_أنا الصراحة مش عارفه ازاى مراتك مستحملة أنها تعيش مع واحد بعين واحدة بجد أكيد بتشوف نصها بس مش كده لتختم كلامها بضحكة سخيفة
=هاااااهااا بجد دمك ماشاء الله شربات وبعدين مين قالك أن عنده عين واحدة أدى واحد شاروت على عينه وأدى اتنين وأدى التالته يعنى بيشوفنى مضروبة فى 3 مش زيك مبيشوفكيش اصلا زى مامحدش فينا شايفك
اتنرفزت طبعاً والدم ضرب فى نفوخها وجات تخرج وقفتها تانى
=واه والنبى ياعسل متبقيش تحزقى وأنتى بتهزرى او بترمى ايفيه تانى أصل الصراحه الحزق على اللى فى سنك وحش ربنا يكفيكى شره
ضحك كل اللى كانوا قاعدين وسابهم مازن وخرج طلع شقته
=طب ياجماعة دائماً مبسوطين هطلع انا بقى لجوزى أصله ميقدرش يقعد ثانية فى الشقة من غيرى
سابتهم وخرجت وخرجت وراها حماتها
_سلمى
=نعم يا مرات عمى فيه حاجه
_حاولى تطيبي خاطره بكلمتين يابنتى
=بنغزة فى قلبها حاضر ولو أن جرح الحبيب ميطبش غير منه بس هحاول
_مالوش حبايب غيرك انت مراته
=وهى حبيبته هى اللى مترددش ثانية يبين عجزه قدامها ويعرى ضعفه ليها مش انا
_انتى اللى بيته مقفول عليكى والست تقدر تعمل المستحيل حاربى عشانه
=ليه ليه مطلوب من الست أنها تحارب عشان واحد مش بيحس بيها ولا شايفها أصلا وبعدين مفيش كلنا عارفين نهاية الجوازة دى ايه عن إذنك
سابتها وطلعت الشقة لقت مالا يسر عيناها بالمرة مازن نازل تكسير فى كل حاجه بتقابله وأول ماشافها كان زى الأسد اللى لقى فريسته وهجم فوراً عليها
_عاوزة منى ايه هاااا كان قصدك ايه باللى عملتيه تحت
=دب الرعب جواها ولكنها حاولت تتكلم بثبات عملت ايه رديت كرامتك وحافظت عليها مش شايفة أنى عملت حاجه غلط يعنى
_بعصبية زى ماردتيها من شهرين مش كده
=اسمع اللى عملته معاك كان جبران خاطر ليك عشان عمى ومراته اللى ربونى مش أكتر وأنا وأنت عارفين ده كويس وأنت من أول يوم وأنت محدد التمثيلية دى هتخلص امتى يبقى لزمتها ايه عمايلك دى
_هى بتحرجنى فى كل قاعدة وبتبقى قاصدة وأنت بتكسرينى أنا عمرى ماحبيتك عمرى ماشفتك أصلا
=بعدت ايده اللى مسكها عنها بعنف وأنت من امتى كنت بتشوف أبعد عنى يأخى بقى
وجات تتحرك داست على الازاز اللى مكسور على الأرض بقوتها برجليها الاتنين
=اهااااااااا
_التفت ليها بصدمة سلمممى وشالها بقلق حقيقى حست هى أنه مصطنع زى حياتهم بالظبط دخل بيها الاوضة جه يحط أيده على رجلها
