إسكريبتات💫✨️

حجر صوان ☄️

- كويس انك جيتي بدري عشان يوسف ميتعصبش

- ‏يتعصب او لا ميهمنيش.. انا جيت عشان الفرح خلص مش عشان حد

- ‏انتوا هتفضلوا طول عمركوا ناقر ونقير كدة.. المهم احكيلي بقا على العروسة.. بنات عمك بيقولولي شكلها شبه الاراجوز وفستانها وحش

‏بصيت باستغراب

- هو في عروسة وحشة يا ماما ؟!

مفيش عروسة في الدنيا ممكن تكون وحشة يا ماما.. لان ببساطة مفيش اميرة لابسة فستان ابيض طويل مميزة وسط كل اللي حواليها زي القمر وسط نجوم كتير اوي ممكن تكون وحشة ابدا مهما كانت ملامحها..
ادتني ضهرها

- هو انا اللي بقول.. دول بنات عمك اللي كانوا بيحكوا

‏- ماشي بس في بنات الميكب بتاعهم بيكون اوڤر اوي

‏- حتى لو كدة.. اهلها وعريسها والناس اللي بتحبها بتشوفها جميلة جدا عارفة ليه عشان هما بيحبوها..
‏
‏اهو كدة الحب بيعمي عين الحبيب عن اي عيب او غلط في حبيبه..

‏تلاقي الام دايما شايفة ولادها دايما أجمل حاجة في الدنيا مهما كانت ملامحهم عشان جواها حب لا نهائي ليهم...

تعرفي يا ماما العروسة مش محتاجة تبذل اي مجهود في الميكب بتاعها عشان تبان جميلة.. هي بس محتاجة تختار ناس تحبها تحضر الفرح وهما هيشوفوها أجمل من ملكات جمال الدنيا كلها

- والنبي ما في غيرك جميل يا طِعم انت يا قمر

لفيت لقيته ساند على الباب وبيبتسم

- ماما انا طالعة انام... تصبحي على خير

- ‏استني هنا.. انتِ هبلة ولا اي هتنامي قبل ما اصالحك

- ‏انا مش عاوزة حد يصالحني

- ‏كدابة ومن ورا قلبك.. تلاقيكي طول الفرح هتموتي وتاخدي الشوكولاتة اللي جبتهالك... زعلك ده بيجي عليا بخسارة خليبالك

بصتله بطرف عيني ومردتش

- طب نتكلم بالعقل.. انا قايلك كام مرة شعرك بحبه طويل وبطلي تقصيه كل شوية

- ‏كتير بس ده شعري انا وانا بحبه قصير

- ‏جمال البنت وانوثتها بشعرها وانتِ عاوزة تقصيه

- ‏ده مفهوم نسبي.. ناس كتير شعرها قصير وقمر

- ‏زيك كدة مثلا !! 💙

- متفتكرش انك هتعرف تضحك عليا زي كل مرة

- ‏لا انا اضحك عليكي واطربق الدنيا فوق دماغك كمان.. المهم تضحكي

ابتسمت ابتسامة خفيفة

- اهي ضحكت يعني قلبها مال

- ‏ما هي دي المشكلة انه مال اووي