إسكريبتات💫✨️

حب تحت التهديد🙈

-ي مُرك ي نعمه ف بِتك حَبيتي الباشمهندس ي بت
عيوني لمعت بالدموع وبصيت ف الارض
-مبترديش ليه باينك اتخبلتي ف مخك ي بنت بطني ونسيتي نفسك
=ي أما أنا مغلطش ومحدش له سلطان على قلبه
خبطت ع رجليها بحزن -اني اللي غلطانه اني وقفت ادام ابوكي عشان يعلمك ويخليكي معاكي شهاده
=ي أما أنا ..
-وزين ابن عمك نسيتي انه خاطبك من وانتي ف اللفه
اتكلمت بصوت عالي ممزوج بالعياط =ي أما أنا مش موافقه ومش قبلاه دا هيبقي جوزى ي نااااااس لازم ابقي متقبلاه
حركت دماغها بيأس و قامت وسبتني بعيط
اترميت ع السرير وانا بعيط حسيت بايد بتطبطب ع كتفي بالراحه فتحت عيوني لقيت فرحه بنت عمتي
^بتبكي ليه ي الاء
اترميت ف حضنها وانا بحكيلها =امي عاوزاني اوافق ع زين ابن عمي ي فرحه واما حكيتلها عن ليل زعقتلي
^يعني انتي كنتي بتدرسي ف القاهره 4سنين عمرك ماجبتي سيرة واحد ودا اللي عجبك دا انتي شفتيه ف فرح ف بلدنا !!!؟
=زى ماكون كنت بدور ع حاجه ولقيتها غصب عني وقعت
^والله لو مكنتيش صحبتي من واحنا عيال كنت قولت انتي حبتيه عشان باشمهندس وله قيمه وسط الناس
=انا معرفتش أنه مهندس غير بعد ما قلبي دق له ولو هو اي كنت هحبه برضه
^بلاش تعلقي نفسك بحبال دايبه وتقعي
=جوايا حاجه بتقولي أنه بيحبني رغم انه مبصش عليا اصلا أما شوفته
^طب وزين؟
=زين انا مستحيل اتجوزه ف اي حال من الأحوال
ردت باندفاع ^هو زين عفش ولا اي دا زين الرجال ومفيش ف أخلاقه وشهامته و.
اتعدلت ف جلستي وانا ببصلها = واي كمان ي فرحه انتي بتحبي زين؟
اتوترت وبصت ف الارض^اي اللي بتقوليه دا زين ابن خالي وبس
رفعت وشها ليا =بتخبي عليا ي بت
دموعها نزلت ^واي الفايده من حبى له وهو بيحبك انت
هزيت راسي ب لا=مفيش الكلام دا زين مبيحبنيش هو متمسك بس بتقاليد العيله مش اكتر لكن انا متاكده أنه هيحبك انت بس ورينا شطارتك وغمزتلها
^بس ي الاء اي اللي بتقوليه دا انا ماشيه
سبتني ومشيت وانا ضحكت وسط زعلي محدش بيختار اللي بيحبه
=ي امي ي ست الكل
بصتلي ومردتش وكملت تخريط الملوخيه
=انا اسفه اني صوتي كان عالي عليك بس والله انا اتنرفز ت
مردتش برضه
=طب هاتي اخرط انا الملوخيه ي ستي عشان ترضي عني
هو انا مش باينه اوى كدا نمت ع رجليها ودموعي نزلت ي امي انا حكيتلك حاجه جوايا بس لكن هعمل كل اللي انتي عايزاه وحياتك عندى حقك عليا
مسحت بايدها ع راسي بحنيه وباست راسي
قومت من ع رجلها = طب ينفع تستأذني الحج اروح اجيب الورق بتاعي من الكليه
-يعني عامله كل دا عشان مصلحه
ضحكت وبصتلها ببراءه =ابدا والله ي ست الكل انا مقدرش ع زعلك
حضنتني وابتسمت
تاني يوم خرجت بدرى وركبت القطر للقاهره قعدت ع الكرسي وطلعت الفون اقرأ الاذكار وجت ناس قعدت جمبي بس فضلت مركزه ف الفون
°التذكره ي انسه
مديت ايدى ف الشنطه ملقتش التذكره بصيت ف الشنطه تاني بتركيز ملقتش حاجه
°فين التذكره ي انسه انا هفضل واقف كدا؟؟؟!
