Black Memory(U+Z)(Completed )

Part-3

Unicode

မျက်စိအစား​​ကျွေး ရလောက်အောင် ချောမောသူ မရှိပဲ အဆီပြန်နေသော မျက်နှာတွေဖြင့် ကနေသည့် လူတွေကို ကြည့်ရင်း
ခေါင်းမူးချင်သလိုဖြစ်လာတာမို့ တစ်စွန်းတစ်စက်တောင်မကျန်တော့တဲ့ ဘီယာပုလင်းက်ို စားပွဲပေါ်ပြန်တင်ထားလိုက်ပြီး နေရာမှထွက်ခဲ့သည်။ မှတ်မှတ်ရရအနေဖြင့် နှိုင်းသုတလျှံ
ဆိုသည့်လူ ပေးထားသည့် ဖျော်ရည်ဘူးကို အိတ်ကပ်ထဲ ကောက်ထည့်လိုက်သေးသည်။ အရပ်ခြောက်ပေကျော် အမျိုးသား
တစ်ယောက်၏ ရှိရင်းစွဲအသက်ထက် အနည်းငယ် ရင့်သည့် ပုံပေါ်သော ခေါင်လေးသည် ခပ်မိုက်မိုက် အသွင် သဏ္ဌာန်ကိုဆောင်ထား၏။

ခြေလှမ်းတို့မှာ ဘယ်သူမှ ဂရုမစိုက်ဟန်ပြည့်နက်နေလျက် သီးသန့်နေတတ်သူတစ်ဦးနှယ် ရှိပါသည်။ သို့သော်လည်း ခေါင်လေးသည် အပြင်ထွက်ရန် counter ဘက်ကို
အထွက် မျက်လုံးထဲ ကန့်လန့်ဖြတ် ဝင်လာသော ရင်နှီးသူကြောင့် ဖြောင့်တန်းပြီး
ခပ်ထူထူဖြင့်ထင်ရှားနေသော မျက်ခုံးတန်းနှစ်ခုက အလိုမကျစွာ တွန့်ချိုးသွားသည်။

ပြောက်လက်နေသော အနက်ရောင်
ဘောင်ဘီအတိုနှင့် ခါး ပေါ်ရင်ပြတ် အကျီကို ဝတ်ထားသောနွေး သည် လားရှိုး မြို့၏
ဆောင်းဦးကို လှောင်ပြောင်နေသယောင် ။
ပုရိသတို့မျက်စိဖြင့်အသာငမ်းငမ်းကြည့်ခြင်းကို ဖိတ်ခေါ်နေသော ဝတ်စားဆင်ယင်မူကြောင့် ခေါင်လေးခြေလှမ်းတွေဟာ နွေးဆီလျင်မြန်စွာ ရောက်ရှိသွားလျက် ...

"နွေးနွေး ဘယ်သူနဲ့လာတာလဲ"

ရှေ့တည့်တည့်ရပ်ကာ ရုတ်တရက်ကြီး ခပ်တည်တည်မျက်နှာထားနှင့်မေးတာကြောင့် နွေးအံ့သြ သွားပုံရကာ သူမ သူငယ်ချင်းများ၏ အကြည့်တွေကလည်း ခေါင်လေးဆီသို့ ကျရောက်လာ၏။ နွေး၏ သူငယ်ချင်းများကို ခေါင်လေးသည် ဂရုမစိုက်စွာပဲအကဲခတ်ရင်း ပြန်ကြည့်တော့ ကောင်လေးက ငါးယောက်ကောင်မလေးက နွေးနဲ့နောက်တစ်ယောက်သာ ပါသည်။

ကောင်လေးတွေသည် တက္ကသိုလ် တတ်နေသည့်အရွယ်တွေ မို့ ခေါင်လေးတို့နှင့်အသက်ကွာသည့်ပုံမပေါ်။ သို့ပါသော်ငြား အရက်သမားရုပ်တွေပေါက်လျက် စိတ်ချယုံကြည်ရသူတစ်ယောက်မှမပါပေ။ ခေါင်လေးသည်
မလုံမခြုံဖြစ်နေသည့်နွေးကိုကြည့်ရင်း
စိတ်မသက်မသာဖြစ်ကာ အပေါ်ထပ်
ဂျာကင်ကိုချွတ်လျက် နွေးထံ ကမ်းပေးလိုက်၏။