Black Memory(U+Z)(Completed )

Part-58

Unicode

နွေးသည် ခေါင်လေးနှင့် ဖုန်းပြောပြီး၍ အထဲပြန်ဝင်လာသော အခါ မေကြီးကိုမတွေ့ရတော့သဖြင့်.. ဝန်ထမ်းကောင်မလေးကိုမေးလိုက်၏။

"မေကြီး ဘယ်ရောက်သွားတာလဲ"

"ပြန်သွားပြီ မမ"

"ဟုတ်လား "

"ဟုတ်တယ် မမ ခုလေးတင်ပဲ သွားခဲ့တာ"

"အော်!"

သူမအသံက တစ်ဝက်တပျက်။ အမေကြီးလည်း အမှန်တရားကို ကြားရဖို့ ကြောက်နေမှာပဲ လို့ အတွေးဝင်ပြီး ခေါင်လေးကို ပြောရမလားလို့ စိတ်ကူးမိသေးသည်။သို့သော် မိသားစု အတွင်းရေကိစ္စတွေအထိ လိုက်မစွက်ဖက် သင့်ပါဘူးလေဟုပဲ ဆုံးဖြတ်ကာ counterမှာပင် ပြန်ထိုင်လိုက်စဉ် ပါဆယ်ဘူးလေးတစ်ခုကို တွေ့လိုက် ရသဖြင့် သူမပြုံးလိုက်မိပါသည်။

လမင်း တစ်ယောက် လာရှိုး ပြန်သွားပြီးကတည်​းကသူမဆီ နေ့တိုင်း စာပို့နေပါ၏။Romantic ဆန်ဆန်ရည်းစားစာတွေပို့နေခြင်း မဟုတ်ပါပဲ သူ့အကြောင်းတွေကို တစ်ရက်ပြီးတစ်ရက် ပိုတွေးလာနိုင်စေရန်ဟုဆိုသည့် သူ့ ရည်ရွယ်ချက် က ကြီးမားလှသည်။ အင်... ဒီကောင်လေး လည်း နဲနဲတော့ အူကြောင်ကြောင်နိုင်သည် ဆိုသော်ငြား
စာရောက်လာတိုင်း သူမ မဖွင့်ဖတ်ပဲ မနေနိုင်ခဲ့ပါလေ။

"ကောင်းသောနေ့ပါ နွေး။ ဘယ်သူမှမရှိပဲ အလုပ်တွေ လုပ်နေရတော့ ပင်ပမ်းတယ်ဟ ။ အလုပ်သမားတွေက တစ်မျိုး customer တွေက တစ်မျိုး သောင်းကျန်နေကြ
တယ်။ငါအခု မနက်လား ညလားတောင်မခွဲတတ်တော့ဘူး ကိုနှိုင်းလည်း ငဘုန်းနားပဲကပ်နေတာ ပြန်လာဖို့အစီအစဉ် မရှိဘူးလားမသိဘူး။ ဒါပေမယ့် နင့်ကို သတိရဖို့တော့ ငါ
နဲနဲမှမပျက်ကွက်ပါဘူး"

နွေး သည် စာဖတ်ရင်း မျက်နှာလေးက ပြုံးနေ၏။ ကမ္ဘာ ပေါ်မှာ မိမိကို အချိန်တိုင်း သတိတရရှိနေပေးသည့် လူတစ်ယောက် ရှိနေခြင်းက သိပ်ကို ကြည်နူးစရာ ကောင်းသည်။

"ဒီနေ့တော့ ငါ့အကြောင်း မပြောပြတော့ပါဘူး။ငါဖတ်ဖူးတဲ့ ပုံပြင်လေးတစ်ပုဒ်အကြောင်းပြောပြမယ်။ တစ်ခါတုန်းက
ဗာရာဏသီပြည်မှာ ဗြဟ္မာဒဏ်မင်းကြီး စိုးစံစဉ်အခါက သန်းကြွယ် သူဌေး ကြီးတစ်ဦးမှာ အလွန်လှပတဲ့ သမီးလေး တစ်ယောက် ရှိသတဲ့။ အဲ့ဒီသမီးလေး အရွယ်ရောက်တဲ့အခါ
ချစ်သူကြိုက်သူ ပေါများလွန်းလှတာကြာင့် ဘုရင်ကြီးက သမီးတော်လေးကို ချစ်ခင်စုံမက်ရင် အလွန်တရာမှ ရက်စက်ကြမ်းကြုတ်တဲ့ တောရိုင်းခြင်္သေ့ တစ်ကောင်ကို ဆက်သရမယ်လို့ ဆိုသတဲ့.... ဟာ သွားပြီ...Barဖွင့်ချိန် ရောက်သွားပြန်ပြီ။ ငါနောက်နေ့မှ ဆက်ပြောပြမယ်။
ဒီပုံပြင်လေးဆုံးတဲ့နေ့ကြရင် နင့် ကို ငါ မေးခွန်းတစ်ခု မေးမယ် ။ဖြေနိုင်ရင် နင် ငါနဲ့တွဲရမယ်။မဖြေနိုင်ရင် ငါ ချစ်ခွင့်ပန်တာကို နင်လက်ခံရမယ် ...."