=ماتستني ي عم مش لاقياها
°اااه خلاص اتفضلي ادفعي الغرامه
دورت ع حافظة الفلوس وبعدين بصتله بخوف=مهو مهو تقريبا كدا انا اتسرقت مش لاقيه الفلوس
بصلي بسخريه °اااه حتي البنات بقوا كدا دا انتي ...
صوت قاطعه *لو سمحت متغلطش انا هدفعلها
بصتله لقيته ليل شهم عليا الطلاج شهم وتوب الرجوله معمول عموله
ابتسمت =شكراجدا ليك
هز رأسه ببتسامه وسبني وراح قعد ع كرسيه
كايزما وشهامه وي نهار انا هروح الجامعه اذاى مسكت الشنطه تاني ادور فيها ع اي فلوس انا غبيه واتقلبت كمان كلمت هاجر صحبتي عشان تقابلني تديني فلوس بس مردتش
الوقت عدا وانا مش لاقيه حل بس thanks God ليل كان قاعد ادامي ف تحس ان مفيش مشكله ولا حاجه
نزلنا من القطر وانا واقفه ابص حوليا بقلة حيله وعيني هتدمع خلاص وقت سمعت حمحمه بصوت قوى التفت
*محتاجه اي مساعده
ابتسمت أنه عرفني وياااه حبه جنه و...
*انتي من بلدنا صح ؟!
ياريتك مانطقت دا بيشبه بس
=احم ايوا بنت الحج عبدالمقصود هاشم
*معقول دا صديق والدى جدا
=اه مانا عارفه
*انتي عرفاني؟
استوعبت اللي انا قولته عضيت ع شفايفي باحراج
=لا قصدى يعني ..
ابتسم *خلاص مفيش حاجه
وطلع من جيبه فلوس
*ممكن تخلي دول معاكي
بصتله باحراج
*احنا ولاد بلد واحده وانا زى اخوكي
هزيت راسي واخدتهم وشكرته ومشيت انا بكلم نفسي زى العبيطه انا يقولي زى اخوكي نينيني لا انا هتجوزك ملكش دعوه فجأة واحد خبط ف كتفي وهو معدى
بصتله بغيظ ولسا هنطق
لقيت ليل مسكه من كتفه *بعد كدا تخلي بالك بدل ما نقطع كتفك دا شكلك مش محتاجه
الله بيغير..، بيغير عليا
الشاب مشي وهو قرب مني بغيظ *ابقي ركزى وانتي ماشيه
=انا بس ..
*اتفضلي انا هوصلك
مشينا وحقيقي كانت احلي لحظات وصلني الجامعه وروحت جبت الورق وكان اخف والطف يوم مر عليا كل حاجه كنت حساها بسيطه حتي والجو حر والناس زحمه حاسه براحه ف قلبي روحت البيت
ابتسمت أما لقيت والدى =السلام عليكم ي حج وحشني ي ..
قاطعني بقلم ع وشي وقعت علي الارض من قوته
~هي دى اخرة تربيتي فيكي وتعليمي ليكي
عيطت وشهقاتي كانت بتعلي
~شوفتي ليل ابن الزناتي فين واي بينكم
=والله ي ابويا ماعملت حاجه انا ...
