Maid for the Mafia Boss

Kabanata 3

" How many bag of blood does the kid needs?" Tanong nung lalaking kasama ni William sa nurse. Kasalukuyan niyang pinupuno ang pangalawang bag ng dugo para kay Brylle. Sinundan ko siya dito at ito ang dinatnan ko.

" Anim po." Napatingin ako sa nurse.

" Akala ko ba apat lang?" Gulat kong tanong.

" Pasensya na po pero mukhang kakailanganin niya pa ng mas madami pang dugo." Nanlaki ang mata ko. Mga tatlong beses pa siyang kukuhanan ng dugo?! Mas lumungkot ang itsura ko. Mas nakakaramdam ako ng guilty ngayon.

" May isa ng bag diba? If I'm not mistaken, sinasalin na iyon ngayon." Tumango yung nurse.

" Then get 3 more bags of blood from me." Napalingon ako kay Zeke at parehas kaming nagulat ni ateng nurse. Nakakadalawa na siya at sinabi niya nakuhanan pa siya ng tatlo. Hindi ba masyadong madaming dugo ang mawawala sa kanya?!

" Pero sir, baka naman po kayo pa ang mapahamak. Masyado pong madaming dugo iyon." Inirapan ni Zeke yung nurse na nagpapacute sa kanya.

" I don't care" lumingon siya sa akin.

" You don't have to worry on finding more blood for him. Ako nalang ang pagkunan mo." Umiling ako sa kanya, napakunot din ang noo ko.

" Hindi mo po iyon kailangan gawin. Baka mawalan ka ng masyadong dugo at ikaw naman ang mahimatay." Bumuntong hininga yung lalaki at mas nakunot ang noo ko.

" I can manage, malakas ang pangangatawan ko." Ngumisi ito sa akin at tumingin sa mata. Nagkatitigan kami at napataas ang kilay ko. Nakatingin lang sa akin ang nurse at parang hinihingi ang permiso ko.

" You have to find ways Nassandra, tutal ikaw ang dahilan kung bakit nandito si Brylle and I'm the only way." Bumuka ang bibig ko sa mayabang na sinabi niya. Pumikit-pikit ako. Inaabsorb yung mga nilabas nung dila niya. Teka, ako ang dahilan kung bakit nandito si Brylle? Ow wow. Sampal iyon sa akin ah.

Ngumiti ako kay Mr. So Yabang bago tumingin sa nurse.

" Gawin mo kung ano gusto niya" sabi ko dito at umalis na sa harap nung lalaking iyon. Ayos yung lalaking yon ah! Alam ko naman na ako may dahilan bakit kailangan pang iparating sa akin?!

Nagpatuloy lang ako sa paglalakad dahil sa inis. Hindi ko na alam kung saan ako dinala ng paa ko at nagulat nalang ako nang nasa tapat na ako ng pinto ng fire exit ng ospital. Binuksan ko ang pinto at naglakad sa pababang hagdan.

Napasinghap ako dahil patuloy na bumabalik sa ala ala ko yung sinabi nung lalaking iyon.

Ikaw ang dahilan kung bakit nandito si Brylle...

Napasabunot ako sa buhok ko.

" Argghhh!" Sumandal ako sa pader at unti unting bumabagsak sa sahig.

Hindi ko na napigilang tumulo ang luha ko dahil sa pagiisip na ako nga ang may kasalan ng lahat ng ito.

Paano kung may mangyaring masama kay Brylle at ako ang dahilan noon? Mahal ko siya at hindi ko siya kayang mawala. Ayoko nang may mawala sa pamilya ko... nang dahil sa akin.

Humikbi lang ako nang humikbi dito sa fire exit hinihintay na mapakalma ko ang sarili ko. Siguro ay inabot ako ng mga isang oras. Pasalamat ko nalang na walang dumadating na tao dito.

Nang tumigil ang pagiyak ko,pinunasan ko ang mukha ko at nagdesisyong bumalik kay Brylle.

Naglakad ako sa ward ng ospital at pumunta sa stall nung bata.

Pagpunta ko sa stall ay walang katao-tao doon. Chineck ko kung tama yung number at tama naman. Nilibot ko ang tingin ko sa paligid. Wala sila dito.