ပြုံးရောင်ဟပ်မျက်ဝန်း (Unicode)

ပြုံး​ရောင်​ဟပ်​မျက်​ဝန်​း ၇

Smile reflection eye (p 7)
(ပြုံး​ရောင်​ဟပ်​မျက်​ဝန်​း)

''နေပါဦး kit ရယ် နင့်ကို ဘယ်သူစောင့်နေလို့လဲ အဲလောက်လောနေတာ''

''မဟုတ်ပါဘူး''

သူပြောမှ ကျွန်တော်လည်း ပြန်စဉ်းစားနေမိသည်။ ကျွန်တော့်ကို စောင့်တာ မဟုတ်ပေမဲ့ သူ့ကို တွေ့ချင်ရုံနဲ့ လောနေသည်။ ငါ ဘာလို့ သူ့ကို တွေ့ချင်နေတာလဲ ငါနဲ့လည်း ဘာမှ မဟုတ်ပဲနဲ့ သူ သူ့ nong ကို မနေ့ကလာစောင့်တာဆိုတော့ ဒီနေ့လည်း လာစောင့် မစောင့်ဆိုတာကို စပ်စုချင်တာနဲ့ စိတ်လောသွားခြင်းဖြစ်သည်။

ကျွန်တော်လည်း ဘာမှ မပြောပဲ ရပ်စောင့်နေလိုက်သည်။ သိပ်မကြာပါ ကျွန်တော်တို့ ထွက်လာတော့ အဆောင်ရှေ့တွင်သူ့ကို မတွေ့ပါ ဒါနဲ့ ကျွန်တော်တို့ ဆက်လျှောက်လာပီး ကျောင်းထွက်ပေါက်ကို ကြည့်လိုက်တော့ ခပ်ဝေးဝေးမှာ သူတို့ ညီအစ်ကို နှစ်ယောက် လမ်းလျှောက်သွားတာတွေ့လိုက်သည်။ ကျွန်တော်တို့လည်း အေးအေးဆေးဆေးလျှောက်လာခဲ့ကြသည်။ သူတို့ကို အနောက်ကနေသာ ကြည့်နေမိသည်။

သူတို့လည်း ကျောင်းအပြင်လောက်ရောက်တော့ ခဏရပ်နေပီး အငှားကားလာတာနဲ့ ကားငှားပီးထွက်သွားကြသည်။
ကျွန်တော်တို့လည်း အိမ်ပြန်ခဲ့ကြသည်။ အိမ်ရောက်တော့ ရေချိုး ဝတ်ဆင်ပီး စာထိုင်လုပ်နေလိုက်သည်။

ခဏနေတော့ mom က ထမင်းပြင်ပေး၍ mom နဲ့ ထမင်းစားလိုက်သည်။ par က သငေ်္ဘာတက်နေ၍ အိမ်တွင်မရှိပေ။ နှစ်နှစ်နေမှ တစ်ခါ ပြန်လာတတ်သည်။ ပြန်လာရင်လည်း ၆ လလောက် တစ်နှစ်လောက်နေပီး ပြန်တတ်လေ့ရှိသည်။ အိမ်တွင် mom နဲ့ ကျွန်တော် နှစ်ယောက်သာရှိသည်။ တစ်ခါ တစ်ခါ mom ရဲ့ ညီမက လာနေပေးသည်။ ကျွန်တော်လည်း ထမင်းစားပီး အခန်းထဲတွင် စာလုပ်နေလိုက်သည်။ အတန်ကြာလို့ စာလုပ်ပီးတော့ ကုတင်တွင်လှဲက ဂိမ်းဆော့နေလိုက်သည်။ ကျွန်တော် ဆော့နေရင်းနဲ့ p'sing နဲ့ တိုက်မိတာကို ပြန်စဉ်းစားပီး ပြုံးလိုက်မိသည်။

လျှပ်တပြက် ဝင်တိုက်မိတော့ လန့်ပီး ပြူးသွားတဲ့ မျက်လုံးလေးကို ပြန်မြင်ယောင်နေသည်။ ကိုရီးယားစကားနဲ့ တောင်းပန်လိုက်တော့ ဘာမှ မပြောပဲ နှုတ်ခမ်းလေးတက်ရုံ ပြုံးလိုက်တာကို တွေ့လိုက်ရသည်။ သူ ကျွန်တော့်ကို ကိုရီးယားရူးလို့ ထင်နေလောက်ပီ။ ထင်လည်း ထင်ကွာ။