امي جت شدتني من ايدى ع اوضتي وانا بعيط
بعياط =والله ي امي معملت حاجه
-مش هو دا اللي انت قولتي انك حبتيه ي خيبة املي فيكي
=ي أما اسمعيني
-اسمع اي!! عليا بنت النجعاوى دايره ف البلد تقول انها شفتكم ف مصر ف المحطه واقفين سوا ،ي سوادك ي نعمه
عيطت ونمت مكاني
تاني يوم لقيت ليل ووالده جايين عندنا هديت شويه بعدها سمعت دوشه وخناقه
~طلبك مرفوض انا محدش يلوى دراعي
*ي عمي ما عاش اللي يلوى دراعك انا روحت ل بنت النجعاوى وعرفتهم مقامهم وان بنتك اشرف بنت ف البلد
~انا مش محتاج كلامك كفايا اللي الناس قالوه
*طب اسالها يمكن توافق عليا
~خد ولدك وامشي ي حج حسين انا بنتي مش ليه
عيطت وانا بسمع كلامهم ومفيش ف ايدى حاجه
بعد العشاء
زين ابن عمي جه عندنا وطلب من والدى يقعد معايا
=زين انا عارفه انت جاي ليه بسبب الكلام اللي اتقال و..
¢ششش بتقولي اي انتي، انا زين ي الاء ابن عمك وعارفك اكتر من اي حد وعمرى ما اصدق عليكي اي حاجه عفشه
=شكرا ي زين
¢ ع اي ي بنت عمي ،انا جاي اقولك اني مسافر وقبل مااسافر عايز اسالك انتي رايده خطوبتنا ولالا؟!
اخدت نفس وبعدها بصتله =زين انت ابن عمي واخويا وانا ..
¢ماشي ي ستي وانا عمرى ماهاغصبك ع حاجه اللي تشوفيه
ابتسمت =ربنا يرزقك بالافضل وتكون بتحبك وتسعدك
ابتسم ¢امين يارب ويرزقك انتي كمان بالافضل
مشي من عندنا وفرحه جاتلي
بدموع ^زين خلاص هيسافر ي الاء
طبطبت عليها انا مش عارفه اوسيها ولا اواسي نفسي
=طب أهدى بس ي فرحه
شهقاتها بتعلي ^دى طلته علينا اللي كل شهر مره هي اللي مهونه عليا حياتي
فضلنا نعيط احنا الاتنين وبعدها هي روحت وانا دخلت اتوضيت وصليت ركعتين بعدها سمعت صوت ف بلكونه اوضتي ف فتحت بحذر لقيته ليل
=اي اللي جابك هنا؟
*جيت اعتذرلك ع اللي حصل بسببي
بصيت حوليا بخوف=انت بتهزر انت مش خايف حد يشوفك نروح ف داهيه اكتر
*الاء انا عاوز اتجوزك وابوكي مش موافق وناوى يقوم البلد كلها عليا
بصيت بعيد =وانا ف ايدى اي اعمله ؟!
=كلمه منك لو ريداني هحارب عشانك لو لا يبقي هبعد ومش هتشوفيني تاني
قلب فرح وابتسمت وبصيت للسما القمر كان بدر وضوئه كان جاي ع ملامح ليل لحظه بصيتله وبصيت ف الارض تاني
ضحك * يبقي هحارب عشانك ي نبض قلبي
بصتله ومردتش نزل من البلكونه زى ماجه فضلت متبعاه قبل مايختفي بصلي *ع فكرا انا بحبك من 3سنين ي قاضية المهندس
بعدها اختفي وانا دخلت الاوضه وقفلت البلكونه وانا ببتسم وبغمض عيني مش مصدقه
عدا اسبوع من غير جديد وابويا مبيكلمنيش خالص وف ليله سمعت خبط ف البلكونه فتحت لقيته ليل
قرب وهو بينهج *الاء مفيش وقت احنا لازم نهرب
=اي اللي بتقوله دا
=انهارده روحت لابوكي عشان اطلبك تاني منه وقولتله اني بحبك اتعصب وحلف يقتلني انا وانتي
قعدت ف الارض وعيطت =لا ابويا ميعملش كدا
*الاء مفيش وقت احنا لازم نمشي
=هتفوت اهلك وناسك ي ليل
مسك ايديا *انا من اللحظه دى مش عايز غيرك يلا بينا
=طب ..
