوية
سرحت فيه: يعني انت كويس..
ابتسم بحب: كويس أوي..
_______________
-جري ايه ياعم شريف..اكمني يعني بقالي كتير ملعبتش ف هتغلبني..
=انت هتتلكك ياحج..مانا كمان ملعبتش بقالي كتير..
كانوا قاعدين بيلعبوا شطرنج..وآدم وروح بيتفرجوا عليهم ويضحكوا علي الصداقة اللي بينهم..
فجأة آدم بص لروح وقال: تتجوزيني ياروح..
سكون نزل علي الكل.كأنهم قاعدين ف لوحة ثابتها..لوحة عنوانها الذهول..
-اييه..
ابتسم: تتجوزيني.."
-ب..بس انت قولت..
=انسي كل اللي انا قولتهولك الاسبوع اللي فات..وافتكري كل اللي قولتهولك من سنة..
اتفجرت الدموع فعنيها وهي بتمسك ايده وتشد عليها: آدم.....!!
مد ايده ومسح دموعها: ششش..شكلك فقدتي الذاكرة..انا مش قولتلك دموعك أغلي من حياتي..
-انت..انت افتكرت..
بص لأبوها وللدكتور: الفضل يرجع ل ربنا..ثم للدكتور خالك..
شريف بضحك: الحمدلله وحده يابني..
الأب بدموع: لكن افتكرت ازاي..
آدم بسرحان: كل الأحلام اللي حلمتها مكنش هيبقا ليها لازمة من غير كلام الدكتور..كان فوسط كلامه بيرميلي جمل..بتفضل متعلقة فعقلي..قدرت اربط بيها كل حاجة..
اتنهد وكمل: واحساسي..احساسي اني مرتبط بالمكان دا...بروح..بالدكتور..وبحضرتك ياعمي....
بص لروح بحب صادق وكمل: كانت الشرارة لما لمحت يارا من بين السور..عقلي استرجع فلحظة واحدة اني شوفتها قبل كدا..بس عقلي ماسترجعش الحلم..لا..استرجع الحقيقة..حقيقة ان البنت الصغيرة تبقا أختي..وكانت أول صورة اكتملت قدام عنيا هي صورتك ياروح..
بصيتله بحب وهو كمل: بدأت بعدها تتجمع كل الأحداث ف دماغي..اكتملت صورة يارا..والدكتور..وكل شخص حلمت بيه..
روح عيطت كتير من غير ماتقدر تتكلم فاتكلم آدم: بس اللي انا مش فاهمه..ف الحالات اللي زي دي..أقرب الناس للمريض صاحب الحالة بيحاولوا يفكروه بحياته..ليه عملتوا كل دا..وليه بعدتوا عني يارا..
شريف: الحقيقة انه دا كان انسب اسلوب لحالتك..وخصوصا ان حالتك كانت من النوع اللي بيعتمد علي الصدمات ف استرجاع الذاكرة..والحل الأمثل هو اننا كنا نخبي عليك حقيقة معرفتنا لشخصيتك..لأنه كان هيزود الضغط عليك..ويحمل عقلك طاقة فوق اللي بيستهلكها لاستيعاب الاشارات اللي العقل الباطن بيبعتها..
وكانت يارا زي مانت قولت هي الشرارة..كانت آخر ورقة ليا عشان اقدر ارجعلك الذاكرة..أول ماقولت انك حلمت بأشخاص انت متعرفهمش..وصلتلك حقيقة انك تعرفهم..وركزت علي يارا..وطلبت من روح انها تخليها تظهر قدامك لمدة اقل من ١٥ ثانية عشان تربط الأحداث..وقد كان..
الأب: بصراحة يارا كانت في منتهي العقل علي الرغم من صغر سنها..انا اتنبألها بمستقبل رائع..استوعبت كل حرف شريف نطقه ونفذت كل المطلوب..
آدم بتأثر: انا مش عارف اقولكم ايه علي وقفتكم جنبي..مش عارف ازاي اقدر ارد الدين دا..
روح بحب: مفيش ديون..لو كنت فضلت كدا طول العمر كنت هفضل جنبك..حتي لو هعيش عمري كله أخدمك..
=عمرك كله..!!
-عمري كله..
=وانا..بحبك وهحبك لآخر أيامي..يا أجمل من كل حياتي..
-بحبك يا آدم..
=بعشقك يا روح..
#تمت
رأيكم..🐥♥️♥️
