-القميص الساده ولا الكاروهات!
-هتطلقني إمتي!
-البنطلون الجينز الأزرق و لا الأسود
-هتطلقني إمتي ي زين!
-مين قال إني هطلقك أنا قولت لاء
المأذون قال برضو لاء
-دا اتفقنا ي زين
-خدودك هي و حمرا كدا تجنن
-غبي و مستفز و بردو هتطلقني
-نجوم السما اقربلك
-هتشوف ي زين عبدالرحمن.
-جهزتي الأكل
-ايوا ع السفره عندك كُل
-و أنتِ!
-مليش نفس.
سبته و دخلت ع الأوضه ف دخل ورايا
-انتِ عايزه تتطلقي بجد!
رفع بأيده وشي و كانت عنيا مليانه دموع-ايوا طلقني
-أنا مش عايز افرض نفسي عليكِ بس أعمل أي فقلبي إلي حبك
-مكنش لازم يحبني
-و هو حبك
-بس أنا مش بحبه و عايزه أطلق.
يمكن جرحته هو ميستاهلش مني القسوه دي كلها بس أنا مقدرش أكمل حياتي مع إبن خالتي إلي اتجوزني صالونات معرفش امتي و إزاي حبني!
او يمكن محبنيش بس بيعمل كدا عشان أهلنا أو عشان عارف إني عمري م حبيت او ارتبطت فقال و ماله مش هلاقي ف احترامها بس أنا عارفه زين ..
عارفه و عارفه كل علاقاته الي كانت قبل الجواز و يعالم لسه مستمره ولا اي
بس إزاي قادر يحط عينيه ف عينيا و بكل بساطه يقولي بحبك لاء و متمسك أوي ميعرفش إني الي ذيه ميعرفش يعني اي حب.
-حلم تعالي نتمشي شويا
-زين متحاولش أنا مستحيل اغير رأي ف موضوع الطلاق
-طيب تقدري تتحديني
-مش فاهمه قصدك أي
-يعني أديني شهر ..شهر واحد بس من غير م تجيبي ع لسانك كلمه طلاق او تنكدي عليا أو ترفضيلي طلب
-لاء طبعا مش موافقه
-خايفه لتحبيني
-هه أحب مين ي بابا روح أمشي بعيد
-لو جامده أوي كدا يبقي خايفه من أي
متجربي و دا شهر واحد بس
-لو خسرت هتطلقني من غير شوشره و تقول للعيله إني دي رغبتك أنت
-ايواا
-خلاص اتفقنا قدامك 30 يوم
-هتشوفي ف ال 30 يوم دول هقدر أوقعك إزاي
-بتضحكني جامد ع فكره.
اتفقنا إننا هنعيش مع بعض 30 يوم من غير خناق و من غير نكد و منغير كمان سيرة الطلاق..
جاب ورقة كبيره و قسمها مربعات اليوم و تحته مساحه فاضيه نكتب فيها احساسنا فيه ...
اداني واحده عشان اخبيها معايا و أخد واحده عشان يخبيها معاه و ف آخر يوم من ال 30 كل واحد فينا هيدي التاني ورقته و ع آخر إحساس هيتم الحكم..
هنكمل ولا هننفصل ..تِك ..تَك ..تُك.
-صباح الخير
-صباح النور
مش نازل شغلك ولا أي
-لاء أخدت أجازه
-احم انت تعبان ولا اي
-لاء بس عشان إتفاق إمبارح
-مش مستاهل تاخد اجازة من شغلك عشان حاجه تافهه ذي دي علفكره
-تافهه! ع العموم أنا بقعد وقت كتير ف الشغل و بكدا مش هقدر اكون معاكِ ..هو شهر واحد بس هيتحدد عليه حياه كامله..
جاله إشعار مسج ف اللحظه دي و بعدين الفون رن-عن إذنك ثواني..
معرفش أي إلي خلاني أركز معاه -هي دينا مهمه كدا عشان تقولها إنك مش هتروح الشغل !
غمزلي -دا انتِ بترمي ودانك بقي
-هاا لاء عادي يعني فضول مش أكتر
-دي زميلتي ف الشغل و كان لازم أديها خبر عشان تخلصلي موضوع الامضاء بتاع الاجازه و الشغل الفتره دي ف الشركه
بصيتله باللامبالاة -ماشي
مسكني من إيدي-رايحه فين!
سحبت إيدي من بين إيديه بلطف-احضر الفطار
اخد تاني ايديا بين ايديه-لاء إنهارده هنفطر برا
-لاء مليش مزاج أخرج
-أحلام دا اتفقنا طول الشهر دا مش هترفضي اي حاجه
-يواا بقي كدا كتير انا خلاص مش عايزه اللعبه دي
غمزلي-متخافيش اوي كدا دا قلبك بس إلي هيقع
-نجوم السما اقربلك ي زين.