*اي تاني
=هتتجوزني؟
*اول ما ننزل القاهره هنروح للماذون علطول
بصيت ف الارض وابتسمت
*يلا ي الاء ادخلي البسي عبايه سمرا بسرعه
نزلنا من البلكونه ع سلم وانا كنت خايفه بس هو كان ماسك ايدى ونزل قبلي ونزلني اخر خطوتين ف السلم
بصوت هادى *يلا
=انا عمرى ماهنسي خوفك عليا وتضحيتك بكل حاجه عشاني
*عيب بقا انتي كلها ساعتين وتبقي مراتي
مسك ايدى ومشينا من طريق بعيد وطول الطريق شريط حياتي بيفكرني بمواقفي مع اهلي
فلاش باگ من 15سنه
مسح ع راسي بحنيه ~عارفه ي الاء نفسي تبقي محاميه كبيره اوى
ضحكت =ان شاء الله ي ابوي
دموعي نزلت أما افتكرت يوم التخرج أما ابويا وامي اتاخروا عقبال ماحضروا وابويا صمم أنه يجي رغم أنه مابيحبش السفر عشان بس يقف معاياوكلمته رنت في ودني ~ معنديش اعز منك اتعب عشانه ي اعز من عيني
عيطت بصوت وسيبت ايد ليل وانا حاطه ايدى ع عيني
ليل وقف *في اي ي الاء
مسحت دموعي=انا مش هسيب اهلي ي ليل حتي لو كانوا هيموتوني أهون عليا احسن ما يقولوا اني طفشت منهم
بصلي بصدمه *الاء انتي بتقولي اي احنا قربنا ع المحطه خلاص
جه يمسك ايدى بعدت ايدى =لا انا مش هسيبهم انا اسفه انا ماشيه
*الاء انت كدا بتخسريني
=اي لحظه عشناها مكنتش من حقنا وانا مينفعش اكسر اهلي
جريت وسيبته وموقفتش غير ادام البيت وانا باخد نفسي بسرعه فتحت الباب بالراحه وقفلته وقتها الانوار كلها نورت ولقيت ابويا ف وشي
بصلي بلوم ~كنتي عاوزه تسيبينا وتروحيله ي الاء
عيطت ومسكت أيده بوستها =حقك عليا والله انامقدرتش
~معتش له لزوم الكلام
وقتها الباب خبط وابويا فتح ولقاه ليل
*انا جايلك ي عمي وبطلب منك الاء برضاك
~زين ابن عمها جاي حالا وهيكتب عليها اظن كدا هتبقي ف عصمة راجل وملكش انك تطلبها تاني
ليل بصلي بلوم اني مسمعتش كلامه ومشينا *تمام ي عمي ردك وصل مبروك وربنا يتمم بخير
وسبنا ومشي
... كدا ي قلبي ي حته مني ي كل حاجه حلوة فيا ...كدا هتمشي وتسبني وحدى ف الحياه والدنيا ديااااااا....💔
قلبي كان بيبكي وهو ماشي بعد نص ساعه زين وصل
¢السلام عليكم
~فين ي زين المأذون اللي قولتلك تجيبه وانت جاي
¢انا جاي اتكلم معاك الاول وبعدين هجيب المأذون
~مفيش كلام هي كدا كدا الاء ليك خلينا نخلص
¢طب وانت ترضي تجوز اتنين مش شايفين بعض غير اخوات ي عمي
ابويا بصله ومردش
¢قولي ي حج ي اللي بتحكم بين الناس بالعدل مش عايز تنصف بنتك الوحيده ف اللي اختارته ليه
اتنهد بزعل ~تقاليدنا إكده واتربينا ع إكدا
¢التقاليد مش قرءان ي عمي والرسول قال ( صلى الله عليه وسلم): (لم نر للمتحابين غير النكاح) اخرجه ابن ماجه والحاكم والشرع أكد ناخد رأي العروسه ولا اي ي الاء
رديت بدموع = وانا كنت موافقه ع ليل ي ابويا
وسبتهم ودخلت اوضتي
..يعني اي يعني خلاص انا مش هشوفك تاني ..💔
عدت ايام وليال وانا بعيط ومش عارفه مين غلط ف حق التاني بعد شهر
^الاء باركيلي زين اتقدملي امبارح
بصتلها والدموع بتنزل من عيني =مبارك ي فرحه
^انا اسفه ي الاء والله من فرحتي بس انا مش قصدى ازعلك
حضنتها =ولا يهمك ربنا يسعدكم
^ انا مش مصدقه ربنا كبير اوى ي الاء دعوات السنين غيرت القدر وربنا كرمني ب زين
=هو اللي محظوظ بيك ي فرحتي
بصيت لفرحه وعيونها اللي بتلمع وضحكتها وبصيت عليا ف المرايه وشكلي البهتان يارب صبر قلبي من اخر مره ليل كان عندنا مشوفتوش تاني وانقطعت أخباره عني
عدت ايام اكتر وابويا بيبصلي ومش عارف يقولي اي ولا انا عندى كلام جه فرح زين وفرحه
وكان كتب الكتاب ف المسجد جمب بيتنا وفرحه كانت معايا وبنسمع وأجواء حبيتها اوى ونسيت زعلي گأنها فرحتي انا بعد ما المأذون خلص والكل كان هيمشي سمعنا صوت ف الميك
*انا اسف بس شكل الحج مش هيوافق ع جوازى من بنته غير أما اشهد عليه الناس كلها
سمعنا ضحك من اللي قاعدين
*الله يباركلك ي حج عبدالمقصود جوزهالي ماتقولوا حاجه ي جدعان
سمعنا المأذون بيقول يالا خلو الفرحه فرحتين كل الناس وافقت وفرحه حضنتني وانا لسا مش مستوعبه هو اللي حصل دا بجد
المأذون بدأ كتب كتابي انا وليل وبيقول ل ابويا :قول ورايا ي حج زوجتُك ابنتي الاء عبدالمقصود البكر الرشيد
سكت شويه وصوته طلع ممزوج بالعياط ~زوجتُك اعز من عيني الاء
وقتها انا كمان عيطت وتقريبا كل اللي موجودين عيطوا
...ولا تعجبن كيف يغير الله الأقدار لأجلك... فلا تيأس ⁦❤️⁩
وجه يوم فرحي انا وليل
في الكوافير
^ي بنتي الله يهديكي اطلعي بقا الناس مستنيه تحت بقالهم ساعه
=لا مش طالعه دا ليل طلع احلي مني. لا مش هينفع
ضحكت ^ والميك اب والفستان وكل التكات دى
=لا انا مش هتجوزه. مش هينفع هيقولوا دا احلي منها والحب مش بالشكل لا قوليلهم انا مش موافقه
^الله يهديكي تعالي نطلع
دبدبت ف الارض =قولتلك لالا مش طالعه
وقتها خبط ع الباب ودخل ليل قومت وعطيته ضهرى
^تعالي شوف صرفه مع الاء عشان انا تعبت
ضحك *ماشي اطلعي انتي ي فرحه
كل مايقرب انا الف الناحيه التانيه
*ضحك *وبعدين بقا اثبتي كدا عشان اشوف مين احلي
=ايوا ي خويا ما نت اتظبط وبقيت احلي مني مش هتجوز ك
*خلاص اروح اشوف الاحلي بقا
لفيت بغيظ=تشوف مين ها ؟؟!دا انت ليلتك سودا
* مهي لو بقت سودا هتنوريها بجمالك وغمزلي
وبعدين هو في احلي منك ي روحي
ابتسمت =يعني شكلي حلو
*احلي من الحلا أميرتي
مابين كل هذا القلق ..كان التفكير بگ اطمئنان⁦❤️⁩

تمت#⁦♥️⁩
بقلمي R.H♥️
حب تحت التهديد #🔫📐
راااايكووووواا😍😍